© Sputnik/ەرتاي سارباسوۆ
الماتىدا جەڭٸس كٷنٸنە وراي ۇيىمداستىرىلعان “مەڭگٸلٸك داڭق” شەرۋٸ بيىل دا حالىقتىڭ بٸرلٸگٸ مەن تاريحي جادىنىڭ ايقىن كٶرٸنٸسٸنە اينالدى, دەپ حابارلايدى Ult.kz.
قالا تۇرعىندارى مەن قوناقتارى باتىر بابالارعا تاعزىم ەتۋ ٷشٸن ورتالىققا اعىلدى.
شارا 28 پانفيلوۆشىلار ساياباعى اۋماعىنداعى داڭق مەموريالىنان باستالدى. مۇندا جينالعان جۇرت الدىمەن گٷل شوقتارىن قويىپ, ۇلى وتان سوعىسىندا ەرلٸكپەن قازا تاپقان جاۋىنگەرلەردٸ ٷنسٸز ەسكە الدى. وسىدان كەيٸن مىڭداعان ادامنىڭ قاتىسۋىمەن “مەڭگٸلٸك داڭق” شەرۋٸ باستاۋ الدى.
قولدارىنا اتا-بابالارىنىڭ فوتوسۋرەتتەرٸن ۇستاعان الماتىلىقتار بٸر ساپقا تٸزٸلٸپ, سوعىس جىلدارىنىڭ اۋىر جٷگٸن ارقالاعان ۇرپاققا قۇرمەت كٶرسەتتٸ. بۇل شەرۋ – تەك ەستەلٸك ەمەس, ول ۇلتتىڭ تاريحي جادىن جاڭعىرتاتىن, ەرلٸك پەن ەلدٸكتٸڭ مەنٸن ۇعىندىراتىن تاعىلىمدى شارا.
مەموريال ماڭىندا مەرەكەلٸك كٶڭٸل-كٷي جالعاسىپ, وتاندىق ەسترادا جۇلدىزدارىنىڭ قاتىسۋىمەن كونتسەرت ۇيىمداستىرىلدى. سونىمەن قاتار, سوعىس ارداگەرلەرٸ مەن تىل ەڭبەككەرلەرٸنە ارنايى داستارقان جايىلىپ, دالالىق-ەسكەري اس ۇسىنىلدى.
“مەڭگٸلٸك داڭق” شەرۋٸنٸڭ باستى ماقساتى – كەيٸنگٸ بۋىنعا باتىرلىق مۇرانى امان جەتكٸزۋ, ەل تاريحىن ۇمىتتىرماۋ. الماتىداعى بٷگٸنگٸ كٶرٸنٸس وسى ماقساتتىڭ ورىندالىپ جاتقانىن انىق اڭعارتتى.
