قازاقستان KazSat گەوستاتسيونارلى سپۋتنيك جەلەلەرٸنەن باس تارتىپ, تٶمەن وربيتالى سپۋتنيكتٸك تەحنولوگييالارعا باسىمدىق بەرمەكشٸ, دەپ حابارلايدى قازاقپارات.
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين اتالمىش شەشٸمنٸڭ تٷپكٸ مەنٸن بىلاي دەپ تٷسٸندٸردٸ.
«بٸزدە KazSat-1 جەنە KazSat-2 دەگەن ەكٸ سپۋتنيك بار. 2024 جىلى KazSat-2 قولدانىستان شىعادى. باياعىدان بەرٸ وسى مەرزٸمدە ونى جاڭا سپۋتنيكپەن الماستىرۋ جوسپارلانعان بولاتىن. بٸراق, قازٸر Starlink, One Web سيياقتى تٶمەن وربيتالى سپۋتنيكتەردٸڭ تەحنولوگيياسى دامىعاندىقتان, زامان تالابىنا بەيٸمدەلۋدٸ ويلاستىرىپ جاتىرمىز. بٸر جىل بۇرىن عانا بۇل تەحنولوگييالار سىناقتان ٶتپەگەن بولسا, قازٸر قولدانىسقا ەنگٸزٸلٸپ جاتىر. سوندىقتان بٸز كەرٸسٸنشە اتالمىش ٶندٸرٸس ورىندارىمەن ەرٸپتەستٸككە جول اشىپ جاتىرمىز. باعانا ايتقان 1200 اۋىلعا ساپالى ينتەرنەت جەتكٸزۋ ٷشٸن Starlink, One Web, SES ٶندٸرۋشٸلەرٸمەن قاتار كەلٸسسٶز جٷرگٸزٸپ جاتىرمىز. اتالمىش اۋىلدارعا ينتەرنەت جەتكٸزۋدٸڭ باسقا جولى جوق بولعاندىقتان, وسى زاماناۋي سپۋتنيك تەحنولوگييالارىن پايدالانۋىمىز كەرەك», - دەيدٸ مينيستر.
ونىڭ سٶزٸنە قاراعاندا قازٸر ەلٸمٸز قولدانىپ وتىرعان KazSat گەوستاتسيونارلى سپۋتنيكتەردٸڭ مٷمكٸندٸگٸ تٶمەن وربيتالى سپۋتنيكتەردٸڭ شالىمىنا دا ٸلەسپەي قالعان.
«مەن KazSat-2-نٸ الماستىراتىن KazSat-2R جوباسىن بۇدان بىلاي قاراستىرماۋدى ۇسىنعان بولاتىنمىن. ەلەمدە جاڭا تەحنولوگييالار پايدا بولىپ جاتقاندا گەوستاتسيونارلىق سپۋتنيكتەر ولاردىڭ بەرەتٸن جىلدامدىعىن بەرە المايدى. KazSat-2 قازٸر سەكۋندىنا 8 مبيت ينتەرنەت بەرە الادى. ال تٶمەن وربيتالى سپۋتنيكتەر 1 گبيت-كە دەيٸن جىلدامدىق بەرەدٸ. ەكەۋٸن سالىستىرۋعا دا كەلمەيدٸ. بٸز ۋاقىتى ٶتٸپ بارا جاتقان تەحنولوگييالارعا اقشا سالماۋىمىز كەرەك. كەرٸسٸنشە زامانۋي تەحنولوگييا جاساۋشىلارمەن ەرٸپتەستٸكتٸڭ جولىن ٸزدەيتٸن بولامىز», - دەدٸ باعدات مۋسين.
ەسكە سالساق, بۇدان بىلاي حقو قىزمەتكەرلەرٸ دەربەس دەرەكتەرگە ارنايى كودپەن عانا كٸرەتٸن بولدى.
