پاندەمييا باستالعالى بەرٸ الماتىعا شەتەلدەن 13 مىڭنان استام ادام پتر تەستٸسٸز كەلدٸ. بۇل تۋرالى الماتى قالالىق سانيتارلىق-ەپيدەميولوگييالىق باقىلاۋ دەپارتامەنتٸنٸڭ باستىعى, قالانىڭ باس مەملەكەتتٸك سانيتارلىق دەرٸگەرٸ جانداربەك بەكشين ونلاين بريفينگ بارىسىندا ايتتى, دەپ حابارلايدى "ۇلت اقپارات".
"ەدەتتە باسقا ەلدەن كەلگەن ازاماتتاردىڭ 90%-ى جاسىل دەلٸزدەن ٶتەدٸ, ٶيتكەنٸ ولاردىڭ قولىندا پتر-تەستٸلەۋدٸڭ تەرٸس نەتيجەسٸ بار. دەسەكتە, اقشالارىن ٷنەمدەپ پتر انىقتاماسىز كەلەتٸندەر دە بار. مۇنداي ادامدار باسقا ادامدارعا ٷلكەن قاۋٸپ تٶندٸرەدٸ. مەملەكەت مۇنداي ازاماتتاردى تەگٸن تەستٸلەۋدەن ٶتكٸزٸپ, تاماقتاندىرىپ, كٶلٸكپەن قامتاماسىز ەتەدٸ. پاندەمييا باستالعالى بەرٸ 13 مىڭنان استام جولاۋشى الماتىعا شەتەلدەن پتر تەستٸسٸز كەلدٸ. شەتەلدەن كەلگەن 85 ازاماتتان كوروناۆيرۋس انىقتالدى. ولار تٷركييا, ەگيپەت پەن باە جەنە باسقا ەلدەردەن ۇشىپ كەلگەن جولاۋشىلار", - دەدٸ جانداربەك بەكشين.
سونىمەن قاتار, قالانىڭ باس سانيتارلىق دەرٸگەرٸ پتر انىقتاماسى جوق ازاماتتاردى مەملەكەت تەگٸن مەديتسينالىق تەكسەرۋدەن ٶتكٸزەتٸندٸگٸن اتاپ ٶتتٸ.
"قازٸر پتر تەست قۇنى - 8025 تەڭگە. 6 مىڭ تەڭگە -جاتىن ورنى, ازىق-تٷلٸك پەن جول اقىسى - 4 500 تەڭگە. وسىدان-اق, مەملەكەت قانشا اقشا جۇمسايتىنىن ەسەپتەۋگە بولادى. بٸز سيياقتى ازاماتتارىنا قامقورلىق تانىتاتىن مەملەكەتتەر كەمدە-كەم. بٸز ٶز ازاماتتارىمىزدى شەتەلدە قالدىرا المايمىز", - دەپ اتاپ ٶتتٸ ول.
