ۋكراينالىق اقىن, اۋدارماشى, ستسەناريست, ساياسي جەنە قوعام قايراتكەرٸ يۆان دراچ "112 ۋكراينا" ارناسىنداعى دميتريي گوردوننىڭ اۆتورلىق باعدارلاماسىندا ۋكراينانىڭ بەس پرەزيدەنتٸن بٸر نۇرسۇلتان نازارباەۆ ٷشٸن بەرە سالۋعا بولاتىنىن ايتادى, - دەپ حابارلايدى kaz.tengrinews.kz تٸلشٸسٸ.
باعدارلاماداعى سۇحبات كەزٸندە ۋكراينا سٶز ەتٸلدٸ. دراچ "نارودنيي رۋح ۋكراїني" قاتارىندا قانشا كگب اگەنتٸ, ۆياچەسلاۆ چورنوۆيلدٸ كٸم ٶلتٸرتكەنٸن, قىرىمنىڭ اننەكساتسيياسىن توقتاتۋعا بولاتىن با ەدٸ, دونباسس قاشان ۋكراينا قۇرامىنا كٸرەتٸنٸ تۋرالى ايتتى.
"مەن ٷشٸن نۇرسۇلتان نازارباەۆ - ٶتە تارتىمدى تۇلعا. لاتىن ەلٸپبيٸن ەنگٸزٸپ جاتقاندىعىن الساق تا. بۇل تاماشا. مەن ونى كٶپ ۋاقىتتان بەرٸ تانيمىن. ول ششەربيتسكيي كەزٸندە ۋكرايناعا كەلگەن, ەكەۋٸ دە پرەمەر بولىپ تۇرعاندا. مەن ورىس تٸلٸندە ٶتٸپ جاتقان مينيسترلەر كابينەتٸنٸڭ وتىرىسىنا كەلدٸم, ويلاپ كٶرٸڭٸزشٸ. نازارباەۆ كەلدٸ دە ۋكراين تٸلٸندە سٶيلەي باستادى. وسىدان كەيٸن وتىرىستار ۋكراين تٸلٸندە ٶتە باستادى. بۇل ششەربينسكيي كەزٸندە, مۇنى جاي مىسالعا ايتىپ وتىرمىن. ال قازاقستاندا ولجاس سٷلەيمەنوۆتەن باستاپ, تانىستارىم كٶپ. مەن بۇل حالىقتى ٶتە سىيلايمىن, تارتىمدى, ٷينەمٸ بٸر قوزعالىستا جەنە باسشىلارىمەن دە جولى بولدى. مەن بارلىق بەس پرەزيدەنتٸمٸزدٸ نۇرسۇلتان ەبٸشۇلى ٷشٸن بەرە سالاتىن ەدٸم (كٷلدٸ)", - دەيدٸ دراچ باعدارلامادا.
سٷحباتتىڭ مەتٸندەگٸ نۇسقاسىن gordonua.com سايتىنان وقۋعا بولادى.
