قر بٸلٸم جەنە عىلىم مينيسترٸ اسحات ايماعامبەتوۆ ەلٸمٸزدٸڭ بارلىق ۇستازدارىنا ارناپ حات جولدادى, دەپ حابارلايدى "ۇلت اقپارات".
«قىمباتتى ەرٸپتەس! سٸز وسى قيىن كەزەڭنەن وتباسىڭىزبەن بٸرگە امان-ەسەن ٶتٸپ, دەنساۋلىعىڭىزعا ەش قاۋٸپ تٶنبەيتٸن جاعدايدا جٷرسٸز دەگەن ٷمٸتتەمٸن. سٸزگە پاندەمييا جاعدايىنداعى باعا جەتپەس ۇستازدىق ەڭبەگٸڭٸز ٷشٸن, جانكەشتٸ جۇمىسىڭىز بەن كەز كەلگەن ۋاقىتتا بالالارىمىزعا تٸرەۋ بولۋعا دەگەن ٸزگٸ نيەتٸڭٸز ٷشٸن شىن جٷرەكتەن العىسىمدى بٸلدٸرەمٸن. بٸز سٸزبەن وسىناۋ قيىن ۋاقىتتى ەڭسەرۋ جولىندامىز. كوروناۆيرۋس پاندەميياسى بارشامىزدىڭ تۇرمىس-تٸرشٸلٸگٸمٸزگە ەسەر ەتتٸ. سٷرٸنبەي ٶتۋگە تيٸس تٷرلٸ سىناقتارعا تولى ۋاقىت باستالدى. وسىدان جارتى جىل بۇرىن مۇندايدى تٸپتٸ ەلەستەتپەگەن ەدٸك. ٶكٸنٸشكە وراي, جاقىن ادامدارىمىزدان ايىرىلىپ جاتىرمىز. بٸلٸم جەنە عىلىم جٷيەسٸ ادامي قۇندىلىقتاردى دەرٸپتەگەن, ۇرپاقتى تەربيەلەپ, بٸلٸم بەرگەن اردا ازاماتتارىنان – سالا ارداگەرلەرٸنەن, بٸزدٸڭ قىمباتتى ەرٸپتەستەرٸمٸزدەن ايىرىلۋدا. تۋىستارى مەن دوستارى كٶز جۇمعان ەرٸپتەستەرٸمنٸڭ قايعىلارىنا ورتاقتاسىپ, كٶڭٸل ايتامىن. دەل قازٸرگٸ قيىن كەزەڭدە جاقىندارىمىز بەن ٶز ٶمٸرٸمٸزدٸڭ, دەنساۋلىعىمىز بەن قاۋٸپسٸزدٸگٸمٸزدٸڭ ماڭىزى مەن قادٸرٸن تٷسٸنٸپ, باعالاۋدى ٷيرەنٸپ جاتىرمىز. كەز كەلگەن قيىندىق بٸزدٸ شىڭداي تٷسٸپ, سىناقتار جٸگەرٸمٸزدٸ قايراپ, رۋحىمىزدى مىقتى ەتەدٸ», - دەپ جازىلعان مينيستردٸڭ ەربٸر مۇعالٸمگە جولداعان حاتىندا.
وسى ورايدا ول وسىناۋ قيىن-قىستاۋ كەزەڭدە بٸرگە بولۋىمىز اسا ماڭىزدى ەكەنٸن ايتا كەلە: «بٸزدٸڭ كٷشٸمٸز – بٸزدٸڭ بٸرلٸگٸمٸزدە. بٸز كەز كەلگەن قيىن مٸندەتتەردٸ بٸردە-بٸر بالانى ەسكەرۋسٸز قالدىرماي, بٸرلەسە وتىرىپ شەشە الامىز. ەرٸپتەسٸم, سٸزگە مىنانى ايتقىم كەلەدٸ! قازٸر بٸزگە بالالارىمىز بەن ولاردىڭ بولاشاعى ٷشٸن جەنە تەك بٸلٸمٸ عانا ەمەس, دەنساۋلىعى مەن مورالدىق جاعدايى ٷشٸن دە ٷلكەن جاۋاپكەرشٸلٸك جٷكتەلٸپ وتىر. وقۋشىلارىمىزدىڭ مەيلٸنشە قاۋٸپسٸز ەرٸ جايلى ورتادا بٸلٸم الۋىنا قاجەتتٸ جاعدايدىڭ بارلىعىن جاساۋىمىز كەرەك», - دەدٸ.
