فوتو: instagram.com/ruslan_berdenov
قازٸر شىمكەر قالاسىندا قالا ەكٸمٸنٸڭ ورىنباسارى رۋسلان بەردەنوۆكە جاسالعان قاستاندىق وقيعاسىنا قاتىستى سوت وتىرىسى ٶتٸپ جاتىر. Ult.kz تٸلشٸسٸ وقيعا ورىن العان كەزدەن باستاپ سوت وتىرىستارى قالاي ٶتكەنٸنە شولۋ جاسادى.
قىلمىستىق وقيعا
2025 جىلى 21 سەۋٸردە شىمكەنت قالالىق ەكٸمدٸگٸ عيماراتىنىڭ جانىندا رۋسلان بەردەنوۆكە قاستاندىق جاسالدى. وعان 5 رەت وق اتىلىپ, اۋىر حالدە اۋرۋحاناعا تٷستٸ. شەنەۋنٸككە شۇعىل وتا جاسالىپ, امان قالدى.
بەردەنوۆكە وق اتقان 31 جاستاعى ەرنار جيەمباي ەسٸمدٸ ازامات وقيعا ورنىنان كٶپ ۇزاماي بٸردەن ۇستالعان. وعان قىلمىستىق كودەكستٸڭ 24-بابى 3-بٶلٸگٸ (قىلمىسقا دايىندالۋ جەنە قىلمىسقا وقتالۋ), 99-باپ 1-بٶلٸگٸ (كٸسٸ ٶلتٸرۋگە وقتالۋ) بويىنشا ايىپ تاعىلىپ, تەرگەۋ باستالدى.
وقي وتىرىڭىز: «مەملەكەتكە باعىتتالعان ەسكەرتۋ»: مەجٸلٸسمەندەر بەردەنوۆتٸڭ جاعدايىنا قاتىستى پٸكٸر بٸلدٸردٸ
الدىن الا تىڭداۋ
22 شٸلدە كٷنٸ الدىن الا تىڭداۋ مەرزٸمٸ جاريالانىپ, 28 شٸلدەدە شىمكەنتتٸڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا الدىن الا تىڭداۋ ٶتتٸ.
وقي وتىرىڭىز: شىمكەنتتە رۋسلان بەردەنوۆكە جاسالعان قاستاندىق ٸسٸ بويىنشا سوت پروتسەسٸ باستالدى
وندا ايىپتالۋشى ەرنار جيەمباي قىلمىستىق ٸستٸ القابيلەردٸڭ قاتىسۋىنسىز قاراۋدى ٶتٸنگەن, ٶزٸن فوتو-ۆيدەوعا تٷسٸرۋگە قارسى بولدى, ٶتٸنٸش قاناعاتتاندىرىلدى.
Zakon.kz جازۋىنشا پروكۋرور ەرلان سەدٸبەكوۆ بايانداعان مەلٸمەتكە سەيكەس جيەمباي شىمكەنت قالاسى ەكٸمدٸگٸنٸڭ قۇرىلىس نىساندارىنا مونيتورينگ جٷرگٸزۋ باسقارماسىنىڭ بٶلٸم باسشىسى ك.-نان ۇيالى تەلەفون ارقىلى شىمكەنت قالاسى ەكٸمٸنٸڭ ورىنباسارى بەردەنوۆتٸڭ "تۇرعىن ٷي شىمكەنت" جشس ديرەكتورى لاۋازىمىنان ٶز ەركٸمەن ارىز جازىپ كەتسٸن دەگەنٸ تۋرالى ايتقانىن ەستٸپ, ادام ٶلتٸرۋ ياعني, ادام قۇقىعىنا قارسى قاساقانا قازاعا ۇشىراتۋ قىلمىستىق ويى پايدا بولعان.
پروكۋروردىڭ ايتۋىنشا, ايىپتالۋشى ەۋەلٸ ٸشٸمدٸك ٸشكەن. سوسىن ٷيٸنەن اڭشى مىلتىعىن الىپ, ەشكٸمگە بٸلدٸرمەي قىلمىستىق ويىن جٷزەگە اسىرۋ امالىنا كٸرٸسكەن.
الدىن الا تىڭداۋ جەبٸرلەنۋشٸنٸڭ دەنساۋلىعىنا بايلانىستى ونىڭ ٶزٸنٸڭ قاتىسۋىنسىز ٶتكەن, الايدا سۋديا بەردەنوۆتٸ نەگٸزگٸ سوت وتىرىسىنا مٸندەتتٸ تٷردە ٶزٸ كەلۋٸن مٸندەتتەدٸ.
نەگٸزگٸ سوت وتىرىسىنىڭ باستالۋى
نەگٸزگٸ سوت وتىرىسى 6 تامىزدا باستالعان. رۋسلان بەردەنوۆ سۋديانىڭ مٸندەتتەۋٸنە قاراماستان دەنساۋلىعىنا بايلانىستى سوتقا قاتىسپادى.
