Rixos President Hotel قوناقٷيٸندە ART QALQA (AQ) مەدەنيەت سالاسىنداعى ەيەلدەردٸ قولداۋ ورتالىعى تۇساۋكەسەرٸ ٶتتٸ, دەپ حابارلايدى Ult.kz.
ورتالىقتىڭ العاشقى ٸس-شاراسى - سۋرەتشٸ ەسەمگٷل جاناحمەتوۆانىڭ «ەلەم – ەيەل جانارىندا» اتتى كٶرمەسٸ بولدى. سۋرەتشٸ تۋىندىلارى قازاقتىڭ دەستٷرلٸ مەدەنيەتٸ مەن زاماناۋي سۋرەت ٶنەرٸ ەلەمەنتتەرٸن توعىستىرادى.
ٸس-شارا شىعارماشىلىق سالاسىنداعى ەيەلدەردٸ – جازۋشىلاردى, سۋرەتشٸلەردٸ, مۋزىكانتتاردى, ەرتٸستەردٸ جەنە بيزنەس, ٷكٸمەت, پارلامەنت, ەلشٸلٸكتەر مەن رەسپۋبليكالىق, حالىقارالىق ۇيىم ٶكٸلدەرٸن بٸر شاڭىراق استىنا جينادى.
قازاقستانداعى ۇلىبريتانييا ەلشٸسٸ كەتي ليچ قىزداردىڭ باستاماسىنا قولداۋ بٸلدٸرۋ ٷشٸن ارنايى كەلدٸ. ول Art Qalqa جۇمىسى مەن جوسپارلارى جايلى ورتالىق ٶكٸلدەرٸمەن, سۋرەتشٸمەن ونىڭ شىعارماشىلىعى جايلى پٸكٸر الماستى.
كەشكە قاتىسقان تٷركييا جەنە اقش ەلشٸلٸك ٶكٸلدەرٸ دە ەيەلدەر شىعارماشىلىعىن قولدايتىن ورتالىقتىڭ قۇرىلۋىنا قاتىستى جىلى لەبٸزدەرٸن بٸلدٸردٸ. تٷركييا ەلشٸلٸك ٶكٸلدەرٸ ەكٸ ەل اراسىندا الدا كٶركەمسۋرەت بويىنشا ٶتەتٸن شارالاردان حاباردار ەتتٸ.
سونداي-اق, قازاقستان ٸسكەر ەيەلدەر قاۋىمداستىعى, قازاقستان حالىقتار اسسامبلەياسى جانىنداعى رەسپۋبليكالىق انالار كەڭەسٸ ٶكٸلدەرٸ دە شىعارماشىلىق ەيەلدەردٸ قولداۋ بويىنشا پٸكٸرلەرٸن ورتاعا سالدى.
"كەشتٸڭ باستى ماقساتى - كرەاتيۆ يدەيالارمەن الماسۋ جەنە ولاردى ٸسكە اسىرۋ مٷمكٸندٸكتەرٸن تالقىلاۋ ٷشٸن نەتۆوركينگ الاڭ قۇرۋ", -دەپ وتىر ۇيىمداستىرۋشىلار.
سونىمەن قاتار شارا جەتەكشٸلەرٸنٸڭ سٶزٸنشە AQ ورتالىعىنىڭ ميسسيياسى ۇلتتىق جەنە حالىقارالىق دەڭگەيدە ەيەلدەردٸڭ شىعارماشىلىق جوبالارىن ٸلگەرٸلەتۋ ارقىلى ينكليۋزيۆتٸ, اشىق جەنە كٶركەيگەن قوعام قۇرۋعا ىقپال ەتۋ. قازٸردٸڭ ٶزٸندە يتالييا, تٷركييا جەنە باسقا ەلدەردەگٸ حالىقارالىق كٶرمە, فەستيۆالدەر جەنە بٸلٸم بەرۋ باعدارلامالارىنا قاتىسۋ, حادىقارالىق ۇيىمدارمەن بايلانىس ورناتۋ بويىنشا كەلٸسٸمدەرگە كەلۋدە.
ورتالىق قازاقستاننىڭ كرەاتيۆتٸ يندۋستريياسىنىڭ تٷرلٸ سالاسىندا جۇمىس ٸستەيتٸن ەيەلدەردٸڭ باستاماسىمەن قۇرىلدى.
ولاردىڭ قىزمەتٸ ەيەلدەر كٶشباسشىلىعىن دامىتۋعا, تالانتتاردى قولداۋعا, كەسٸبي داعدىلاردى جەتٸلدٸرۋگە, بەلسەندٸ جەنە شىعارماشىلىق ەيەلدەر جەلٸسٸن قالىپتاستىرۋعا باعىتتالعان.
