Búgin Bishkek qalasynda QR Premer-Ministri Baqytjan Saǵyntaev Eýraziialyq úkimetaralyq keńestiń kezekti otyrysyna qatysty, dep habarlaidy Úkimettiń resmi saity.
Qazaqstannyń Úkimet basshysy óz sózinde Eýraziialyq ekonomikalyq odaqqa múshe elder arasyndaǵy saýda qarym-qatynasty damytý úshin jańa tiimdi quraldardy qalyptastyryp, ózara árekettestikti nyǵaitýdyń mańyzdylyǵyn atap ótti.
«Osy saladaǵy basty baǵyttardyń biri - kedergiler men shekteýlerdi alyp tastaý máseleleri bolyp tabylady. Bul jumysty júieli túrde jáne kezeń-kezeńimen júzege asyrý qajet», - dedi QR Premer-Ministri Baqytjan Saǵyntaev.
Premer-Ministrdiń pikirinshe, odaqtaǵy ózara is-qimyl jasasýdy nyǵaitýdaǵy taǵy bir element - bizdiń memleketimizdegi óndirýshiler men kásipkerlerine aiyryqsha jaǵdai jasaý máselesi bolyp tabylady.
«EAEO kásipkerleri integratsiiadan, qurylǵan jalpy naryqtan oń áserler kútýde. Sondyqtan, biz kásipkerlik úshin «oiynnyń jalpy erejesi» dep atalatyn ortaq retteýdi júzege asyrýǵa kelisken salalarda sapaly, tiimdi ári aýyrlyq túsirmeitin retteýdiń tájiribesine qol jetkizýimiz kerek», - dep atap ótti B.Saǵyntaev.
EÚAO otyrysy barysynda EAEO-nyń integratsiialyq úderisterin ary qarai damytýǵa baǵyttalǵan birqatar ózekti máseleler talqylandy. Saýda-ekonomikalyq yntymaqtastyq pen EAEO-nyń múshe elderi arasyndaǵy saýda-sattyqty keńeitýge, agroónerkásiptik keshen men aýylsharýashylyq mashina jasaý salalaryn damytýǵa basa nazar aýdaryldy.
