فوتو: كٶكٸل مەكتەبٸنٸڭ باسپاسٶز قىزمەتٸنەن
الماتىدا كٷيشٸ كومپوزيتور قازانعاپ تٸلەپبەرگەنۇلىنىڭ باي مۋزىكالىق مۇراسىن ٶسكەلەڭ ۇرپاققا ناسيحاتتاۋ ماقساتىندا, تۇڭعىش رەت «كٷي تٶرەسٸ قازانعاپ» اتتى دومبىراشىلار بايقاۋى ٶتٸپ جاتىر, دەپ حابارلايدى Ult.kz.
قۇرمانعازى اتىنداعى قازاق ۇلتتىق كونسەرۆاتوريياسىنىڭ 80 جىلدىعى جەنە كٷيشٸ-كومپوزيتور قازانعاپتىڭ 170 جىلدىق مەرەيتويىنا ارنالعان I-قالالىق دومبىراشىلار بايقاۋىن قۇرمانعازى اتىنداعى قازاق ۇلتتىق كونسەرۆاتوريياسى, دومبىرا كافەدراسى جەنە «كٶكٸل» مەكتەپ-كوللەدجٸ ۇيىمداستىرعان.
سوڭعى زەرتتەۋلەردٸڭ نەتيجەسٸندە قازانعاپتىڭ بۇرىن سوڭدى ورىندالماعان كٶپتەگەن كٷيلەرٸ نوتاعا تٷسٸپ, كٷيشٸلەردٸڭ رەپەرتۋارلارىنان ورىن الىپ جٷر. قازٸرگٸ تاندا قازانعاپتىڭ 79 كٷيٸ حاتتالىپ, مۋزىكالىق وقۋ ورىندارىندا رەپەرتۋار رەتٸندە ۇسىنىلىپ وتىر.
«الماتى جۇرتشىلىعى ٷشٸن, الماتى قالاسى ٷشٸن بٷگٸن ٷلكەن وقيعا. الدماتىدا تۇڭعىش رەت بٸرٸنشٸ قالالىق قازانعاپ تٸلەپبەرگەنۇلى اتىنداعى دومبىراشىلار سايىسى ۇيىمداستىرىلىپ جاتىر. ٸش-شارانىڭ باستى ماقساتى, سوڭعى كەزدە بٸز قازانعاپتىڭ مۇراسىن زەرتتەپ, 30-40 جىل بويى ەل اراسىنان كٶپتەگەن كٷيلەرٸن, كٶپتەگەن ٷنتاسپالارىن ماڭعىستاۋ, اقتٶبە وبلىستارىمەن قاتار, قاراقالپاقستان, تٷركٸمەنستان, ٶزبەكستان ەلدەرٸن ارالاپ, قازانعاپتىڭ كٶزٸن كٶرگەن كٶپتەگەن اقساقالداردىڭ ەڭگٸمەلەرٸن, كٷيلەرٸن جازىپ, وسىدان 1-2 جىل بۇرىن «كٷي تٶرەسٸ قازانعاپ» اتتى 3 تومدىق كٷيلەرٸڭن شىعاردىق. ول جەردە قازانعاپتىڭ 79 كٷيٸ نوتاعا تٷسٸپ, رەپەرتۋارعا ەنگٸزۋگە ٷلكەن بٸر سەپتٸگٸن تيگٸزدٸ. ياعني قازانعاپتىڭ مول مۇراسى جينالدى دەۋگە بولادى. سول قازانعاپتىڭ شەكٸرتتەرٸنٸڭ ٸزٸمەن جٷردٸك. ەڭگٸمەلەرٸ, كٷيلەردٸڭ شىعۋ تاريحىن بەرٸن تىڭدادىق. ونىڭ تاعدىرى دا قازاق تاريحىمەن بايلانىستى. قازانعاپ دٷنيەگە كەلگەندە ەسەت كٶتٸبارۇلى باستاعان بٸرٸنشٸ ۇلت-ازاتتىق كٶتەرٸلٸسٸ بولعان, وعان ارناعان قازانعاپتىڭ 3-4 كٷيٸ بار.
ال بٷگٸنگٸ بايقاۋدىڭ باس جٷلدەسٸنە 600 مىڭ تەڭگە جەنە ەربٸر كەزەڭگە قاراي 12 ورىن بەلگٸلەپ وتىرمىز», – دەيدٸ «كٶكٸل» مەكتەبٸنٸڭ ديرەكتورى ابدۋلحاميت رايىمبەرگەنوۆ.
فوتو: كٶكٸل مەكتەبٸنٸڭ باسپاسٶز قىزمەتٸنەن
بايقاۋ 2 كەزەڭنەن ٶتەدٸ. ەر كەزەڭدە قازانعاپتىڭ بۇرىن سوڭدى ورىندالماعان تۋىندىلارى بار. بايكاۋدا الماتى قالاسىنىڭ جوعارى جەنە ورتا مۋزىكالىق وكۋ ورىندارىمەن كوسا ارنايى مامانداندىرىلعان مۋزىكا مەكتەپتەرٸنٸڭ وقۋشىلارى قاتىسىپ جاتىر.
