بٷگٸن مۇحتار قۇل-مۇحاممەد نەتيجەلٸ جۇمىسپەن قامتۋدىڭ جەنە جاپپاي كەسٸپكەرلٸكتٸ دامىتۋدىڭ باعدارلاماسىن پارتييالىق تىڭداۋدىڭ كٷن تەرتٸبٸنە شىعاردى.
بۇل ٸس-شاراعا مەجٸلٸس تٶراعاسىنىڭ ورىنباسارى – «نۇر وتاننىڭ» دەپۋتاتتىق فراكتسيياسىنىڭ جەتەكشٸسٸ گٷلميرا ەسٸمباەۆا, ەڭبەك جەنە حالىقتى ەلەۋمەتتٸك قورعاۋ مينيسترٸ تامارا دٷيسەنوۆا, ۇلتتىق ەكونوميكا بٸرٸنشٸ ۆيتسە-مينيسترٸ رۋسلان دەلەنوۆ, اۋىل شارۋاشىلىعى ۆيتسە-مينيسترٸ گٷلميرا يساەۆا, بٸلٸم جەنە عىلىم ۆيتسە-مينيسترٸ ەلميرا سۋحانبەرديەۆا, پارلامەنت مٷشەلەرٸ, سونداي-اق مەملەكەتتٸك ورتالىق ورگانداردىڭ, وبلىس ەكٸمشٸلٸكتەرٸنٸڭ, ۋنيۆەرسيتەتتەردٸڭ, كوللەدجدەردٸڭ, كوممەرتسييالىق جەنە قوعامدىق ۇيىمداردىڭ باسشىلارى قاتىستى.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸنە جٷگٸنسەك, بيىلعى جىلى 634 مىڭ قازاقستاندىق جۇمىسقا ورنالاساتىن بولادى. ولاردىڭ ٸشٸندەگٸ 124 مىڭى – مەملەكەتتٸك باعدارلامانىڭ ارقاسىندا قۇرىلاتىن جاڭا جۇمىس ورىندارى. مىسالى, «نۇرلى جول» - 34 مىڭ, يندۋستريالدى-يننوۆاتسييالىق دامۋدىڭ مەملەكەتتٸك باعدارلاماسى – 19 مىڭ, اگروبيزنەس – 8 مىڭ, ٶڭٸرلەردٸ دامىتۋ باعدارلاماسى – 53 مىڭ, بيزنەستٸڭ جول كارتاسى 2020 – 13 مىڭ جۇمىس ورنىن تاۋىپ بەرەدٸ.
تىڭداۋدى اشقان «نۇر وتان» پارتيياسى تٶراعاسىنىڭ بٸرٸنشٸ ورىنباسارى مەملەكەت باسشىسىنىڭ ەلٸمٸزدٸڭ ٸلگەرٸ دامۋى ٷشٸن بارلىق مٷمكٸندٸكتەردٸ جاساپ جاتقانىن اتاپ ٶتتٸ.
«شەت ەلدەن جەنە بيۋدجەتتەن سان ميللياردتاعان قارجىلار تارتىلىپ, جاڭا زاۋىتتار مەن كەسٸپورىندار اشىلىپ, يننوۆاتسييالىق تەحنولوگييالار ەنگٸزٸلۋدە. دەل وسىنداي ۋاقىتتا بٸزدە 445 مىڭ جۇمىسسىز تٸركەلگەن. «نۇر وتان» پارتيياسى مەن ٷكٸمەت بۇل پروبلەمانى شەشۋٸ تيٸس», - دەپ اتاپ ٶتتٸ مۇحتار قۇل-مۇحاممەد.
