فوتو: ۇيىمداستىرۋشىلاردان
الماتىدا مۇحامەتجان تىنىشبايۇلىنىڭ 1925 جىلى جازىلعان «قازاق حالقىنىڭ تاريحى» كٸتابىنىڭ تۇساۋكەسەرٸ ٶتتٸ. جوبا Choco حولدينگٸنٸڭ قولداۋىمەن جٷزەگە اسقان, دەپ حابارلايدى Ult.kz.
بۇل كٸتاپ بىلتىر AmalBooks باسپاسىنان تٷپنۇسقادا, ياعني ورىس تٸلٸندە جارىق كٶرگەن. بٸر عاسىر بويى قازاق تٸلٸنە اۋدارىلماعان كٸتاپتى ەندٸ ٶز تٸلٸمٸزدە وقي الامىز.
تۇساۋكەسەرگە مۇحامەتجان تىنىشبايۇلىنىڭ جيەن نەمەرەسٸ, «م.تىنىشبايۇلى اتىنداعى قوردىڭ» تٶرايىمى نۇرشاكەن جٷنٸسوۆا, سونداي-اق تاريحشىلار مەن عالىمدار, تٷرلٸ باق ٶكٸلدەرٸ قاتىستى
فوتو: ۇيىمداستىرۋشىلاردان
كٸتاپتى قازاق تٸلٸنە اۋدارعان AmalBooks باسپاسىنىڭ نەگٸزٸن قالاۋشى باقىتجان بۇقارباي: «مۇحامەتجان تىنىشبايۇلىنىڭ ەڭبەگٸن قازاق تٸلٸنە اۋدارىپ شىعارۋ ەلٸمٸز ٷشٸن ٶتە ماڭىزدى وقيعا. مۇحامەتجان تىنىشبايۇلى – جٷز جىل بۇرىن, پاتشا ٷكٸمەتٸ كەزٸندە ەلٸمٸزدٸڭ تاريحىنىڭ ماڭىزىن دەلەلدەپ تۇتاس عىلىمي ەڭبەك جازىپ كەتكەن تاريحشى عالىم. العاشقى تەمٸرجول ينجەنەرٸ, سول كەزدەگٸ دۋمانىڭ العاشقى دەپۋتاتى. وسى كٸتاپتى قازاق تٸلٸنە اۋدارۋعا AmalBooks باستاماشىل بولىپ, ونى ارى قاراي جٷزەگە اسىرۋعا كٶمەكتەسكەن Choco حولدينگٸنٸڭ باسشىسى راميل مىرزا مەن ٶزگە ماماندارعا دا العىسىم شەكسٸز!» دەيدٸ
كٸتاپتىڭ قازاقشا شىعۋىنا قولداۋ كٶرسەتكەن Choco حولدينگٸنٸڭ باسشىسى راميل مۋحورياپوۆتىڭ پٸكٸرٸنشە, بۇل كٸتاپتىڭ قازاق تٸلٸنە اۋدارىلۋى ەلٸمٸز بەن ٶزٸمٸزدٸ تانۋعا كٶپ كٶمەكتەسەدٸ.
«مۇحامەتجان تىنىشبايۇلى ٶز دەۋٸرٸنٸڭ ەلەۋلٸ تۇلعاسى, ينجەنەرييا, تاريح سالاسىن زەرتتەگەن جان-جاقتى عالىم. «قازاق حالقىنىڭ تاريحى» كٸتابى ەرقايسىمىز قاستەرلەي وقيتىن ەڭبەك. وسىنداي كٸتاپتار ارقىلى ٶزٸمٸزدٸ تاني تٷسەمٸز. ەر ٷيدٸڭ تٶرٸندە تۇراتىن كيەلٸ كٸتاپتاردان كەيٸن ەل مەن جەر, حالىقتىڭ تاريحىن باياندايتىن وسىنداي ەڭبەكتەر بولۋى تيٸس دەپ ويلايمىن» دەيدٸ راميل مۋحورياپوۆ.
مۇحامەتجان تىنىشبايۇلى (1879-1937) قازاقتىڭ كٶرنەكتٸ زييالىسى, تٷركٸستان اۆتونوميياسىنىڭ بٸرٸنشٸ پرەمەر-مينيسترٸ, زەرتتەۋشٸ-تاريحشى. «قازاق حالقىنىڭ تاريحى» قازاقتاردىڭ شىعۋ تاريحى جان-جاقتى ەرٸ كٶركەم تٷردە ەڭگٸمەلەيدٸ. قازاق حالقى دەگەن ۇعىمدى قۇرايتىن تٷپ-تامىر مەن تارماقتاردى, قازاقتىڭ رۋ-تايپالارىن تەرەڭٸنەن سيپاتتايدى. سونداي-اق كٸتاپتا قازاق شەجٸرەسٸ قوسىمشا كەستە تٷرٸندە بەرٸلگەن.
جٷز جىلدان سوڭ جارىق كٶرگەن كٸتاپ ٶز تاريحىنا بەيجاي قارامايتىن قالىڭ وقىرمانعا ارنالادى.
