Ýkrainalyq aqyn, aýdarmashy, stsenarist, saiasi jáne qoǵam qairatkeri Ivan Drach "112 Ýkraina" arnasyndaǵy Dmitrii Gordonnyń avtorlyq baǵdarlamasynda Ýkrainanyń bes prezidentin bir Nursultan Nazarbaev úshin bere salýǵa bolatynyn aitady, - dep habarlaidy kaz.tengrinews.kz tilshisi.
Baǵdarlamadaǵy suhbat kezinde Ýkraina sóz etildi. Drach "Narodnii rýh Ýkraїni" qatarynda qansha KGB agenti, Viacheslav Chornovildi kim óltirtkenin, Qyrymnyń anneksatsiiasyn toqtatýǵa bolatyn ba edi, Donbass qashan Ýkraina quramyna kiretini týraly aitty.
"Men úshin Nursultan Nazarbaev - óte tartymdy tulǵa. Latyn álipbiin engizip jatqandyǵyn alsaq ta. Bul tamasha. Men ony kóp ýaqyttan beri tanimyn. Ol Sherbitskii kezinde Ýkrainaǵa kelgen, ekeýi de premer bolyp turǵanda. Men orys tilinde ótip jatqan Ministrler Kabinetiniń otyrysyna keldim, oilap kórińizshi. Nazarbaev keldi de ýkrain tilinde sóilei bastady. Osydan keiin otyrystar ýkrain tilinde óte bastady. Bul Sherbinskii kezinde, muny jai mysalǵa aityp otyrmyn. Al Qazaqstanda Oljas Súleimenovten bastap, tanystarym kóp. Men bul halyqty óte syilaimyn, tartymdy, úinemi bir qozǵalysta jáne basshylarymen de joly boldy. Men barlyq bes prezidentimizdi Nursultan Ábishuly úshin bere salatyn edim (kúldi)", - deidi Drach baǵdarlamada.
Súhbattyń mátindegi nusqasyn gordonua.com saitynan oqýǵa bolady.
