Rixos President Hotel qonaqúiinde ART QALQA (AQ) mádeniet salasyndaǵy áielderdi qoldaý ortalyǵy tusaýkeseri ótti, dep habarlaidy Ult.kz.
Ortalyqtyń alǵashqy is-sharasy - sýretshi Ásemgúl Janahmetovanyń «Álem – áiel janarynda» atty kórmesi boldy. Sýretshi týyndylary qazaqtyń dástúrli mádenieti men zamanaýi sýret óneri elementterin toǵystyrady.
Is-shara shyǵarmashylyq salasyndaǵy áielderdi – jazýshylardy, sýretshilerdi, mýzykanttardy, ártisterdi jáne biznes, úkimet, Parlament, elshilikter men respýblikalyq, halyqaralyq uiym ókilderin bir shańyraq astyna jinady.
Qazaqstandaǵy Ulybritaniia Elshisi Keti Lich qyzdardyń bastamasyna qoldaý bildirý úshin arnaiy keldi. Ol Art Qalqa jumysy men josparlary jaily ortalyq ókilderimen, sýretshimen onyń shyǵarmashylyǵy jaily pikir almasty.
Keshke qatysqan Túrkiia jáne AQSh elshilik ókilderi de áielder shyǵarmashylyǵyn qoldaityn ortalyqtyń qurylýyna qatysty jyly lebizderin bildirdi. Túrkiia elshilik ókilderi eki el arasynda alda kórkemsýret boiynsha ótetin sharalardan habardar etti.
Sondai-aq, Qazaqstan isker áielder qaýymdastyǵy, Qazaqstan Halyqtar Assambleiasy janyndaǵy Respýblikalyq Analar keńesi ókilderi de shyǵarmashylyq áielderdi qoldaý boiynsha pikirlerin ortaǵa saldy.
"Keshtiń basty maqsaty - kreativ ideialarmen almasý jáne olardy iske asyrý múmkindikterin talqylaý úshin netvorking alań qurý", -dep otyr uiymdastyrýshylar.
Sonymen qatar shara jetekshileriniń sózinshe AQ ortalyǵynyń missiiasy ulttyq jáne halyqaralyq deńgeide áielderdiń shyǵarmashylyq jobalaryn ilgeriletý arqyly inkliýzivti, ashyq jáne kórkeigen qoǵam qurýǵa yqpal etý. Qazirdiń ózinde Italiia, Túrkiia jáne basqa elderdegi halyqaralyq kórme, festivalder jáne bilim berý baǵdarlamalaryna qatysý, hadyqaralyq uiymdarmen bailanys ornatý boiynsha kelisimderge kelýde.
Ortalyq Qazaqstannyń kreativti indýstriiasynyń túrli salasynda jumys isteitin áielderdiń bastamasymen quryldy.
Olardyń qyzmeti áielder kóshbasshylyǵyn damytýǵa, talanttardy qoldaýǵa, kásibi daǵdylardy jetildirýge, belsendi jáne shyǵarmashylyq áielder jelisin qalyptastyrýǵa baǵyttalǵan.
