2026 جىلعى 16 تامىزدان باستاپ ٷلكەن الماتى اينالما اۆتوموبيل جولىندا (باكاد) جول جٷرۋ اقىسىن تٶلەۋدٸڭ جاڭا تەرتٸبٸ كٷشٸنە ەنەدٸ. ٶزگەرٸستەر قازاقستان رەسپۋبليكاسى كٶلٸك مينيسترلٸگٸنٸڭ بۇيرىعىمەن بەكٸتٸلدٸ, دەپ حابارلايدى ult.kz.
جاڭا تەرتٸپكە سەيكەس, جول جٷرۋ اقىسىن ۋاقىتىلى تٶلەيتٸن جٷرگٸزۋشٸلەر ٷشٸن تاريف بۇرىنعى دەڭگەيدە ساقتالادى. كٶلٸك قۇرالىنىڭ ساناتىنا قاراي جول اقىسى 0,07 اەك-تەن (302,75 تەڭگە) 0,22 اەك-كە (951,5 تەڭگە) دەيٸن بولادى.
ال جول اقىسى تٸركەلگەن كٷننەن كەيٸن جەتٸ جۇمىس كٷنٸ ٸشٸندە تٶلەنبەگەن جاعدايدا نەگٸزگٸ تاريف قولدانىلادى. بۇل رەتتە تٶلەم مٶلشەرٸ كٶلٸك ساناتىنا قاراي 0,14 اەك-تەن (605,5 تەڭگە) 0,44 اەك-كە (1903 تەڭگە) دەيٸن ٶسەدٸ.
كٶلٸك مينيسترلٸگٸنٸڭ مەلٸمەتٸنشە, ەنگٸزٸلگەن ٶزگەرٸستەر جول جٷرۋ اقىسىن ۋاقىتىلى تٶلەۋدٸ ىنتالاندىرۋعا باعىتتالعان جەنە تٶلەمدٸ مەرزٸمٸندە جٷرگٸزەتٸن پايدالانۋشىلارعا قوسىمشا قارجىلىق جٷكتەمە ەكەلمەيدٸ.
سونىمەن قاتار جول جٷرۋ اقىسىن ەسەپتەۋ تەرتٸبٸ ٶزگەرٸسسٸز قالادى. بۇرىنعىداي تٶلەم كٶلٸك قۇرالىنىڭ ساناتىنا جەنە اقىلى جول ۋچاسكەسٸندە بٸر ساعاتقا دەيٸن بولۋىنا قاراي ەسەپتەلەدٸ. جٷرٸپ ٶتكەن قاشىقتىق جول اقىسىنىڭ مٶلشەرٸنە ەسەر ەتپەيدٸ.
سونداي-اق الماتى وبلىسىنىڭ تالعار, قاراساي جەنە ٸلە اۋداندارىنىڭ تۇرعىندارىنا ارنالعان قولدانىستاعى جەڭٸلدٸكتەر ساقتالادى. ولار ٷشٸن ايلىق جەنە جىلدىق ابونەمەنتتەردٸڭ قۇنى ٶزگەرٸسسٸز قالادى.
جاڭا ەرەجەلەر رەسمي جارييالانعاننان كەيٸن كٷنتٸزبەلٸك ون كٷن ٶتكەن سوڭ, ياعني 2026 جىلعى 16 تامىزدان باستاپ كٷشٸنە ەنەدٸ.
