.jpg)
Foto: Júrgenov akademiiasy
Á. Kasteev atyndaǵy Memlekettik óner mýzeiinde Temirbek Júrgenov atyndaǵy Qazaq ulttyq óner akademiiasynyń «Tulǵalardyń izimen» atty kórmesi ashyldy. Shara Respýblika kúnine orailastyrylyp, ónersúier qaýymdy elimizdiń jas sýretshilerimen tanystyrady, dep habarlaidy Ult.kz.
Kórmege akademiianyń «Keskindeme, músin jáne dizain» fakýlteti stýdentteriniń 50-den astam shyǵarmasy qoiyldy. Ekspozitsiiaǵa monýmentaldy keskindeme, baspa grafikasy, zergerlik jáne sándik-qoldanbaly óner siiaqty janrlar kiredi. Kórermender qazaq mifologiiasy men dala tarihyna negizdelgen týyndylardy tamashalai alady.
Foto: Júrgenov akademiiasy. Arman Júdebaev
T. Júrgenov atyndaǵy Qazaq ulttyq óner akademiiasynyń rektory Arman Júdebaev kórmeniń nelikten "Tulǵalardyń izimen" dep atalǵanyn túsindirdi jáne stýdentterdiń jumystary Qasteev mýzeiine qoiylýyn zor jetistik dep atap ótti.
"Bul kórme tek stýdentterimizdiń talanttary men sheberlikterin kórsetip qana qoimai, Qazaqstannyń beineleý óneriniń kórnekti sheberleri salǵan dástúrlerdiń jalǵasy bolyp tabylady. Qanafiia Teljanov, Moldahmet Kenbaev, Hakimjan Naýryzbaev, Esken Sergebaev, Dárkembai Shoqparov syndy tulǵalar ulttyq keskindeme, músin, sándik qoldanbaly óner jáne grafika mektebimizdiń negizin qalady, al búgin olardyń murasy osy kórmede usynylǵan ár týyndyda ómir súrýde. Ásirese, bizdiń stýdentterimizdiń jumystary Kasteev mýzeiinde – Qazaqstan óneriniń simvolyna ainalǵan orynda usynylǵany óte qýantady. Bul oqiǵa jas sýretshilerge jańa kókjiekter ashady, biz búgin maqtanyshpen usynyp otyrǵan diplomdyq jáne oqý jumystary – olardyń shyǵarmashylyq izdenisteriniń nátijesi. Árbir eksponat – kásibi sheberlikke umtylýdaǵy qadam, stýdentterdiń ózderiniń shyǵarmashylyq ideialaryn bildirýi men halqymyzdyń mádeni murasyn zertteý múmkindigi", - dedi ol.
Foto: Júrgenov akademiiasy. Baýyrjan Baidilda
Akademiia dekany Baýyrjan Baidilda fakýltet qyzmetiniń jetistikterimen bólisip, jas sýretshilerdiń shyǵarmashylyq sheberligin arttyrý baǵytynda atqarylǵan jumystardy erekshe atap ótti.
"Bul kórmeniń ereksheligi – "Tulǵalardyń izimen" degen taqyrybynan-aq kórinip tur. Kórmeden halyq sýretshileri – Q.Teljanov, M.Kenbaev, H.Naýryzbaev, K.Shaiahmetov, E.Sergebaev, D.Súleev, B.Túlkiev, D.Shoqparov qalyptastyrǵan mektepti, solardyń eńbegin, jemisin kóresizder. Qazir osy murajaida turǵan týyndylardyń avtorlarynyń kóbi halyqaralyq dárejedegi úlken sýretshiler. Solardyń bári osy mektepti bitirdi desek qatelespeimiz. Mundai ónerdi biz kórermenderge kórsetýimiz kerek. Bul birinshi ret bolyp turǵan jaǵdai. Kóbisi stýdentterdiń deńgeiin tómen kóredi. Alaida búgingi kórmeden olardyń potentsialdaryn kóre alasyzdar. Qazir jastar basqasha. Ár zamannyń óziniń adamy bar. Men árdaiym shákirtterime aitatynym, ár adamǵa Qudai jeke-dara qabilet berdi. Sol qabiletti ashý – bizdiń basty paryzymyz", – dedi Baýyrjan Nurbekuly.
Foto: Júrgenov akademiiasy
Ekspozitsiiada ejelgi qazaq mifologiiasyna, halyq ertegileri men ańyzdarynan, sondai-aq dala halyqtarynyń tarihynan alynǵan beinelerge bailanysty birqatar týyndylar kórsetildi.
Foto: Júrgenov akademiiasy
Kórme Almaty qalasyndaǵy ónersúier qaýym úshin 2024 jyldyń basty mádeni oqiǵalarynyń birine ainalmaq.
Daiyndaǵan: Anara Baýyrjanqyzy
