فوتو: اشىق دەرەككٶز
استانادا زاڭسىز سالىنىپ جاتقان تۇرعىن ٷي كەشەندەرٸ ەشكەرەلەندٸ, دەپ حابارلايدى Ult.kz.
قالالىق سەۋلەت باسقارماسى, «استانا گەنپلان» جشس جەنە مەملەكەتتٸك سەۋلەت-قۇرىلىس باقىلاۋى باسقارماسى جٷرگٸزگەن بٸرلەسكەن تەكسەرۋلەر بارىسىندا ەلورداداعى بٸرقاتار قۇرىلىس الاڭدارىندا ٶرەسكەل زاڭ بۇزۋشىلىقتار انىقتالدى.
«نۇرا» اۋدانى پروكۋراتۋراسى زاڭسىز قۇرىلىستاردى انىقتاۋ جەنە ولاردىڭ جولىن كەسۋ باعىتىنداعى جۇمىستاردى كٷشەيتكەن. تەكسەرۋ نەتيجەسٸندە ش. ايتماتوۆ كٶشەسٸ, 24/8 ۋچاسكەسٸ ماڭىندا جاپسارلاس ٷي-جايلارى مەن پاركينگٸ بار كٶپقاباتتى تۇرعىن ٷي كەشەنٸ زاڭسىز سالىنىپ جاتقانى بەلگٸلٸ بولدى. قۇرىلىس جۇمىستارى ەشقانداي ساراپتامانىڭ وڭ قورىتىندىسىنسىز جەنە تيٸستٸ حابارلاما بەرٸلمەي جٷرگٸزٸلگەن.
سونداي-اق, ش. ايتماتوۆ پەن ە164 كٶشەلەرٸنٸڭ قيىلىسىندا ورنالاسقان تاعى بٸر تۇرعىن ٷي كەشەنٸنٸڭ قۇرىلىسى دا زاڭ تالاپتارىن ٶرەسكەل بۇزا وتىرىپ جٷزەگە اسىرىلعان. نىسان جەر تەلٸمٸنە قۇقىقسىز, جوبالىق-سمەتالىق قۇجاتتاماسىز, ساراپتاما قورىتىندىسىنسىز جەنە قۇرىلىس باستالعانى تۋرالى حابارلاماسىز سالىنىپ جاتقان.
پروكۋراتۋرا توقتاتۋ تۋرالى تالاپتارعا قاراماستان زاڭدى ەلەمەگەن قۇرىلىس سالۋشىلارعا ەرەكشە نازار اۋدارىپ وتىر. قالا قۇرىلىسى سالاسىنداعى زاڭدىلىقتى ساقتاۋ تۇراقتى باقىلاۋعا الىنعان.
ەلوردا پروكۋراتۋراسى قۇرىلىس سالۋشىلارعا زاڭ تالاپتارىن ساقتاماعانى ٷشٸن جاۋاپكەرشٸلٸك قاراستىرىلعانىن ەسكەرتٸپ, بەلگٸلەنگەن نورمالاردى قاتاڭ ۇستانۋعا شاقىردى.
