ازاماتتىق اۆياتسييا كوميتەتٸ جەنە قازاقستاننىڭ اۆياتسييالىق ەكٸمشٸلٸگٸ ۇشۋ قاۋٸپسٸزدٸگٸن قامتاماسىز ەتۋ اياسىندا بٸرقاتار جۇمىس جٷرگٸزدٸ, دەپ حابارلايدى "ۇلت اقپارات".
اتاپ ايتقاندا, زاڭ بۇزۋشىلىقتاردى جويۋ تۋرالى نۇسقاۋلىقتى ورىنداماعان «بەك ەير» ەۋە كومپانيياسىنىڭ پايدالانۋشى سەرتيفيكاتى كەرٸ قايتارىلدى.
سونىمەن قاتار قازاقستان رەسپۋبليكاسى جەنە يكاو حالىقارالىق ازاماتتىق اۆياتسييا ۇيىمى زاڭناماسىنىڭ تالاپتارىن ورىنداماۋىنا بايلانىستى «Azee Air» جشس جەنە «Sigma Airlines» جشس ەۋەكومپانييالارىنىڭ پايدالانۋشى سەرتيفيكاتتارى ۋاقىتشا توقتاتىلدى.
«تيٸمسٸز ٸسكە اسىرىلعان قۇقىق نورمالارىن انىقتاۋ جەنە ولاردى جەتٸلدٸرۋ بويىنشا ۇسىنىس قالىپتاستىرۋ ارقىلى زاڭنامانىڭ تيٸمدٸلٸگٸن باعالاۋ جەنە بولجاۋ بويىنشا جۇمىس جٷرگٸزٸلٸپ جاتىر. وسى ماقساتتا جٷك تاسىمالداۋعا ارنالعان ەۋە كەمەلەرٸن تٸركەۋگە جەنە ولاردى كەيٸن باقىلاۋعا ارنالعان قوسىمشا شارتتار انىقتالدى, ولار «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ەكونوميكالىق ٶسۋدٸ قالپىنا كەلتٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسى زاڭى جوباسىنىڭ تۇجىرىمداماسىنا ەنگٸزٸلگەن» دەلٸنگەن حابارلامادا.
يكاو-عا مٷشە مەملەكەتتەردە ۇشۋ قاۋٸپسٸزدٸگٸن باقىلاۋ دەڭگەيٸ يكاو اۋديتٸنٸڭ نەتيجەلەرٸ بويىنشا انىقتالادى.
الدىن الا اقپارات بويىنشا, قازاقستاندا يكاو اۋديتٸ 2022 جىلدىڭ بٸرٸنشٸ جارتىجىلدىعىندا بولادى دەپ كٷتٸلۋدە.
قازاقستاندا ۇشۋ قاۋٸپسٸزدٸگٸ سالاسىندا حالىقارالىق ازاماتتىق اۆياتسييا ۇيىمىنىڭ (يكاو) ستاندارتتارى مەن ۇسىنىلاتىن پراكتيكاسىن تيٸمدٸ ەنگٸزۋ دەڭگەيٸن ارتتىرۋ ٷشٸن «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە كٶلٸك مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسى زاڭى جوباسىنىڭ تۇجىرىمداماسى ەزٸرلەندٸ.
