الماتىدا Yandex Qazaqstan جٷرگٸزۋشٸسٸز تاكسي تەحنولوگيياسى تانىستىرىلدى. جوبا قازاقستاندا پيلوتسىز كٶلٸك جٷيەلەرٸن ەنگٸزۋ مٷمكٸندٸكتەرٸن زەردەلەۋ اياسىندا جٷزەگە اسىرىلماق, دەپ حابارلايدى ult.kz.
تانىستىرىلىم بارىسىندا كٶلٸك ۆيتسە-مينيسترٸ دامير قوجاحمەتوۆ روبوتاكسيدٸڭ جۇمىس ٸستەۋ قاعيداتىمەن تانىستى. جوبا باستاپقى كەزەڭدە پيلوتتىق رەجيمدە جەنە شەكتەۋلٸ تەستٸلەۋ فورماتىندا ٸسكە قوسىلادى.
مامانداردىڭ ايتۋىنشا, جاڭا جٷيە جاساندى ينتەللەكت تەحنولوگييالارىنا, جول جاعدايىن ٷزدٸكسٸز باقىلاۋعا جەنە قاۋٸپسٸزدٸك الگوريتمدەرٸنە نەگٸزدەلگەن. سونداي-اق سەرۆيستە تەۋلٸك بويى ديسپەتچەرلٸك قولداۋ مەن جولاۋشىلاردى ساقتاندىرۋ قاراستىرىلعان.
جوبا قالا كٶشەلەرٸندەگٸ ناقتى جاعدايلاردا سىناقتان ٶتكٸزٸلٸپ, جٷيەنٸڭ تۇراقتىلىعى مەن قاۋٸپسٸزدٸگٸ دەلەلدەنگەن جاعدايدا قىزمەت اۋقىمى كەزەڭ-كەزەڭٸمەن كەڭەيتٸلەدٸ.
كٶلٸك مينيسترلٸگٸنٸڭ مەلٸمەتٸنشە, مەملەكەت باسشىسىنىڭ تاپسىرماسىنا سەيكەس روبوتاكسيلەردٸ پايدالانۋعا ارنالعان قۇقىقتىق بازانى قالىپتاستىرۋ جۇمىستارى جٷرگٸزٸلٸپ جاتىر. زاڭنامالىق تٷزەتۋلەردە پيلوتسىز كٶلٸكتەردٸڭ مەرتەبەسٸن انىقتاۋ, ولاردى پايدالانۋ تەرتٸبٸن بەلگٸلەۋ جەنە مەملەكەتتٸك ورگانداردىڭ ٶكٸلەتتٸكتەرٸن ايقىنداۋ كٶزدەلگەن.
ۆەدومستۆو ٶكٸلدەرٸ ەلەمنٸڭ بٸرقاتار ەلٸندە پيلوتسىز كٶلٸك تەحنولوگييالارىنىڭ سەتتٸ قولدانىلىپ جاتقانىن اتاپ ٶتتٸ. قازاقستاندا بۇل باعىت جوعارى تەحنولوگييالىق سەكتوردىڭ دامۋىنا سەرپٸن بەرٸپ, كٶلٸك سالاسىن تسيفرلاندىرۋعا ىقپال ەتۋٸ مٷمكٸن.
پيلوتتىق جوبالاردى ٸسكە اسىرۋ ٷشٸن تسيفرلىق ينفراقۇرىلىمى جاقسى دامىعان الماتى مەن استانا نەگٸزگٸ الاڭدار رەتٸندە قاراستىرىلىپ وتىر. روبوتاكسيلەردٸ ەنگٸزۋ بارلىق قاۋٸپسٸزدٸك تالاپتارىن ساقتاي وتىرىپ, كەزەڭ-كەزەڭٸمەن جٷزەگە اسىرىلادى.
