Foto:akorda.kz
2016 jyldary Respýblika boiynsha qoǵamdyq keńester quryla bastady. Ár óńirde ortalyqtar ashyldy. Al Respýblika boiynsha Prezident janynda keńes bolǵan. Qańtar oqiǵasynan keiin jańa bir lep alý úshin Ulttyq quryltai bolyp qaita ózgerdi. Ulttyq quryltaidyń ult taǵdyrynda mańyzy zor, halyqqa da, elge de bereri kóp deidi sarapshy.«Kezinde qazaq handary Kúltóbeniń basynda keńester ótkizgen. Táýke han bilik etken kezeńderin erekshe atap ótýge bolady. «Jeti Jarǵy» zańdar jinaǵyn jazý ideiasy týǵan kieli tóbe. El janashyrlary men biler óz dattaryn aityp, eldegi máselelerdi kóterip, hanǵa jetkizip otyratyn bolǵan. Sol siiaqty qazir de quryltaidyń el taǵdyryndaǵy róli erekshe. Aqyn-jazýshylar, ult ziialylary, saiasattaǵy sańylaqtar ár óńirden jinalyp osy quryltaiǵa enip otyr. Degenmen bizdiń quryltaida Prezident kóbirek sóz sóilep, halyqqa joldaýyn aitqandai baiandamasymen shyǵyp júr. Negizinde, quryltaida el janashyrlary men qoǵam qairatkerleri jinalyp, eldegi, aýyl-aimaqtardaǵy máselelerdi Memleket basshysyna jetkizip otyrýy kerek. Bizde ázirge kerisinshe bolyp jatyr», - dedi saiasattanýshy Talǵat Janysbai.
Qazaqstanda Ulttyq quryltai 2022 jyly 16 maýsymda quryldy. Bul Qasym-Jomart Toqaevtyń bastamasymen iske asqan joba. Basty maqsaty – qoǵamdyq dialogty kúsheitý jáne jalpyulttyq qundylyqtardy nasihattaý.
«Quryltai shaqyrý – erteden kele jatqan ata dástúrimiz. Babalarymyz mańyzdy máselelerdi osyndai alqaly jiynda talqylaǵan. Halyq ózara aqyldasa otyryp, bir toqtamǵa kelgen. Mundai sheshimder búkil eldi biriktirgen. Tól tarihymyzda ult taǵdyryn sheshken quryltailar bolǵan. Onyń kóbi halqymyz úshin mańyzdy kezeńde ótkizilgen. Talas quryltaiynan keiin Altyn Orda derbes memleket boldy. Qaraqum jáne Ordabasy quryltailary jurtymyzdy el qorǵaýǵa uiystyrdy. Orynbordaǵy birinshi qazaq quryltaiynda Alash partiiasy quryldy. Ekinshi quryltaida Alash avtonomiiasy jariialandy. Egemendik kezeńinde Dúniejúzi qazaqtarynyń alǵashqy quryltaiy ótkizildi. Bul jiynda syrttaǵy qandastarymyz atamekenge shaqyryldy. Biz babalar jolyn ustanyp, Quryltai shaqyrý dástúrin jańǵyrttyq. Eldigimizdi nyǵaityp, birligimizdi bekemdeiik dep, búgin bas qosyp otyrmyz, – degen edi Memleket basshysy.
Ulttyq quryltaidyń quramynda 117 adam bolady. Quryltai barlyq oblystyń, san túrli salanyń, ár býynnyń ókilderin qamtidy. Bunda azamattyq ustanymy bar orta býynnyń tájiribesi, jańasha oilaityn jastardyń tyń ideialary ortaǵa salynady.
Quryltaidyń alǵashy otyrysy ult uiasy – Ulytaýda ótti. Bul kieli ólkede Altyn orda ámirshileri men Qazaq handarynyń izi qalǵan. Ekinshi bas qosý búkil túrki halyqtary úshin kieli shahar Túrkistanda ótti. Úshinshisi, biyl Ulystyń uly kúni qarsańynda Jaiyq jaǵasynda ótti.
Memleket basshysynyń tapsyrmasymen Qurultay mobildi qosymshasy daiyndaldy. Sol arqyly halyq eldi jańǵyrtý týraly oi-pikirin onlain rejimde aitý múmkindigine ie bolady. Osymen úsh ret ótkizilgen quryltaida kóptegen máseleler kóterildi.