ال ايىپتالۋشى ەرنار جيەمباي شەنەۋنٸككە نە ٷشٸن وق اتقانىن ايتتى. ول مۇنداي قىلمىسقا جۇمىستان شىعارىلعانى ٷشٸن ەمەس, ەيەلٸن قىزعانعاننان بارعانىن ايتتى. نامىسى تاپتالدى دەپ ەسەپتەگەن جيەمباي ٶز سٶزٸندە بەردەنوۆ ەيەلٸنە "سەن ەدەمٸسٸڭ" دەپ جازىپ, سۋرەتٸنە لايك قويعان.
بٸراق جەبٸرلەنۋشٸ جيەمبايدىڭ بۇل سٶزٸنە قاتىستى ٶز ۋەجٸن ەلەۋمەتتٸك جەلٸگە جارييالادى. ول دەنساۋلىعىنا بايلانىستى سوتقا قاتىسا الماعانىمەن, سوت پروتسەسٸن جەنە وعان قاتىستى اقپاراتتىق كەڭٸستٸكتەگٸ احۋالدى مۇقييات باقىلاپ وتىرعانىن ايتتى. بەردەنوۆ جيەمبايدىڭ مەلٸمدەمەسٸن تەك شانتاج جەنە قىسىم كٶرسەتۋ ەرەكەتٸ دەپ باعالادى.
«جاۋاپكەر كەلٸسٸم اياسىنداعى جۇمىسىن ادال اتقارعىسى كەلمەدٸ, ەسەپ بەرۋدەن جالتاردى. مەن تەك اشىقتىق پەن مٸندەتتەمەلەردٸڭ ورىندالۋىن تالاپ ەتتٸم. ال قوعام نازارىن "قىزعانىش", "جەكە قاتىناس", "جۇبايى" سەكٸلدٸ جالعان سەبەپتەرگە بۇرۋ ‒ مانيپۋلياتسييا, شىندىقتان الىستاتۋ. مەن ونىڭ جۇبايىن دا, وتباسىن دا تانىمايمىن. ول مەن ٷشٸن تەك مەردٸگەر بولاتىن», - دەدٸ رۋسلان بەردەنوۆ.
وقي وتىرىڭىز: بەردەنوۆ سوتتالۋشىنىڭ مەلٸمدەمەسٸنە جاۋاپ بەردٸ
13 تامىز كٷنگٸ سوت وتىرىسىندا رۋسلان بەردەنوۆكە قالاي وق اتىلعانى تۋرالى بەينەجازبالار كٶرسەتٸلٸپ, , وقيعادا قولدانىلعان «سايگا» مىلتىعى, وقتار سيياقتى زاتتاي ايعاقتار ۇسىنىلدى.
ۆيدەودا ەكٸم ورىنباسارى ەكٸمدٸك عيماراتىنان شىعىپ, باسپالداقپەن تٶمەن تٷسٸپ كەلە جاتقانى كٶرٸنەدٸ. سوسىن قارۋ ۇستاعان ادام جٷگٸرٸپ كەلٸپ, قاشا جٶنەلگەن بەردەنوۆتى قۋىپ جٷرٸپ بٸرنەشە رەت اتادى. ارتىنشا بەردەنوۆتىڭ جٷرگٸزۋشٸسٸ ونى كٶلٸكپەن قاعادى. سوتتا كۋەلٸك ەتكەن شەنەۋنٸكتٸڭ كٶلٸك جٷرگٸزۋشٸسٸ مەيرامبەك قالىمبەتوۆ جيەمبايدى شامامەن 30–40 كم/ساع جىلدامدىقپەن سوققانىن ايتادى.
«ونى توقتاتپاق بولدىم. قاتتى ەمەس, اقىرىن سوقتىم. سوسىن كەرٸ شەگٸنٸپ, قۇلاپ قالدى. ونى ۇستاۋ ٷشٸن ماشينادان جٷگٸرٸپ شىقتىم», ‒ دەنگەن جٷرگٸزۋشٸ قانسىراپ جاتقان بەردەنوۆتىڭ پيدجاگىن شەشٸپ, قاندى توقتاتپاق بولعانىن ايتتى.
ودان كەيٸن سوت وتىرىسىندا سوت-مەديتسينالىق ساراپتامانىڭ قورىتىندىسىن جارييالادى. قورىتىندىعا سەيكەس ايىپتالۋشىنىڭ ەشقانداي پسيحيكالىق اقاۋى جوق, ٶز ەرەكەتٸنە تولىق جاۋاپ بەرە الاتىنى ايتىلدى. الكوگولدٸ سىناق 21 سەۋٸر كٷنٸ ساعات 22:01-دە جٷرگٸزٸلٸپ, جەڭٸل ماساڭدىق بەلگٸلەرٸ انىقتالدى. سوسىن سۋديا وقتاردىڭ اراسىنداعى ۋاقىت ارالىعىن باياندادى.
ولجاس تەجٸباەۆ ەسٸمدٸ تاعى بٸر كۋەگەر رۋسلان بەردەنوۆ ٶزٸنە ەرنار جيەمبايدى جۇمىستان شىعاراتىنىن ايتقانىن مەلٸمدەدٸ.
