"سويۋز-فگ" زىمىران تاسىعىشىنىڭ 11 قازاندا اپاتقا ۇشىراۋىنا بٸرٸنشٸ باسقىشتاعى د بلوگىندا ورنالاسقان داتچيكتٸڭ التى ميلليمەترلٸك شتوگى زاقىمدانعانى سەبەپ بولۋى مٷمكٸن. ربك سايتىنىڭ اپات سەبەبٸن تەرگەۋدەن حابارى بار دەرەككٶزٸنە سٸلتەمە جاساپ حابارلاۋىنشا, بۇل تەتٸك بايقوڭىردا زىمىراندى قۇراستىرۋ كەزٸندە زاقىمدانعان بولۋى ىقتيمال. بۇل اقپاراتتى باسىلىمعا "روسكوسموس" اگەنتتٸگٸندەگٸ دەرەككٶزٸ دە راستادى.
كوميسسييا تەكسەرۋٸنٸڭ تٷپكٸلٸكتٸ قورىتىندىسى مەن ۇسىنىستارى 30 قازان كٷنٸ جارييالانادى. دەرەككٶزٸنٸڭ ايتۋىنشا, بۇدان سوڭ "سويۋز" زىمىرانى حالىقارالىق عارىش ستانتسيياسىنا قايتا ۇشىرىلا باستاۋى مٷمكٸن.
"روسكوسموس" اگەنتتٸگٸنٸڭ باسپاسٶز قىزمەتٸ تەرگەۋ اياقتالعانشا "بولجامدار مەن قاۋەسەتتەرگە" قاتىستى كوممەنتاريي بەرۋدەن باس تارتتى.
قازاننىڭ 11-ٸ كٷنٸ بايقوڭىر عارىش ايلاعىنان حالىقارالىق عارىش ستانتسيياسىنا ۇشىرىلعان "سويۋز" زىمىران تاسىعىشى ەۋەگە كٶتەرٸلگەننەن بٸرنەشە مينۋتتان سوڭ اپاتقا ۇشىراعان. زىمىران تاسىعىشقا تٸركەلگەن "سويۋز مس-10" عارىش كەمەسٸ حالىقارالىق ستانتسيياعا رەسەيلٸك عارىشكەر الەكسەي وۆچينين مەن امەريكالىق استروناۆت نيك حەيگتٸ جەتكٸزۋٸ تيٸس بولعان. اپاتتان سوڭ عارىشكەرلەر وتىرعان كاپسۋلا بايقوڭىردان شامامەن 500 كيلومەتر قاشىقتىققا قونعان.
