2027 جىلعى 1 قاڭتاردان باستاپ قازاقستاندا جەرلەۋگە ارنالعان بٸرجولعى تٶلەم تاعايىنداۋ تەرتٸبٸ ٶزگەرەدٸ. ەندٸ جەردەماقى وتباسىنىڭ ەلەۋمەتتٸك ەل-اۋقات دەڭگەيٸنە قاراي بەرٸلەدٸ. ەل-اۋقاتى جوعارى جەنە اۋقاتتى ساناتتاعى وتباسىلار بۇل تٶلەمدٸ الا المايدى, دەپ حابارلايدى ult.kz Uchet.kz سايتىنا سٸلتەمە جاساپ.
ٷكٸمەت قاۋلىسىمەن بەكٸتٸلگەن جاڭا تەرتٸپكە سەيكەس, جەرلەۋگە ارنالعان بٸرجولعى تٶلەم رەسپۋبليكالىق بيۋدجەتتەن جاسى بويىنشا زەينەتاقى, مەملەكەتتٸك بازالىق زەينەتاقى تٶلەمٸ نەمەسە مەملەكەتتٸك ەلەۋمەتتٸك جەردەماقى الۋشى قايتىس بولعان جاعدايدا بەرٸلەدٸ. تٶلەمدٸ مارقۇمنىڭ وتباسى نەمەسە ونى جەرلەگەن ادام الا الادى.
جەرلەۋ جەردەماقىسىنىڭ مٶلشەرٸ قانشا بولادى?
2027 جىلدان باستاپ تٶلەم مٶلشەرٸ تيٸستٸ قارجى جىلىنا بەلگٸلەنگەن 35 ايلىق ەسەپتٸك كٶرسەتكٸشتٸ (اەك) قۇرايدى. ال ۇلى وتان سوعىسىنىڭ ارداگەرٸ قايتىس بولعان جاعدايدا 36,6 اەك تٶلەنەدٸ.
2027–2029 جىلدارعا ارنالعان رەسپۋبليكالىق بيۋدجەت جوباسىندا اەك مٶلشەرٸ 4 693 تەڭگە بولىپ بەلگٸلەنگەن. ەگەر بۇل كٶرسەتكٸش ٶزگەرٸسسٸز بەكٸتٸلسە, جەرلەۋ جەردەماقىسى 164 255 تەڭگە, ال ۇلى وتان سوعىسىنىڭ ارداگەرٸنە قاتىستى تٶلەم 171 763,8 تەڭگە بولادى.
قازٸر اەك مٶلشەرٸ 4 325 تەڭگە بولعاندىقتان, جەرلەۋگە بەرٸلەتٸن تٶلەم 151 375 تەڭگەنٸ قۇرايدى.
كٸمدەر جەردەماقى الا المايدى?
جاڭا ەرەجەگە سەيكەس, ەلەۋمەتتٸك ەل-اۋقاتى جوعارى سانالاتىن ا ساناتىنداعى جەنە اۋقاتتى دەپ تانىلعان ۆ ساناتىنداعى وتباسىلارعا جەرلەۋ جەردەماقىسى بەرٸلمەيدٸ.
سونىمەن قاتار تٶلەم الۋ ٷشٸن ٶتٸنٸش بەرۋشٸ مەن وتباسىنىڭ كەمەلەتكە تولعان مٷشەلەرٸ دەربەس دەرەكتەردٸ جيناۋعا, ٶڭدەۋگە, تەكسەرۋگە, جاڭارتۋعا جەنە بەرۋگە كەلٸسٸم بەرۋٸ كەرەك.
بۇل كەلٸسٸم بانكتٸك جەنە زاڭمەن قورعالاتىن ٶزگە دە قۇپييا مەلٸمەتتەردٸ, سونداي-اق كرەديتتٸك بيۋروداعى اقپاراتتى تەكسەرۋگە مٷمكٸندٸك بەرەدٸ. اتاپ ايتقاندا, نەسيەنٸڭ جالپى سوماسى, اي سايىنعى تٶلەم, مەرزٸمٸ ٶتكەن بەرەشەك پەن قالعان قارىز تۋرالى دەرەكتەر ەسكەرٸلەدٸ.
وسى مەلٸمەتتەر نەگٸزٸندە وتباسىنىڭ ەلەۋمەتتٸك ەل-اۋقات دەڭگەيٸ باعالانادى.
جاڭا قاۋلى 2027 جىلعى 1 قاڭتاردان باستاپ كٷشٸنە ەنەدٸ.