جارىسسٶز
18 تامىزدا ٶتكەن سوت وتىرىسىندا جەبٸرلەنۋشٸنٸڭ ٶزٸ ونلاين قاتىسىپ, كۋەلٸك ەتتٸ. ول وقيعانى سيپاتتاپ, سول كەزدە ٶزٸن قالاي سەزٸنگەنٸن ايتتى. بەردەنوۆ قاننىڭ دەمٸن سەزٸپ, ٶكپەسٸ دەمالۋدى توقتاتقانداي بولعانىن جەتكٸزدٸ.
ٶز كەزەگٸندە ايىپتالۋشى جيەمباي بەردەنوۆتەن كەشٸرٸم سۇراپ, ونى ٶلتٸرگٸسٸ كەلمەگەنٸن ايتتى. ال رۋسلان بەردەنوۆ قىلمىسكەردٸڭ ەدٸل جازالانۋىن تالاپ ەتتٸ.
«بۇل ماعان عانا اتىلعان وق ەمەس, بۇل ەربٸر مەملەكەتتٸك قىزمەتكەرگە اتىلعان وق», ‒ دەدٸ شەنەۋنٸك.
تاراپتاردىڭ جارىسسٶزٸ بارىسىندا پروكۋرور ەرنار جيەمبايعا 11 جىل 3 اي باس بوستاندىعىنان ايىرۋدى سۇرادى.
19 تامىزدا سوت وتىرىسى جالعاسىپ, سوتتا تٶرەشٸ ٶزٸنٸڭ ەرسٸ قىلىعىمەن كٶزگە تٷستٸ. سۋديا ەبٸنۇر قاراباەۆ جۋرناليست بوتاگٶز وماروۆاعا تٸلٸن شىعارعان. بۇل تۋرالى بوتاگٶز وماروۆا ٶزٸنٸڭ ەلەۋمەتتٸك جەلٸدەگٸ پاراقشاسىندا جازىپ, سۋديانىڭ تٸلٸن شىعارعان ۆيدەوسى باق بەتتەرٸندە تاراپ كەتتٸ.
كەيٸن شىمكەنت سوتىنىڭ باسپاسٶز قىزمەتٸ:
«شىمكەنت قالاسى ەكٸمٸنٸڭ ورىنباسارىن ٶلتٸرۋگە وقتالۋ تۋرالى قىلمىستىق ٸستٸ قاراۋ كەزٸندە تٶراعالىق ەتۋشٸ سۋديا ەبينۇر قاراباەۆتىڭ ەرەكەتٸ سۋديا ەدەپ كودەكسٸن بۇزۋ تۇرعىسىنان تەكسەرٸلٸپ جاتىر», ‒ دەپ مەلٸمدەدٸ.
جيەمبايدىڭ سوڭعى سٶزٸ
ايىپتالۋشى ەرنار جيەمباي سوت وتىرىسىندا جەبٸرلەنۋشٸ رۋسلان بەردەنوۆتەن كەشٸرٸم سۇراپ, سوت تٶرەشٸسٸنەن باس بوستاندىعىنان ايىرمايتىن جازا سۇرادى. سونىمەن قاتار بۇعان دەيٸن ايتقان ۇستانىمىندا قالاتىنىن جەتكٸزدٸ.
«ەشكٸم سۇرامايدى, جيەمباي ەرنار رۋسلان بەردەنوۆتى نە ٷشٸن اتتى دەپ. تەك رۋسلان بەردەنوۆتى 5 رەت اتىپتى دەپ جازۋدا. مەن ەڭ الدىمەن وسى ٸستٸڭ ساياسيلانۋىن قالامايمىن. ول مەملەكەتتٸك قىزمەتكەرلەرگە قارسى جاسالعان ەرەكەت ەمەس, باسىنان باستاپ ەكەۋمٸزدٸڭ ارامىزداعى جەكە مەسەلە بولاتىن», ‒ دەدٸ ايىپتالۋشى.
سوت 20 تامىزدا اياقتالىپ, ەرنار جيەمباي 9 جىلعا باس بوستاندىعىنان ايىرىلىپ, جازاسىن ورتاشا قاۋٸپسٸزدٸك مەكەمەسٸندە ٶتەيتٸن بولدى.
وقي وتىرىڭىز: رۋسلان بەردەنوۆكە وق اتقان ازاماتقا ٷكٸم شىقتى
رۋسلان بەردەنوۆ كٸم?
رۋسلان ارىسبەكۇلى بەردەنوۆ 1985 جىلى تۋعان, قازاقستاندىق كەسٸپكەر جەنە قوعام قايراتكەرٸ, 2025 جىلدىڭ 24 اقپانىنا دەيٸن Respublica پارتيياسى فراكتسيياسى اتىنان سايلانعان قازاقستان پارلامەنتٸ مەجٸلٸسٸنٸڭ دەپۋتاتى بولعان, قازٸر شىمكەنت قالاسى ەكٸمٸنٸڭ ورىنباسارى لاۋازىمىندا.
