.jpg)
فوتو: جٷرگەنوۆ اكادەميياسى
ە. كاستەەۆ اتىنداعى مەملەكەتتٸك ٶنەر مۋزەيٸندە تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىنىڭ «تۇلعالاردىڭ ٸزٸمەن» اتتى كٶرمەسٸ اشىلدى. شارا رەسپۋبليكا كٷنٸنە ورايلاستىرىلىپ, ٶنەرسٷيەر قاۋىمدى ەلٸمٸزدٸڭ جاس سۋرەتشٸلەرٸمەن تانىستىرادى, دەپ حابارلايدى Ult.kz.
كٶرمەگە اكادەمييانىڭ «كەسكٸندەمە, مٷسٸن جەنە ديزاين» فاكۋلتەتٸ ستۋدەنتتەرٸنٸڭ 50-دەن استام شىعارماسى قويىلدى. ەكسپوزيتسيياعا مونۋمەنتالدى كەسكٸندەمە, باسپا گرافيكاسى, زەرگەرلٸك جەنە سەندٸك-قولدانبالى ٶنەر سيياقتى جانرلار كٸرەدٸ. كٶرەرمەندەر قازاق ميفولوگيياسى مەن دالا تاريحىنا نەگٸزدەلگەن تۋىندىلاردى تاماشالاي الادى.
فوتو: جٷرگەنوۆ اكادەميياسى. ارمان جٷدەباەۆ
ت. جٷرگەنوۆ اتىنداعى قازاق ۇلتتىق ٶنەر اكادەميياسىنىڭ رەكتورى ارمان جٷدەباەۆ كٶرمەنٸڭ نەلٸكتەن "تۇلعالاردىڭ ٸزٸمەن" دەپ اتالعانىن تٷسٸندٸردٸ جەنە ستۋدەنتتەردٸڭ جۇمىستارى قاستەەۆ مۋزەيٸنە قويىلۋىن زور جەتٸستٸك دەپ اتاپ ٶتتٸ.
"بۇل كٶرمە تەك ستۋدەنتتەرٸمٸزدٸڭ تالانتتارى مەن شەبەرلٸكتەرٸن كٶرسەتٸپ قانا قويماي, قازاقستاننىڭ بەينەلەۋ ٶنەرٸنٸڭ كٶرنەكتٸ شەبەرلەرٸ سالعان دەستٷرلەردٸڭ جالعاسى بولىپ تابىلادى. قانافييا تەلجانوۆ, مولداحمەت كەنباەۆ, حاكيمجان ناۋرىزباەۆ, ەسكەن سەرگەباەۆ, دەركەمباي شوقپاروۆ سىندى تۇلعالار ۇلتتىق كەسكٸندەمە, مٷسٸن, سەندٸك قولدانبالى ٶنەر جەنە گرافيكا مەكتەبٸمٸزدٸڭ نەگٸزٸن قالادى, ال بٷگٸن ولاردىڭ مۇراسى وسى كٶرمەدە ۇسىنىلعان ەر تۋىندىدا ٶمٸر سٷرۋدە. ەسٸرەسە, بٸزدٸڭ ستۋدەنتتەرٸمٸزدٸڭ جۇمىستارى كاستەەۆ مۋزەيٸندە – قازاقستان ٶنەرٸنٸڭ سيمۆولىنا اينالعان ورىندا ۇسىنىلعانى ٶتە قۋانتادى. بۇل وقيعا جاس سۋرەتشٸلەرگە جاڭا كٶكجيەكتەر اشادى, بٸز بٷگٸن ماقتانىشپەن ۇسىنىپ وتىرعان ديپلومدىق جەنە وقۋ جۇمىستارى – ولاردىڭ شىعارماشىلىق ٸزدەنٸستەرٸنٸڭ نەتيجەسٸ. ەربٸر ەكسپونات – كەسٸبي شەبەرلٸككە ۇمتىلۋداعى قادام, ستۋدەنتتەردٸڭ ٶزدەرٸنٸڭ شىعارماشىلىق يدەيالارىن بٸلدٸرۋٸ مەن حالقىمىزدىڭ مەدەني مۇراسىن زەرتتەۋ مٷمكٸندٸگٸ", - دەدٸ ول.
فوتو: جٷرگەنوۆ اكادەميياسى. باۋىرجان بايدٸلدا
اكادەمييا دەكانى باۋىرجان بايدٸلدا فاكۋلتەت قىزمەتٸنٸڭ جەتٸستٸكتەرٸمەن بٶلٸسٸپ, جاس سۋرەتشٸلەردٸڭ شىعارماشىلىق شەبەرلٸگٸن ارتتىرۋ باعىتىندا اتقارىلعان جۇمىستاردى ەرەكشە اتاپ ٶتتٸ.
"بۇل كٶرمەنٸڭ ەرەكشەلٸگٸ – "تۇلعالاردىڭ ٸزٸمەن" دەگەن تاقىرىبىنان-اق كٶرٸنٸپ تۇر. كٶرمەدەن حالىق سۋرەتشٸلەرٸ – ق.تەلجانوۆ, م.كەنباەۆ, ح.ناۋرىزباەۆ, ك.شاياحمەتوۆ, ە.سەرگەباەۆ, د.سٷلەەۆ, ب.تٷلكيەۆ, د.شوقپاروۆ قالىپتاستىرعان مەكتەپتٸ, سولاردىڭ ەڭبەگٸن, جەمٸسٸن كٶرەسٸزدەر. قازٸر وسى مۇراجايدا تۇرعان تۋىندىلاردىڭ اۆتورلارىنىڭ كٶبٸ حالىقارالىق دەرەجەدەگٸ ٷلكەن سۋرەتشٸلەر. سولاردىڭ بەرٸ وسى مەكتەپتٸ بٸتٸردٸ دەسەك قاتەلەسپەيمٸز. مۇنداي ٶنەردٸ بٸز كٶرەرمەندەرگە كٶرسەتۋٸمٸز كەرەك. بۇل بٸرٸنشٸ رەت بولىپ تۇرعان جاعداي. كٶبٸسٸ ستۋدەنتتەردٸڭ دەڭگەيٸن تٶمەن كٶرەدٸ. الايدا بٷگٸنگٸ كٶرمەدەن ولاردىڭ پوتەنتسيالدارىن كٶرە الاسىزدار. قازٸر جاستار باسقاشا. ەر زاماننىڭ ٶزٸنٸڭ ادامى بار. مەن ەردايىم شەكٸرتتەرٸمە ايتاتىنىم, ەر ادامعا قۇداي جەكە-دارا قابٸلەت بەردٸ. سول قابٸلەتتٸ اشۋ – بٸزدٸڭ باستى پارىزىمىز", – دەدٸ باۋىرجان نۇربەكۇلى.
فوتو: جٷرگەنوۆ اكادەميياسى
ەكسپوزيتسييادا ەجەلگٸ قازاق ميفولوگيياسىنا, حالىق ەرتەگٸلەرٸ مەن اڭىزدارىنان, سونداي-اق دالا حالىقتارىنىڭ تاريحىنان الىنعان بەينەلەرگە بايلانىستى بٸرقاتار تۋىندىلار كٶرسەتٸلدٸ.
فوتو: جٷرگەنوۆ اكادەميياسى
كٶرمە الماتى قالاسىنداعى ٶنەرسٷيەر قاۋىم ٷشٸن 2024 جىلدىڭ باستى مەدەني وقيعالارىنىڭ بٸرٸنە اينالماق.
دايىنداعان: انارا باۋىرجانقىزى
