Azamattyq aviatsiia komiteti jáne Qazaqstannyń aviatsiialyq ákimshiligi ushý qaýipsizdigin qamtamasyz etý aiasynda birqatar jumys júrgizdi, dep habarlaidy "Ult aqparat".
Atap aitqanda, zań buzýshylyqtardy joiý týraly nusqaýlyqty oryndamaǵan «Bek Eir» áýe kompaniiasynyń paidalanýshy sertifikaty keri qaitaryldy.
Sonymen qatar Qazaqstan Respýblikasy jáne IKAO Halyqaralyq azamattyq aviatsiia uiymy zańnamasynyń talaptaryn oryndamaýyna bailanysty «Azee Air» JShS jáne «Sigma Airlines» JShS áýekompaniialarynyń paidalanýshy sertifikattary ýaqytsha toqtatyldy.
«Tiimsiz iske asyrylǵan quqyq normalaryn anyqtaý jáne olardy jetildirý boiynsha usynys qalyptastyrý arqyly zańnamanyń tiimdiligin baǵalaý jáne boljaý boiynsha jumys júrgizilip jatyr. Osy maqsatta júk tasymaldaýǵa arnalǵan áýe kemelerin tirkeýge jáne olardy keiin baqylaýǵa arnalǵan qosymsha sharttar anyqtaldy, olar «Qazaqstan Respýblikasynyń keibir zańnamalyq aktilerine ekonomikalyq ósýdi qalpyna keltirý máseleleri boiynsha ózgerister men tolyqtyrýlar engizý týraly» Qazaqstan Respýblikasy Zańy jobasynyń tujyrymdamasyna engizilgen» delingen habarlamada.
IKAO-ǵa múshe memleketterde ushý qaýipsizdigin baqylaý deńgeii IKAO aýditiniń nátijeleri boiynsha anyqtalady.
Aldyn ala aqparat boiynsha, Qazaqstanda IKAO aýditi 2022 jyldyń birinshi jartyjyldyǵynda bolady dep kútilýde.
Qazaqstanda ushý qaýipsizdigi salasynda Halyqaralyq azamattyq aviatsiia uiymynyń (IKAO) standarttary men usynylatyn praktikasyn tiimdi engizý deńgeiin arttyrý úshin «Qazaqstan Respýblikasynyń keibir zańnamalyq aktilerine kólik máseleleri boiynsha ózgerister men tolyqtyrýlar engizý týraly» Qazaqstan Respýblikasy Zańy jobasynyń tujyrymdamasy ázirlendi.
