قر اقپارات جەنە قوعامدىق دامۋ مينيسترٸ بارلىق جۋرناليستەر مەن باق قىزمەتكەرلەرٸن كەسٸبي مەرەكەسٸمەن قۇتتىقتادى, دەپ حابارلايدى "ۇلت اقپارات".
«كەز كەلگەن قوعامنىڭ دامۋى, مەملەكەتتٸك ٶسٸپ-ٶركەندەۋٸ – سول قوعامنىڭ ٸشكٸ تۇراقتىلىعىنا, بەرەكە-بٸرلٸگٸنە, ۇلتتىق قۇندىلىقتارىنىڭ ساقتالۋىنا, مەملەكەتتٸك مىقتى يدەولوگيياسىنا بايلانىستى. ال مۇنى قالىپتاستىراتىن ەڭ بٸرٸنشٸ – عالىمدار مەن زييالىلار, اقىن-جازۋشىلار مەن جۋرناليستەر. جۋرناليستەر – قوعامنىڭ جاناشىرى. قوعام تٸرشٸلٸگٸندەگٸ قىلت ەتكەن قيىندىقتاردا بٸرٸنشٸ بولىپ ٷن قاتاتىن, تىعىرىقتان شىعار جول ٸزدەيتٸن دە جۋرناليستەر قاۋىمى.
سوڭعى ايلارداعى قيىن جاعداي كەزٸندە ٶز دەنساۋلىعى مەن ٶمٸرٸنە قاۋٸپتٸ ەكەنٸنە قاراماستان, ادامدارعا شىنايى اقپارات تاراتىپ, ادامداردىڭ ەرتەڭگٸ كٷنگە دەگەن سەنٸمٸن ارتتىرۋ ماقساتىندا كەسٸبي مٸندەتٸن ادال اتقارىپ جٷرگەن مەديا قىزمەتكەرلەرٸ جۇمىسىنا قوعام كۋە», - دەدٸ ايدا بالاەۆا.
سالتاناتتى ٸس-شارا اياسىندا جوعارى كەسٸبي شەبەرلٸگٸ ٷشٸن ەلٸمٸزدٸڭ بارلىق ايماقتارىنان ونداعان مەديا قىزمەتكەرلەر قر اقپارات جەنە قوعامدىق دامۋ مينيسترلٸگٸنٸڭ قۇرمەت گراموتاسىمەن جەنە وتاندىق جۋرناليستيكانى دامىتۋعا ايرىقشا ٷلەس قوسقان مەديا مايتالماندارى "اقپارات سالاسىنىڭ ٷزدٸگٸ" تٶس بەلگٸسٸمەن ماراپاتتالدى. سانيتارلىق ەپيدەميولوگييالىق جاعدايعا بايلانىستى ماراپات تەك Qazaqstan جەنە "حابار 24" تەلەارنالارىنىڭ جۋرناليستەرٸ ماقپال ۋكەنوۆا مەن قانات بازىلحانوۆ, Aiqyn جەنە "كازاحستانسكايا پراۆدا" گازەتتەرٸنٸڭ جۋرناليستەرٸ ايتجان مۇرجانوۆ پەن اسقار بەيسەنباەۆقا تابىستالدى.
سونىمەن قاتار, بيىل العاش رەت بەلگٸلٸ جۋرناليست جەنە قوعام قايراتكەرٸ, قر پرەزيدەنتٸ سىيلىعىنىڭ لاۋرەاتى بەيسەن قۇرانبەك اتىنداعى "جٸگەر" سىيلىعى تاعايىندالعانى بەلگٸلٸ. ەستەرٸڭٸزگە سالا كەتەيٸك, تٶرت نوميناتسييا بويىنشا كونكۋرسقا قاتىسۋ ٷشٸن ٶتٸنٸمدەر قابىلداۋ 2020 جىلدىڭ 26 مامىرى مەن 15 ماۋسىمى ارالىعىندا ٶتكەن بولاتىن. جەڭٸمپازدارعا سىيلىقتى "اقپارات سالاسىنىڭ ٷزدٸگٸ" تٶسبەلگٸسٸنٸڭ جاڭا يەگەرلەرٸ تابىستاۋ قۇرمەتٸنە يە بولادى.
"جٸگەر" سىيلىعىنىڭ مەرەي شوحمانوۆا ("حابار 24" تك, "ەلەۋمەتتٸك تاقىرىپتاعى ٷزدٸك تۆ سيۋجەتٸ" اتالىمىندا), ازامات قاسىم ("Egemen Qazaqstan" گازەتٸ, «ەلەۋمەتتٸك تاقىرىپتاعى ٷزدٸك ماقالا»), اقجەلەڭ راحاتدينقىزى ("الماتى" تك, "ەلەۋمەتتٸك تاقىرىپتا ەڭ ٷزدٸك جارييالانىم (ەلەۋمەتتٸك جەلٸدە),ولگا بۋگاەۆا, (اا "Pavlodarnews.kz", "ەلەۋمەتتٸك تاقىرىپتاعى ٷزدٸك فوتوسۋرەت" اتالىمىندا) العاشقى يەگەرلەرٸ اتاندى.
