بٷگٸن بٸشكەك قالاسىندا قر پرەمەر-مينيسترٸ باقىتجان ساعىنتاەۆ ەۋرازييالىق ٷكٸمەتارالىق كەڭەستٸڭ كەزەكتٸ وتىرىسىنا قاتىستى, دەپ حابارلايدى ٷكٸمەتتٸڭ رەسمي سايتى.
قازاقستاننىڭ ٷكٸمەت باسشىسى ٶز سٶزٸندە ەۋرازييالىق ەكونوميكالىق وداققا مٷشە ەلدەر اراسىنداعى ساۋدا قارىم-قاتىناستى دامىتۋ ٷشٸن جاڭا تيٸمدٸ قۇرالداردى قالىپتاستىرىپ, ٶزارا ەرەكەتتەستٸكتٸ نىعايتۋدىڭ ماڭىزدىلىعىن اتاپ ٶتتٸ.
«وسى سالاداعى باستى باعىتتاردىڭ بٸرٸ - كەدەرگٸلەر مەن شەكتەۋلەردٸ الىپ تاستاۋ مەسەلەلەرٸ بولىپ تابىلادى. بۇل جۇمىستى جٷيەلٸ تٷردە جەنە كەزەڭ-كەزەڭٸمەن جٷزەگە اسىرۋ قاجەت», - دەدٸ قر پرەمەر-مينيسترٸ باقىتجان ساعىنتاەۆ.
پرەمەر-مينيستردٸڭ پٸكٸرٸنشە, وداقتاعى ٶزارا ٸس-قيمىل جاساسۋدى نىعايتۋداعى تاعى بٸر ەلەمەنت - بٸزدٸڭ مەملەكەتٸمٸزدەگٸ ٶندٸرۋشٸلەر مەن كەسٸپكەرلەرٸنە ايىرىقشا جاعداي جاساۋ مەسەلەسٸ بولىپ تابىلادى.
«ەاەو كەسٸپكەرلەرٸ ينتەگراتسييادان, قۇرىلعان جالپى نارىقتان وڭ ەسەرلەر كٷتۋدە. سوندىقتان, بٸز كەسٸپكەرلٸك ٷشٸن «ويىننىڭ جالپى ەرەجەسٸ» دەپ اتالاتىن ورتاق رەتتەۋدٸ جٷزەگە اسىرۋعا كەلٸسكەن سالالاردا ساپالى, تيٸمدٸ ەرٸ اۋىرلىق تٷسٸرمەيتٸن رەتتەۋدٸڭ تەجٸريبەسٸنە قول جەتكٸزۋٸمٸز كەرەك», - دەپ اتاپ ٶتتٸ ب.ساعىنتاەۆ.
ەٷاو وتىرىسى بارىسىندا ەاەو-نىڭ ينتەگراتسييالىق ٷدەرٸستەرٸن ارى قاراي دامىتۋعا باعىتتالعان بٸرقاتار ٶزەكتٸ مەسەلەلەر تالقىلاندى. ساۋدا-ەكونوميكالىق ىنتىماقتاستىق پەن ەاەو-نىڭ مٷشە ەلدەرٸ اراسىنداعى ساۋدا-ساتتىقتى كەڭەيتۋگە, اگروٶنەركەسٸپتٸك كەشەن مەن اۋىلشارۋاشىلىق ماشينا جاساۋ سالالارىن دامىتۋعا باسا نازار اۋدارىلدى.