وسى ورايدا ول ۇستازداردىڭ تەك مەكتەپتە عانا ەمەس, ٶمٸردە دە كٶشباسشى ەكەنٸنە سەنٸم بٸلدٸردٸ.
«جاعداي ورنىعادى. دەرٸگەرلەرمەن بٸرٸگٸپ بٸز ٸندەتتٸ بٸرگە جەڭەمٸز, بۇرىنعى ٶمٸر بٸرتٸندەپ قالپىنا كەلە باستايدى. وعان دەيٸن بەرٸمٸز وقۋشىلار مەن اتا-انالارعا جەنە بٸر-بٸرٸمٸزگە تٸرەۋ بولا بٸلۋٸمٸز قاجەت. العىس ايتۋدىڭ ەشقاشان ارتىقشىلىعى بولمايدى. سوندىقتان مەن سٸزگە تٶرتٸنشٸ توقساندا اتقارعان ەرەن ەڭبەگٸڭٸز ٷشٸن تاعى بٸر مەرتە راقمەتٸمدٸ ايتقىم كەلەدٸ. سٸز – ناعىز باتىرسىز. سٸزدٸڭ قۋاتتى قولداۋىڭىزدى سەزٸنٸپ وتىرمىن. سول سەبەپتٸ دە ەرتەڭ بالالارىمىزدىڭ بٸلٸمٸن جەتٸلدٸرۋ جولىندا ەش كەدەرگٸ بولمايتىنىنا سەنەمٸن», - دەپ اتاپ ٶتتٸ ا.ايماعامبەتوۆ.
وسى حات 8 تامىزدان بەرٸ ەلٸمٸزدٸڭ بارلىق ٶڭٸرٸندەگٸ ۇستازدارعا ەلەكتروندى جەكە پوشتاسىنا جولدانۋدا. حاتتى العان مۇعالٸمدەر ەلەۋمەتتٸك جەلٸلەردە بٸلٸم مينيسترٸنە ارناپ جاۋاپتارىن جازۋدا.
كٷلەندا باتىربەكوۆا ەسٸمدٸ كەسٸپكەر حاتتى تاپجىلماي وقىپ شىققانىن اتاپ ٶتكەن.
«كەرەمەت! جاي سٶزبەن, ادامنىڭ ساناسىنا ارنالعان ەرەكشە حات. ۇستازدارعا راحمەتٸن ايتا وتىرىپ,وسى باسىمىزعا تٷسٸپ جاتقان قيىنشىلىقتان بٸرگە شىعۋعا, شىدامدىلىق پەن سابىرلىلىققا شاقىرىپ وتىر.پەداگوگ بولماسام دا,وسى بٸلٸم سالاسىنىڭ جاناشىرى بولىپ, ينۆەستورلاردىڭ قاۋىمداستىعىنىڭ تٶرايىمى رەتٸندە,ورتاق پوچتامىزعا, جەكەمەنشٸك مەكتەپ پەن بالاباقشالاردىڭ باسشىلارىنا حاتتى جٸبەردٸم. حالىقتىڭ بارلىعىمەن بٶلٸسكٸم كەلدٸ. بٶلٸسۋگە تۇراتىن حات قوي....», - دەپ جازدى ك. باتىربەكوۆا ەلەۋمەتتٸك جەلٸدە.
سونىمەن قاتار, تاعى تولقىن باتىربايقىزى ەسٸمدٸ ۇستاز دا اتالعان حاتقا بايلانىستى ٶز پٸكٸرٸن بٸلدٸرگەن.
«كەشە تٷندە ساباقتارىما دايىندالىپ وتىرىپ, ەلەكتروندى پوچتامدى اشىپ قالسام, باس ۇستازىمىز اسحات قاناتۇلىنان حات كەلٸپ تۇر. حاتتى وقىپ كٶزٸمە جاس كەلدٸ. حات سوڭىندا بويىمدا ەلدەبٸر كٷش پەن جٸگەر پايدا بولعانداي... قاراپايىم ۇستازعا مينيستر مىرزادان جىلى لەبٸزگە تولى حات كەلسە, قانداي كٷيدە بولادى دەپ ويلايسىزدار? ەرينە, قۋاناسىڭ, جۇمىسىڭا دەگەن شابىتىڭ ويانادى, ماماندىعىڭا دەگەن قۇرمەت ارتادى. مٸنە, وسىنداي تٷرلٸ ەموتسييالاردى باسىمنان ٶتكەردٸم», - دەيدٸ تولقىن باتىربايقىزى.