سالتاناتتى شارا كەزٸندە ەرٸپتەستەرٸن بەينەبايلانىس ارقىلى شەتەلدٸك بٶلٸمشەلەردە جۇمىس ٸستەيتٸن وتاندىق باق جۋرناليستەرٸ, اتاپ ايتقاندا, مايرا كابيەۆا (اقش), سەرگەي ايسەندەر (يزرايل), يۋلييا تۋجيلكينا (گرۋزييا), سونداي-اق جانات ەرنست (بەلگييا) جەنە عالىمجان قارامانۇلى (ۇلىبريتانييا) قۇتتىقتادى.
جيىن بارىسىندا ٸس-شاراعا قاتىسۋشىلار 2020 جىل قازاقستاندىق جۋرناليستەر ٷشٸن تەك كوروناۆيرۋس پاندەميياسىمەن كٷرەسپەن عانا ەمەس, سونىمەن قاتار جٷزدەگەن ناعىز كەسٸبي شەبەرلەردٸڭ ادال ەڭبەگٸ مەن ماڭداي تەرٸنٸڭ ارقاسىندا جەتكەن جەتٸستٸكتەرمەن دە ەستە قالاتىنىن اتاپ ٶتتٸ. سونداي-اق, بيىلعى جىلى رەسپۋبليكالىق «كازاحستانسكايا پراۆدا» گازەتٸ مەن «كازينفورم» حالىقارالىق اقپارات اگەنتتٸگٸ 100 جىلدىق مەرەيتويىن اتاپ ٶتۋدە, «حابار اگەنتتٸگٸ» اق-نىڭ مەديا نارىققا شىققانىنا 25 جىل تولىپ وتىر.
اقپارات جەنە قوعامدىق دامۋ مينيسترٸ ايدا بالاەۆا جۋرناليست ماماندىعىن تەك بويىندا ايرىقشا ازاماتتىق ۇستانىمى, كەڭ دٷنيەتانىمى مەن جوعارى ادامگەرشٸلٸك قۇندىلىقتارى بار ادامدار عانا الىپ جٷرەتٸنٸن اتاپ ٶتٸپ, بارلىق باق قاۋىمداستىعى ٶكٸلدەرٸنە العىسىن بٸلدٸردٸ. مەرەكەلٸك شارادا جۋرناليستەر كٷنٸنە ارنايى جازىلعان ەننٸڭ تۇساۋى دا كەسٸلدٸ.
«ٶزٸمنٸڭ جەنە مينيسترلٸك ۇجىمىمنىڭ اتىنان بارشا ەرٸپتەستەرٸمٸزدٸ شىن جٷرەكتەن قۇتتىقتايمىن. راسىندا دا جۋرناليستيكا شىعارماشىلىق ٶرٸستٸ عانا ەمەس, كەسٸبي ٶرشٸلدٸك پەن اسا تەرەڭ مەدەنيەتتٸلٸكتٸ, جان-جاقتى بٸلٸمدٸلٸك پەن ٸشكٸ تەربيەلٸكتٸ قاتار تالاپ ەتەتٸن ماماندىق. ٶيتكەنٸ, عۇلاما عالىممەن دە, بٸرتاۋار دارىنمەن دە, قاراپايىم قاۋىممەن دە تەڭ سٶيلەسٸپ, تامىرىن تابۋ ەكٸنٸڭ بٸرٸنە بۇيىرا بەرمەيتٸن دارا قاسيەت, اسقاق ابىروي. ٶز باسىم وسىنداي قاسيەت پەن ابىرويدى وتاندىق جۋرناليستيكامىزدى بٷگٸنگٸدەي تاماشا بيٸككە كٶتەرگەن مايتالمان اعا بۋىننان باستاپ, وسى كٷنٸ اقپارات اعىمىمەن الىسقان ەربٸر تٸلشٸنٸڭ بويىنان كٶرەمٸن. كٶرٸپ قانا قويماي, سٸزدەردٸڭ بار ەرەكشە تالعامپازدىقتارىڭىزدى سەزٸنەمٸن. سوندىقتان وسىنداي تالعامدى قوعامدا قالىپتاستىرىپ, اينالامىزعا ادال اقپارات جەتكٸزۋگە اتسالىسقان, اۋىر دا ابىرويلى ەڭبەكتەرٸڭٸز ٷشٸن العىسىمدى جەتكٸزەمٸن», - دەدٸ مينيستر.
