ەلەم ەلدەرٸنٸڭ, حالىقارالىق ۇيىمداردىڭ باسشىلارى مەن پرەمەر-مينيسترلەرٸ 4 تامىزدا ليۆاننىڭ ەسكەري-تەڭٸز كٷشتەرٸ (ەتك) بازاسىنا جاقىن بەيرۋت پورتى اۋدانىندا بولعان جارىلىسقا بايلانىستى ليۆان حالقىنا كٶڭٸل ايتىپ, شۇعىل كٶمەك كٶرسەتۋگە دايىن ەكەندەرٸن بٸلدٸردٸ, دەپ حابارلايدى تاياۋ شىعىستاعى اراب بۇقارالىق اقپارات قۇرالدارى.
5 تامىز كٷنٸ بەيرۋت ۋاقىتىمەن ساعات 00:30-دا ليۆاننىڭ دەنساۋلىق ساقتاۋ مينيسترٸ مۇحاممەد حاسان جارىلىستان قازا تاپقاندار سانى 70-كە جەتكەنٸن, 4 مىڭعا جۋىق تۇرعىن جاراقات العانىن حابارلادى. قۇتقارۋ جۇمىستارى ەلٸ دە جالعاسۋدا.
اق ٷي اقش-تىڭ بەيرۋتتاعى جارىلىستى مۇقييات قاداعالاپ وتىرعانىن ايتتى. اقش مەملەكەتتٸك دەپارتامەنتٸنٸڭ ٶكٸلٸ قۇراما شتاتتاردىڭ بەيرۋتتاعى جارىلىس تۋرالى حابارلامالاردى مۇقييات باقىلاپ وتىرعانىن جەنە «قولدان كەلگەن بارلىق كٶمەكتٸ» كٶرسەتۋگە دايىن ەكەنٸن مەلٸمدەدٸ. اقش مەملەكەتتٸك دەپارتامەنتٸندە جارىلىستىڭ سەبەپتەرٸ تۋرالى اقپارات جوق جەنە زارداپ شەككەندەردٸڭ اراسىندا امەريكالىقتاردىڭ بار-جوعىن انىقتاۋ ٷشٸن جەرگٸلٸكتٸ بيلٸكپەن جۇمىس جٷرگٸزٸلۋدە.
كاتار ەمٸرٸ شەيح تاميم بين حاماد ەل-تاني ليۆان پرەزيدەنتٸ ميشەل اۋنعا قوڭىراۋ شالىپ, دەرەۋ ليۆانعا جەدەل قۇرىلاتىن اۋرۋحانالاردى جٸبەرۋدٸ بۇيىردى.
«ليۆانداعى جارىلىس ٶتە ٷلكەن الاڭداۋشىلىق تۋدىردى, بٸزدە نە بولعانى تۋرالى جەنە ونىڭ سەبەبٸ نەدە ەكەنٸ, ول كەزدەيسوقتىق پا, ەلدە ادامنىڭ جاساعان ەرەكەتٸ مە, ەشقانداي اقپارات جوق. سوندىقتان ولارعا جاۋاپ بەرۋ ٷشٸن بٸزگە بۇل اقپارات قاجەت», - بۇۇ باس حاتشىسى رەسمي ٶكٸلٸنٸڭ ورىنباسارى فارحان حاك.
فرانتسييانىڭ سىرتقى ٸستەر مينيسترٸ جان-يۆ لە دريان فرانتسييا ليۆاندى جەنە ليۆاندىقتاردى ەرقاشان دا قولدايتىنىن مەلٸمدەدٸ. «فرانتسييا ليۆان بيلٸگٸنٸڭ قاجەتٸنە قاراي كٶمەك كٶرسەتۋگە دايىن», - دەپ جازدى لە دريان Twitter پاراقشاسىندا.
تٷركييانىڭ پرەزيدەنتٸ رەجەپ ەردوعان ٶز ەلٸنٸڭ ليۆانعا تولىقتاي قولداۋ بٸلدٸرەتٸنٸن جەنە وسى قيىن جاعدايدا ليۆان حالقىنا قاجەتتٸ كٶمەك كٶرسەتۋگە دايىن ەكەنٸن مەلٸمدەدٸ. تٷركييا مەن يراننىڭ سىرتقى ٸستەر مينيسترلٸكتەرٸ جارىلىس سالدارىنان قازا تاپقاندار مەن زارداپ شەككەندەردٸڭ كٶپتٸگٸنە بايلانىستى ليۆان حالقىنا قايعىرىپ كٶڭٸل ايتىپ, جارالانعانداردىڭ تەزٸرەك ساۋىعىپ كەتۋٸن تٸلەدٸ.
كرەمل مەلٸمدەمەسٸندە پرەزيدەنت ۆلاديمير پۋتين ميشەل اۋنعا كٶڭٸل ايتۋ جەدەلحاتىن جولدادى. وندا ليۆانداعى جارىلىستىڭ زارداپتارىن جويۋعا مەسكەۋدٸڭ قولداۋ كٶرسەتۋگە دايىن ەكەنٸن باسا ايتتى.
ۇلىبريتانييانىڭ پرەمەر-مينيسترٸ بوريس دجونسون دا ۇلىبريتانييا ليۆانعا كەز-كەلگەن جولمەن قولداۋ كٶرسەتۋگە دايىن ەكەنٸن مەلٸمدەدٸ جەنە زارداپ شەككەندەرگە كٶڭٸل ايتتى.
ەۋرووداقتىڭ سىرتقى ٸستەر جەنە قاۋٸپسٸزدٸك ساياساتى جٶنٸندەگٸ جوعارعى ٶكٸلٸ جوزەپ بوررەلل ليۆان بيلٸگٸ مەن حالقىنا كٶڭٸل ايتتى.
يوردانييانىڭ سىرتقى ٸستەر مينيسترٸ ايمان سافادي ونىڭ ەلٸ بەيرۋت پورتىنداعى جارىلىستان كەيٸن ليۆانعا قاجەت كەز-كەلگەن كٶمەكتٸ كٶرسەتۋگە دايىن ەكەنٸن مەلٸمدەدٸ.
يراك پرەمەر-مينيسترٸ مۇستافا ەل-كازەمي يراك ٷكٸمەتٸ مەن حالقىنىڭ ليۆانمەن بٸرگە ەكەنٸن, يراكتىڭ ليۆان حالقىن قازٸرگٸ قيىن جاعدايدا قولداۋعا دايىن ەكەنٸن باسا ايتتى.
ەسكە سالا كەتەيٸك, 4 تامىزدا ليۆاننىڭ ەسكەري-تەڭٸز كٷشتەرٸ (ەتك) بازاسىنا جاقىن بەيرۋت پورتى اۋدانىندا جويقىن جارىلىس بولعان ەدٸ.
قازاقستاننىڭ سٸم ليۆانداعى جارىلىس سالدارىنان قازاقستاننىڭ ديپلوماتييالىق ميسسيياسى عيماراتىنا زييان كەلگەنٸن حابارلاعان بولاتىن.
