فوتو:akorda.kz
2016 جىلدارى رەسپۋبليكا بويىنشا قوعامدىق كەڭەستەر قۇرىلا باستادى. ەر ٶڭٸردە ورتالىقتار اشىلدى. ال رەسپۋبليكا بويىنشا پرەزيدەنت جانىندا كەڭەس بولعان. قاڭتار وقيعاسىنان كەيٸن جاڭا بٸر لەپ الۋ ٷشٸن ۇلتتىق قۇرىلتاي بولىپ قايتا ٶزگەردٸ. ۇلتتىق قۇرىلتايدىڭ ۇلت تاعدىرىندا ماڭىزى زور, حالىققا دا, ەلگە دە بەرەرٸ كٶپ دەيدٸ ساراپشى.«كەزٸندە قازاق حاندارى كٷلتٶبەنٸڭ باسىندا كەڭەستەر ٶتكٸزگەن. تەۋكە حان بيلٸك ەتكەن كەزەڭدەرٸن ەرەكشە اتاپ ٶتۋگە بولادى. «جەتٸ جارعى» زاڭدار جيناعىن جازۋ يدەياسى تۋعان كيەلٸ تٶبە. ەل جاناشىرلارى مەن بيلەر ٶز داتتارىن ايتىپ, ەلدەگٸ مەسەلەلەردٸ كٶتەرٸپ, حانعا جەتكٸزٸپ وتىراتىن بولعان. سول سيياقتى قازٸر دە قۇرىلتايدىڭ ەل تاعدىرىنداعى رٶلٸ ەرەكشە. اقىن-جازۋشىلار, ۇلت زييالىلارى, ساياساتتاعى ساڭىلاقتار ەر ٶڭٸردەن جينالىپ وسى قۇرىلتايعا ەنٸپ وتىر. دەگەنمەن بٸزدٸڭ قۇرىلتايدا پرەزيدەنت كٶبٸرەك سٶز سٶيلەپ, حالىققا جولداۋىن ايتقانداي بايانداماسىمەن شىعىپ جٷر. نەگٸزٸندە, قۇرىلتايدا ەل جاناشىرلارى مەن قوعام قايراتكەرلەرٸ جينالىپ, ەلدەگٸ, اۋىل-ايماقتارداعى مەسەلەلەردٸ مەملەكەت باسشىسىنا جەتكٸزٸپ وتىرۋى كەرەك. بٸزدە ەزٸرگە كەرٸسٸنشە بولىپ جاتىر», - دەدٸ ساياساتتانۋشى تالعات جانىسباي.
قازاقستاندا ۇلتتىق قۇرىلتاي 2022 جىلى 16 ماۋسىمدا قۇرىلدى. بۇل قاسىم-جومارت توقاەۆتىڭ باستاماسىمەن ٸسكە اسقان جوبا. باستى ماقساتى – قوعامدىق ديالوگتى كٷشەيتۋ جەنە جالپىۇلتتىق قۇندىلىقتاردى ناسيحاتتاۋ.
«قۇرىلتاي شاقىرۋ – ەرتەدەن كەلە جاتقان اتا دەستٷرٸمٸز. بابالارىمىز ماڭىزدى مەسەلەلەردٸ وسىنداي القالى جيىندا تالقىلاعان. حالىق ٶزارا اقىلداسا وتىرىپ, بٸر توقتامعا كەلگەن. مۇنداي شەشٸمدەر بٷكٸل ەلدٸ بٸرٸكتٸرگەن. تٶل تاريحىمىزدا ۇلت تاعدىرىن شەشكەن قۇرىلتايلار بولعان. ونىڭ كٶبٸ حالقىمىز ٷشٸن ماڭىزدى كەزەڭدە ٶتكٸزٸلگەن. تالاس قۇرىلتايىنان كەيٸن التىن وردا دەربەس مەملەكەت بولدى. قاراقۇم جەنە ورداباسى قۇرىلتايلارى جۇرتىمىزدى ەل قورعاۋعا ۇيىستىردى. ورىنبورداعى بٸرٸنشٸ قازاق قۇرىلتايىندا الاش پارتيياسى قۇرىلدى. ەكٸنشٸ قۇرىلتايدا الاش اۆتونوميياسى جارييالاندى. ەگەمەندٸك كەزەڭٸندە دٷنيەجٷزٸ قازاقتارىنىڭ العاشقى قۇرىلتايى ٶتكٸزٸلدٸ. بۇل جيىندا سىرتتاعى قانداستارىمىز اتامەكەنگە شاقىرىلدى. بٸز بابالار جولىن ۇستانىپ, قۇرىلتاي شاقىرۋ دەستٷرٸن جاڭعىرتتىق. ەلدٸگٸمٸزدٸ نىعايتىپ, بٸرلٸگٸمٸزدٸ بەكەمدەيٸك دەپ, بٷگٸن باس قوسىپ وتىرمىز, – دەگەن ەدٸ مەملەكەت باسشىسى.
ۇلتتىق قۇرىلتايدىڭ قۇرامىندا 117 ادام بولادى. قۇرىلتاي بارلىق وبلىستىڭ, سان تٷرلٸ سالانىڭ, ەر بۋىننىڭ ٶكٸلدەرٸن قامتيدى. بۇندا ازاماتتىق ۇستانىمى بار ورتا بۋىننىڭ تەجٸريبەسٸ, جاڭاشا ويلايتىن جاستاردىڭ تىڭ يدەيالارى ورتاعا سالىنادى.
قۇرىلتايدىڭ العاشى وتىرىسى ۇلت ۇياسى – ۇلىتاۋدا ٶتتٸ. بۇل كيەلٸ ٶلكەدە التىن وردا ەمٸرشٸلەرٸ مەن قازاق حاندارىنىڭ ٸزٸ قالعان. ەكٸنشٸ باس قوسۋ بٷكٸل تٷركٸ حالىقتارى ٷشٸن كيەلٸ شاھار تٷركٸستاندا ٶتتٸ. ٷشٸنشٸسٸ, بيىل ۇلىستىڭ ۇلى كٷنٸ قارساڭىندا جايىق جاعاسىندا ٶتتٸ.
مەملەكەت باسشىسىنىڭ تاپسىرماسىمەن Qurultay موبيلدٸ قوسىمشاسى دايىندالدى. سول ارقىلى حالىق ەلدٸ جاڭعىرتۋ تۋرالى وي-پٸكٸرٸن ونلاين رەجيمدە ايتۋ مٷمكٸندٸگٸنە يە بولادى. وسىمەن ٷش رەت ٶتكٸزٸلگەن قۇرىلتايدا كٶپتەگەن مەسەلەلەر كٶتەرٸلدٸ.
