اقتٶبەدە قوقىس جەشٸگٸنەن تابىلعان جاڭا تۋعان نەرەستەگە دەرٸگەرلەر “باتىر” ەسٸمٸن بەردٸ. قازٸر سەبي وبلىستىق بالالار اۋرۋحاناسىندا ەم قابىلداپ جاتىر, ونىڭ جاعدايى تۇراقتى باقىلاۋدا, دەپ حابارلايدى ult.kz.
مامانداردىڭ ايتۋىنشا, اۋرۋحاناعا تٷسكەن كەزدە نەرەستەنٸڭ سالماعى 2 كەلٸ 900 گرامم بولعان. قازٸرگٸ تاڭدا ونىڭ سالماعى 3 كەلٸدەن اسىپ, دەنساۋلىعىندا وڭ ديناميكا بايقالعانىمەن, دەرٸگەرلەر جاعدايىن ەلٸ دە ورتاشا اۋىر دەپ باعالاپ وتىر.
وبلىستىق دەنساۋلىق ساقتاۋ باسقارماسىنىڭ ٶكٸلٸ ەلييا شارباقوۆانىڭ ايتۋىنشا, سەبي تولىق مەديتسينالىق باقىلاۋدا.
“قاجەتتٸ بارلىق ەم كٶرسەتٸلۋدە. بارلىق رەسٸمدەر اياقتالعاننان كەيٸن بالا ‘ٷمٸت’ سەبيلەر ٷيٸنە ورنالاستىرىلادى”, – دەدٸ ول.
قۇقىق قورعاۋ ورگاندارى بالانىڭ اناسىن انىقتاۋ جەنە وقيعانىڭ مەن-جايىن تەكسەرۋ جۇمىستارىن جالعاستىرىپ جاتىر.
ايتا كەتەيٸك, بۇعان دەيٸن اقتٶبەدە قوقىس جەشٸگٸنەن جاڭا تۋعان نەرەستە تابىلعانى تۋرالى حابارلانعان بولاتىن. تۇرعىندار جىلاعان داۋىستى ەستٸپ, جەدەل جەردەم مەن پوليتسييا شاقىرعان. دەرٸگەرلەردٸڭ دەر كەزٸندە كٶرسەتكەن كٶمەگٸنٸڭ ارقاسىندا سەبي امان قالعان.
