فوتو: قىزپۋ
بٷگٸن قازاق ۇلتتىق قىزدار پەداگوگيكالىق ۋنيۆەرسيتەتٸندە قازاقستاننىڭ ەڭبەك سٸڭٸرگەن قايراتكەرٸ, بٸلٸم بەرۋ ٸسٸنٸڭ ٷزدٸگٸ, ەنشٸ, كومپوزيتور, ٶمٸرٸن ٶنەرٸمەن ٶرنەكتەگەن اعايشا شەرمۇحامبەتقىزى يساعۇلوۆانىڭ 80 جىلدىق مەرەيتويى اتالىپ ٶتتٸ, دەپ حابارلايدى Ult.kz.
اعايشا يساعۇلوۆا – QyzPU تٷلەگٸ, ۇلاعاتتى ۇستاز, تالانتتى كومپوزيتور ەرٸ ورىنداۋشى. ونىڭ ورىنداۋىنداعى, شىعارعان جەنە سٷيەمەلدەگەن 300-گە جۋىق مۋزىكالىق جازبا قازاق راديوسى مەن تەلەۆيدەنيەسٸنٸڭ «التىن قورىندا» ساقتالعان. سونىمەن قاتار حالىق اراسىندا كەڭٸنەن تاراعان 80-گە جۋىق ەننٸڭ اۆتورى. ۆەنگرييا, پولشا, چەحييا, بولگارييا, گەرمانييا, ليتۆا, ۋكراينا, بەلورۋس, يۋگوسلاۆييا, تٷركييا, تەجٸكستان, ٶزبەكستان جەنە رەسەي ەلدەرٸندە قازاق ٶنەرٸن ناسيحاتتاپ, جەكە ەن كەشتەرٸن ٶتكٸزگەن. بٷگٸندە پروفەسسوردىڭ عىلىمي-ەدٸستەمەلٸك ەڭبەكتەرٸ, مۋزىكالىق شىعارمالارى جوعارى وقۋ ورىندارىندا, سونداي-اق جالپى بٸلٸم بەرەتٸن مەكتەپتەردە كەڭٸنەن قولدانىلادى.
«مەن بۇل قارا شاڭىراققا 1963 جىلى كەلدٸم. تٶرت جىل بٸلٸم الىپ, كەيٸن ينستيتۋتتا قالدىم. قازاق قىزدارىن ايالاپ, الاقانىمىزعا سالىپ, بٸلٸم بەرٸپ, قولداپ, ٷلكەن جولعا باعىتتاعان ۇستازداردىڭ بٸرٸمٸن. بٷگٸن ۋنيۆەرسيتەتٸم مەنٸ ەسپەتتەپ, قۇرمەت كٶرسەتٸپ, 80 جىلدىق مەرەيتويىممەن قۇتتىقتاپ جاتىر. بارشاڭىزعا شەكسٸز العىسىمدى بٸلدٸرەمٸن! 80 جاس – مەن ٷشٸن قايتالانباس, ەرەكشە بەلەس. شاڭىراعىمىز ەردايىم بيٸكتەي بەرسٸن! وسى قۋانىشتى سەتتٸ ۇيىمداستىرىپ, ەلەپ-ەسكەرگەن ۋنيۆەرسيتەت رەكتورى گٷلميرا ەمٸرحانقىزىنا ايرىقشا العىسىمدى ايتامىن!» - دەدٸ QyzPU تٷلەگٸ, قازاقستاننىڭ ەڭبەك سٸڭٸرگەن قايراتكەرٸ, بٸلٸم بەرۋ ٸسٸنٸڭ ٷزدٸگٸ, ەنشٸ, كومپوزيتور اعايشا يساعۇلوۆا.
فوتو: قىزپۋ
مەرەيتويلىق كەشكە ٶنەر جەنە مەدەنيەت سالاسىنىڭ مايتالماندارى, ۋنيۆەرسيتەت وقىتۋشىلارى مەن ستۋدەنتتەرٸ, پروفەسسوردىڭ شەكٸرتتەرٸ جەنە ەرٸپتەستەرٸ قاتىستى.
ٸس-شارا بارىسىندا اعايشا يساعۇلوۆانىڭ پەداگوگيكالىق جەنە شىعارماشىلىق ەڭبەكتەرٸ تۋرالى بەينەروليك كٶرسەتٸلدٸ. سونىمەن قاتار باسقارما تٶراعاسى-رەكتورى گٷلميرا قاناي اعايشا يساعۇلوۆانى مەرەيتويىمەن قۇتتىقتاپ, قازاق ۇلتتىق قىزدار پەداگوگيكالىق ۋنيۆەرسيتەتٸ اتىنان سىيلىق تابىستادى. تٷلەكتەر ۇستازدارىنا جٷرەكجاردى العىستارىن بٸلدٸرٸپ, جىلى لەبٸزدەرٸن جەتكٸزدٸ.
«بٷگٸن قازاق ۇلتتىق قىزدار پەداگوگيكالىق ۋنيۆەرسيتەتٸندە ٷلكەن دٷبٸرلٸ توي ٶتۋدە. ٶنەردەگٸ ارداقتى ۇستازىمىز اعايشا يساعۇلوۆا 80 جاس مەرەيتويى اتالىپ ٶتۋدە. اعايشا ۇستازدىڭ شەكٸرتتەرٸ ٶتە كٶپ, ولار بٷگٸندە قازاقستاننىڭ تٷكپٸر-تٷكپٸرٸندە تٷرلٸ سالالاردا ابىرويلى قىزمەت اتقارۋدا. بٸز ۇستازىمىزدى شىن جٷرەكتەن وسى مەرەيلٸ جاسىمەن قۇتتىقتايمىز! انامىزداي جاقسى كٶرٸپ, قادٸرلەيمٸز. ۇستازىمىزدىڭ بٸز سيياقتى تەربيەلەپ ٶسٸرگەن شەكٸرتتەرٸ مەن حالىقتىڭ جٷرەگٸنە جول تارتقان ەندەرٸ باردا, اعايشا ۇستازىمىز قازاق حالقىنىڭ جٷرەگٸندە مەڭگٸلٸك ساقتالماق», - دەدٸ قازاقستان رەسپۋبليكاسىنىڭ مەدەنيەت سالاسىنىڭ ٷزدٸگٸ, قاراساي اۋدانى, شامالعان اۋىلىنىڭ مەدەنيەت ٷيٸنٸڭ ديرەكتورى شاربانۋ قاليەۆا.
