فوتو: Olympic.kz
2027 جىلعى 22-30 مامىر ارالىعىندا استانادا ٷستەل تەننيسٸنەن ەلەم چەمپيوناتى ٶتەدٸ. وسىلايشا قازاقستان اتالعان جاھاندىق دودانى قابىلدايتىن ورتالىق ازيياداعى العاشقى مەملەكەت اتانادى, دەپ حابارلايدى Ult.kz.
10 مامىر كٷنٸ لوندوندا ٶتكەن كوماندالىق ەلەم چەمپيوناتى بارىسىندا قازاقستانعا حالىقارالىق ٷستەل تەننيسٸ فەدەراتسيياسىنىڭ (ITTF) تۋى رەسمي تٷردە تابىستالدى. بۇل – ەلٸمٸزدٸڭ ەلەم چەمپيوناتىن ٶتكٸزۋگە دايىندىقتى باستاعانىن بٸلدٸرەتٸن ماڭىزدى رەسٸم.
قازاقستان 2027 جىلعى ەلەم چەمپيوناتىن ٶتكٸزۋ قۇقىعىنا 2025 جىلى ITTF باس اسسامبلەياسىنىڭ شەشٸمٸمەن يە بولدى. داۋىس بەرۋدٸڭ قورىتىندى كەزەڭٸندە قازاقستان 111 داۋىس جيناپ, فرانتسييانى باسىپ وزدى.
ەلەم بٸرٸنشٸلٸگٸنە سپورتشىلار, جاتتىقتىرۋشىلار, تٶرەشٸلەر, دەلەگاتتار جەنە حالىقارالىق سپورت قاۋىمداستىعىنىڭ ٶكٸلدەرٸن قوسا العاندا, شامامەن 1250 قاتىسۋشى كەلەدٸ دەپ كٷتٸلۋدە.
قازٸرگٸ تاڭدا ەلٸمٸزدە 260 مىڭنان استام ادام ٷستەل تەننيسٸمەن تۇراقتى تٷردە اينالىسادى. ونىڭ ٸشٸندە 10 مىڭنان استامى – كەسٸبي سپورتشىلار. رەسپۋبليكا بويىنشا 12 مامانداندىرىلعان ٷستەل تەننيسٸ ورتالىعى جۇمىس ٸستەيدٸ. سونىمەن قاتار قوستاناي, ورال, سەمەي جەنە الماتى قالالارىندا جاڭا ورتالىقتاردىڭ قۇرىلىسى مەن جوبالاۋ جۇمىستارى جٷرگٸزٸلٸپ جاتىر.
سوڭعى جىلدارى ەلٸمٸزدە 30-عا جۋىق ٷستەل تەننيسٸ بٶلٸمشەسٸ مەن 35 مامانداندىرىلعان زال اشىلدى. ٶڭٸرلەرگە 650-دەن استام كەسٸبي تەننيس ٷستەلٸ ساتىپ الىندى. سونىمەن بٸرگە «بالاباقشادان باستالاتىن ٷستەل تەننيسٸ» جوباسى اياسىندا مەكتەپكە دەيٸنگٸ ۇيىمداردا ارنايى سەكتسييالار جۇمىس ٸستەي باستادى.
قازاقستاندىق سپورتشىلار حالىقارالىق ارەنادا دا جوعارى نەتيجەلەر كٶرسەتٸپ كەلەدٸ. 2025 جىلى ۇلتتىق قۇراما سپورتشىلارى حالىقارالىق رەيتينگتٸك تۋرنيرلەردە 47 مەدال جەڭٸپ الدى. ەرلەر قۇراماسى يسلام ىنتىماقتاستىعى ويىندارىندا چەمپيون اتانسا, قازاقستاندىق تەننيسشٸلەر ەلەم جەنە ازييا چەمپيوناتتارىندا سەتتٸ ٶنەر كٶرسەتتٸ.
ايتا كەتۋ كەرەك, قازاقستان بۇعان دەيٸن دە ٸرٸ حالىقارالىق جارىستاردى ۇيىمداستىرۋ تەجٸريبەسٸنە يە. 2024 جىلى استانادا ٷستەل تەننيسٸنەن XXVII ازييا چەمپيوناتى ٶتٸپ, جارىسقا 25 ەلدەن 195 سپورتشى قاتىستى. بۇل چەمپيونات ورتالىق ازييا اۋماعىندا العاش رەت ۇيىمداستىرىلعان قۇرلىقتىق دودا رەتٸندە تاريحقا ەندٸ.
2027 جىلعى ەلەم چەمپيوناتى – قازاقستان سپورتى ٷشٸن ماڭىزدى وقيعا. اتالعان تۋرنير ەلٸمٸزدٸڭ حالىقارالىق سپورت كەڭٸستٸگٸندەگٸ بەدەلٸن ارتتىرىپ, ٷستەل تەننيسٸنٸڭ ودان ەرٸ دامۋىنا جاڭا سەرپٸن بەرەدٸ.
