پارلامەنت مەجٸلٸسٸنٸڭ جالپى وتىرىسىندا قر باس پروكۋرورى جاقىپ اسانوۆ پروكۋراتۋرا جۇمىسىن مەجٸلٸس دەپۋتاتتارىمەن سالىستىردى, دەپ حابارلايدى قازاقپارات.
«بٸزدە قىلىستىق پروتسەستە ەكٸ فيلتر بار. مىسالى, بٸر ادامدى قاماۋ كەرەك بولدى دەلٸك. ول مەسەلەنٸ پروكۋرور قارايدى, سودان كەيٸن ٸس سوتقا جولدانادى. بۇل - ٶزٸندٸك سٷزگٸ. بىلتىر تەرگەۋشٸلەر 15 مىڭ ادامدى قاماۋ تۋرالى ٶتٸنٸشپەن پروكۋرورلارعا كەلدٸ. وسى ورايدا بٸز ەربٸر ٶتٸنٸشتٸ قاناعاتتاندىرۋدان باس تارتتىق. نەتيجەسٸندە 3,5 مىڭ ادام پروكۋروردىڭ شەشٸمٸمەن تەرگەۋ كەزٸندە قامالعان جوق. ال قالعان 11,5 مىڭ ادام بويىنشا پروكۋرورلار سوتقا باردى. ٶز كەزەگٸندە سوت 500 ادام بويىنشا باس تارتتى. جالپى, پروكۋرورلار مەجٸلٸس سيياقتى. ٶيتكەنٸ مەجٸلٸسكە العاشقى زاڭ جوبالارى تٷسەدٸ, بارلىق كەمشٸلٸكتەردٸ سٸزدەر قاراعاننان كەيٸن, سەناتقا جٸبەرەسٸزدەر. بٸزدە پروكۋرورلار بارلىق كەمشٸلٸكتەردٸ ەسكەرٸپ, سوتقا جولدايمىز», - دەدٸ جاقىپ اسانوۆ قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قۇقىق قورعاۋ قىزمەتٸنٸڭ پروتسەستٸك نەگٸزدەرٸن جاڭعىرتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى تالقىلاۋ بارىسىندا.
باس پروكۋرور قۇقىق قورعاۋ ورگاندارىنداعى تسيفرلاندىرۋ جٷيەسٸ سالاداعى قاتەلٸكتەرگە جول بەرمەيتٸنٸن اتاپ ٶتتٸ.
«ەڭ باستىسى - تسيفروۆيزاتسييالاۋ ادام قۇقىعىن قورعاۋدى كٷشەيتەدٸ. بٷكٸل پروتسەسس الاقانداعىداي ايقىن بولادى. پروكۋرورلىق باقىلاۋ ارتادى. سىبايلاس جەمقورلىق ازايادى. ٸت جٷيە تەرگەۋشٸنٸڭ, پروكۋرور مەن سۋديانىڭ جۇمىسىن اناعۇرلىم جەڭٸلدەتەدٸ», - دەدٸ باس پروكۋرور.
باس پروكۋراتۋرا ەزٸرلەگەن ٸت جٷيە بيۋدجەتتەن قوسىمشا قاراجاتتى تالاپ ەتپەيدٸ. قىلمىستىق ٸستەردٸ تولىقتاي تسيفرلىق فورماتقا كٶشٸرۋدٸ 2018 جىلدىڭ سوڭىنا دەيٸن اياقتاۋ جوسپارلانىپ وتىر.