فوتو: قىزپۋ
اعايشا يساعۇلوۆانىڭ باستاماسىمەن «ايگٷل» ۆوكالدى-اسپاپتار انسامبلٸ, «شاتتىق جىرى» انسامبلٸ, «ٶنەر جاستان» وپەرا تەاترى جەنە باسقا دا ٶنەر ۇجىمدارى قۇرىلدى. ەسٸرەسە, «ايگٷل» ۆوكالدى-اسپاپتار انسامبلٸنٸڭ دٷنيەگە كەلۋٸ – قازاق مۋزىكا ٶنەرٸندەگٸ ايتۋلى وقيعالاردىڭ بٸرٸ.
مەرەيتويلىق ٸس-شاراعا ارنايى كەلگەن «ايگٷل» ۆوكالدى-اسپاپتىق كۆارتەتٸنٸڭ مٷشەسٸ گٷلنار بەگاليەۆا ٶز ەستەلٸكتەرٸمەن بٶلٸستٸ.
«مەن وسى ۋنيۆەرسيتەتتٸڭ ەڭ العاشقى تٷلەكتەرٸنٸڭ بٸرٸمٸن. مۋزىكالىق فاكۋلتەتكە رەكتوردىڭ ٶزٸ جولىمىزدى اشىپ, ەرٸ قاراي وسى جەردە ٶسٸپ-ٶنسٸن دەپ تٶرت قىزدى قالدىردى. ول جىلدارى بٸزگە قازاق مۋزىكاسىنىڭ جارىق جۇلدىزى, كومپوزيتور ەسكەندٸر حاسانعاليەۆ ساباق بەردٸ. بٸر كٷنٸ ەسكەندٸر حاسانعاليەۆ: «تٶرتەۋٸڭ نەگە ۆوكالدىق كۆارتەت قۇرمايسىڭدار?» — دەپ ۇسىنىس ايتتى. وسىلايشا, سول كٸسٸنٸڭ يدەياسىمەن كۆارتەت قۇرىپ, ساپالى رەپەرتۋار دايىنداۋعا كٸرٸستٸك. دەل سول ۋاقىتتا ونىڭ «جاعاداعى ارۋ قىز» ەنٸ جاڭادان شىققان ەدٸ. بۇل ەندٸ سيمفونييالىق وركەستردٸڭ سٷيەمەلدەۋٸمەن ورىنداپ, ٷلكەن ساحناعا الىپ شىقتىق. كٶپ ۇزاماي مەسكەۋدە «اللو, مى يششەم تالانتى» اتتى كونكۋرس جارييالانىپ, بٸز دە باق سىناۋعا اتتاندىق. بايقاۋ قورىتىندىسى بويىنشا لاۋرەات اتانىپ, ٷلكەن جەتٸستٸكپەن ورالدىق. بۇل كونكۋرستا ەرەكشە وقيعا ورىن الدى. جٷرگٸزۋشٸ بٷكٸل راديو مەن تەلەديدار ارقىلى كٶرەرمەندەرگە: «قازٸر بٸر ەن ورىندالادى. ەگەر بۇل ەن سٸزدەرگە ۇناسا, جارىقتارىڭىزدى ٶشٸرٸڭٸزدەر!» — دەپ حابارلادى. بٸز ەنٸمٸزدٸ ورىنداپ بٸتكەنشە, تەك زالداعى كٶرەرمەندەر عانا ەمەس, بٷكٸل مەسكەۋ قالاسى جارىعىن سٶندٸرٸپ تاستادى. مۇنداي ەرەكشە سەتكە بٸرەۋ سەنەر, بٸرەۋ سەنبەس, بٸراق بۇل بٸز ٷشٸن ۇمىتىلماس وقيعا بولدى. اعايشا يساعۇلوۆانىڭ قازاق مۋزىكاسىنا سٸڭٸرگەن ەڭبەگٸ زور. وسى ايتۋلى كٷنٸ مەرەيتويىمەن شىن جٷرەكتەن قۇتتىقتاي وتىرىپ, شىعارماشىلىق جولىنىڭ جارقىن بولۋىن تٸلەيمٸن!» - دەدٸ «ايگٷل» ۆوكالدى-اسپاپتىق كۆارتەتٸنٸڭ مٷشەسٸ گٷلنار بەگاليەۆا.
شارا سوڭىندا اعايشا يساعۇلوۆا ۋنيۆەرسيتەت باسشىلىعىنا, سونداي-اق كەشتٸڭ قۇرمەتتٸ قوناقتارىنا جٷرەكجاردى العىسىن بٸلدٸرٸپ, يگٸ تٸلەكتەرٸن ارنادى. ٶزٸنٸڭ ۇستازدىق جولىنداعى قولداۋى مەن قۇرمەتٸنە بٶلەنگەن سەتتەرٸن تەبٸرەنٸسپەن ەسكە الىپ, ۋنيۆەرسيتەت ۇجىمىنا شىعارماشىلىق تابىس پەن ٶركەندەۋ تٸلەدٸ.
