Almatyda Yandex Qazaqstan júrgizýshisiz taksi tehnologiiasy tanystyryldy. Joba Qazaqstanda pilotsyz kólik júielerin engizý múmkindikterin zerdeleý aiasynda júzege asyrylmaq, dep habarlaidy ult.kz.
Tanystyrylym barysynda Kólik vitse-ministri Damir Qojahmetov robotaksidiń jumys isteý qaǵidatymen tanysty. Joba bastapqy kezeńde pilottyq rejimde jáne shekteýli testileý formatynda iske qosylady.
Mamandardyń aitýynsha, jańa júie jasandy intellekt tehnologiialaryna, jol jaǵdaiyn úzdiksiz baqylaýǵa jáne qaýipsizdik algoritmderine negizdelgen. Sondai-aq serviste táýlik boiy dispetcherlik qoldaý men jolaýshylardy saqtandyrý qarastyrylǵan.
Joba qala kóshelerindegi naqty jaǵdailarda synaqtan ótkizilip, júieniń turaqtylyǵy men qaýipsizdigi dáleldengen jaǵdaida qyzmet aýqymy kezeń-kezeńimen keńeitiledi.
Kólik ministrliginiń málimetinshe, Memleket basshysynyń tapsyrmasyna sáikes robotaksilerdi paidalanýǵa arnalǵan quqyqtyq bazany qalyptastyrý jumystary júrgizilip jatyr. Zańnamalyq túzetýlerde pilotsyz kólikterdiń mártebesin anyqtaý, olardy paidalaný tártibin belgileý jáne memlekettik organdardyń ókilettikterin aiqyndaý kózdelgen.
Vedomstvo ókilderi álemniń birqatar elinde pilotsyz kólik tehnologiialarynyń sátti qoldanylyp jatqanyn atap ótti. Qazaqstanda bul baǵyt joǵary tehnologiialyq sektordyń damýyna serpin berip, kólik salasyn tsifrlandyrýǵa yqpal etýi múmkin.
Pilottyq jobalardy iske asyrý úshin tsifrlyq infraqurylymy jaqsy damyǵan Almaty men Astana negizgi alańdar retinde qarastyrylyp otyr. Robotaksilerdi engizý barlyq qaýipsizdik talaptaryn saqtai otyryp, kezeń-kezeńimen júzege asyrylady.