«مەن قازٸر الماتى قالاسىنداعى قۇرمانعازى اتىنداعى ۇلتتىق كونتسەرۆاتوريياسىنىڭ 4 كۋرس ستۋدەنتٸمٸن. بٷگٸنگٸ قازانعاپ كونكۋرسىنا بٸرٸنشٸ تۋرعا قازانعاپتىڭ «قوڭىر اقجەلەڭ», «دٷركٸن-دٷركٸن» جەنە تاڭداۋعا بەرٸلگەن «كٶركەم اقجەلەڭ» دەگەن كٷيدٸ وينايمىن. قازانعاپتىڭ «دٷركٸن-دٷركٸن» دەگەن كٷيٸ شەكٸرتٸ كەدٸر ەرجانوۆ قويعان دەيدٸ. سٶزدٸڭ ٶزٸ ايتىپ تۇرعانداي, قازاق حالقىنىڭ قيىنشىلىق زامانداعى, اۋىر كەزەڭٸن سۋرەتتەيدٸ. بۇل كٷي سٶز بۋىندارىنان قۇرىلعان, دٷركٸن-دٷركٸن, وسى كٷيدٸ تىڭداساڭىزدار, كٷيدٸڭ ٶزٸ سٶيلەپ تۇرادى. شۋماقتارمەن قۇرىلادى. جالپى قازانعاپتىڭ كٷيلەرٸ وسىنداي فيلوسوفييالىق, ەرتٷرلٸ تاريحي جاعدايلارعا ارناپ شىعارىلعان. بٷگٸن بٸرٸنشٸ تۋردا ٷش كٷي تارتامىز, ەرتەڭ ەكٸنشٸ تۋر بولادى. ەكٸنشٸ تۋردا «دومالاتپاي اقجەلەڭ», «بوزتارعاي» كٷيلەرٸ مەن تاڭداۋعا بەرٸلگەن كٷيلەرٸن وينايمىز. مەن قازانعاپتىڭ «كەرٸ اقجەلەڭ» كٷيٸن وينايىن دەپ جاتىرمىن. قازانعاپتا اقجەلەڭ جانرى جاقسى دامىعان. اقجەلەڭ دەگەن كٷي جانر. كٶبٸنەسە, ەسەمدٸك, نازٸكتٸك, ەيەلدٸڭ بەينەسٸن بەرەدٸ», – دەيدٸ جاس دومبىراشى دۋمان حاميتوۆ.
بٸرٸنشٸ تۋرعا العاشقى بولىپ قاتىسىپ ٷلگەرگەن Umit Art Space بالالار شىعارماشىلىعىن دامىتۋ ورتالىعىنىڭ شەكٸرتٸ نۇردەۋلەت ابديكاديروۆ ٶز ەسەرٸمەن قۋانا بٶلٸستٸ.
«تاپسىرمادا بەرٸلگەن ەكٸ كٷيمەن قاتار, تاڭداۋعا بەرٸلگەن «قوس قىرانىم» كٷيٸن ويناپ شىقتىم. ويناعانىم, ەزٸرگە كٶڭٸلٸمنەن شىقتى. بۇيىرسا, ەكٸنشٸ تۋرعا ٶتٸپ جاتساق, جٷلدەلٸ ورىنداردىڭ بٸرٸنەن ٷمٸتكەرمٸن», – دەيدٸ نۇردەۋلەت ابديكاديروۆ.
فوتو: كٶكٸل مەكتەبٸنٸڭ باسپاسٶز قىزمەتٸنەن
ايتا كەتەيٸك, بايقاۋ ەكٸ كٷنگە جالعاساتىن بولادى. ال دومبىراشىلاردىڭ ٶنەرٸنە قر ەڭبەك سٸنٸرگەن ٶنەر قايراتكەرٸ, فولكلورتانۋشى كاريما ساحارباۆا, قر مەدنيەت قايراتكەرٸ ساعاتبەك قاليەۆ, كٷيشٸ, كومپوزيتور تٶلەپبەرگەن توقجانوۆ, قر مەدەنيەت سالاسىنىڭ ٷزدٸگٸ, كٷيتانۋشى بايان يگٸلٸك, قازانعاپتانۋشى اسىلبەك كەنەگەسوۆ, دەستٷرلٸ كٷيشٸ التىنبەك ٷمبەتوۆ, «كٶكٸل» مەكتەپ-كوللەدجٸنٸڭ ديرەكتورى ابدۋلحاميت رايىمبەرگەنوۆ قازىلىق ەتٸپ, باعالايدى.
