الماتى قالاسىندا پوليتسييا قىزمەتكەرلەرٸ كٶپقاباتتى تۇرعىن ٷيلەردٸڭ بٸرٸنٸڭ جەرتٶلەسٸندە زاڭسىز ەسٸرتكٸ ٶسٸمدٸكتەرٸن ٶسٸرۋ دەرەگٸن انىقتاپ, ونىڭ جولىن كەستٸ. وقيعا تۋرالى Polisia.kz حابارلادى, دەپ حابارلايدى ult.kz.
تەرگەۋ تۇرعىنداردان “102” ارناسىنا تٷسكەن حابارلاما نەگٸزٸندە باستالعان. كٶرشٸلەر جەرتٶلە ماڭىندا كٷمەندٸ, ەسٸرتكٸگە تەن يٸستٸڭ تاراعانىن ايتقان.
وقيعا ورنىنا جەتكەن جەدەل-تەرگەۋ توبى جەرتٶلەدە ارنايى جابدىقتار ورناتىلىپ, قاراسوراعا ۇقساس ٶسٸمدٸكتەردٸ ٶسٸرۋگە قولايلى جاساندى جاعداي جاسالعانىن انىقتادى.
جەدەل ٸس-شارالار بارىسىندا بۇل ٸسكە قاتىسى بار ادامدار دا بەلگٸلٸ بولدى. تەكسەرۋ كەزٸندە ونداعان تٷپ قاراسوراعا ۇقساس ٶسٸمدٸك, سونداي-اق كەپتٸرٸلگەن ٶسٸمدٸك تەكتەس زاتتار تەركٸلەنگەن.
سونىمەن قاتار, ەسٸرتكٸ دايىنداۋعا ارنالعان قۇرالدار — جارىقتاندىرۋ جٷيەلەرٸ, ەلەكتروندى تارازىلار, ۆاكۋۋمدى قاپتاۋ قۇرىلعىلارى جەنە تەمپەراتۋرانى باقىلاۋ جابدىقتارى الىنعان.
الماتى قالاسى پوليتسييا دەپارتامەنتٸنٸڭ ٶكٸلٸ باتىرجان ابدۋماساروۆتىڭ ايتۋىنشا, مۇنداي دەرەكتەر ەرەكشە باقىلاۋدا.
“قۇرامىندا ەسٸرتكٸ زاتى بار ٶسٸمدٸكتەردٸ زاڭسىز ٶسٸرۋ – ەسٸرتكٸنٸڭ زاڭسىز اينالىمىنا الىپ كەلەتٸن قىلمىستىق تٸزبەكتٸڭ بٸر بٶلٸگٸ. بۇل باعىتتاعى جۇمىستار جٷيەلٸ تٷردە جالعاسادى”, – دەدٸ ول.
قازٸرگٸ تاڭدا كٷدٸكتٸلەر پوليتسيياعا جەتكٸزٸلٸپ, سوتقا دەيٸنگٸ تەرگەۋ امالدارى جٷرگٸزٸلۋدە.
