Búgin Muhtar Qul-Muhammed nátijeli jumyspen qamtýdyń jáne jappai kásipkerlikti damytýdyń baǵdarlamasyn partiialyq tyńdaýdyń kún tártibine shyǵardy.
Bul is-sharaǵa Májilis tóraǵasynyń orynbasary – «Nur Otannyń» depýtattyq fraktsiiasynyń jetekshisi Gúlmira Esimbaeva, eńbek jáne halyqty áleýmettik qorǵaý ministri Tamara Dúisenova, ulttyq ekonomika birinshi vitse-ministri Rýslan Dálenov, aýyl sharýashylyǵy vitse-ministri Gúlmira Isaeva, bilim jáne ǵylym vitse-ministri Elmira Sýhanberdieva, parlament músheleri, sondai-aq memlekettik ortalyq organdardyń, oblys ákimshilikteriniń, ýniversitetterdiń, kolledjderdiń, kommertsiialyq jáne qoǵamdyq uiymdardyń basshylary qatysty.
Eńbek jáne halyqty áleýmettik qorǵaý ministrliginiń málimetine júginsek, biylǵy jyly 634 myń qazaqstandyq jumysqa ornalasatyn bolady. Olardyń ishindegi 124 myńy – memlekettik baǵdarlamanyń arqasynda qurylatyn jańa jumys oryndary. Mysaly, «Nurly jol» - 34 myń, Indýstrialdy-innovatsiialyq damýdyń memlekettik baǵdarlamasy – 19 myń, Agrobiznes – 8 myń, óńirlerdi damytý baǵdarlamasy – 53 myń, Biznestiń jol kartasy 2020 – 13 myń jumys ornyn taýyp beredi.
Tyńdaýdy ashqan «Nur Otan» partiiasy Tóraǵasynyń Birinshi orynbasary Memleket basshysynyń elimizdiń ilgeri damýy úshin barlyq múmkindikterdi jasap jatqanyn atap ótti.
«Shet elden jáne biýdjetten san milliardtaǵan qarjylar tartylyp, jańa zaýyttar men kásiporyndar ashylyp, innovatsiialyq tehnologiialar engizilýde. Dál osyndai ýaqytta bizde 445 myń jumyssyz tirkelgen. «Nur Otan» partiiasy men úkimet bul problemany sheshýi tiis», - dep atap ótti Muhtar Qul-Muhammed.
