فوتو: اشىق دەرەككٶز
24-30 قاراشا ارالىعىندا الماتىدا «ەۋرازييا» حالىقارالىق كينوفەستيۆالٸ ٶتەدٸ. بۇل فەستيۆال ورتالىق ازيياداعى ەڭ بەدەلدٸ مەدەني شارالاردىڭ بٸرٸ سانالادى. بيىل قازىلار القاسىنىڭ 70%-ىن تٷركييا, قىتاي, فرانتسييا, ٶزبەكستان, قىرعىزستان, رەسەي, شۆەتسييا جەنە ماروككو ەلدەرٸنەن كەلگەن شەتەلدٸك ماماندار قۇرايدى, دەپ حابارلايدى Ult.kz.
كينوفەستيۆالدە ەلەمدٸك كينەماتوگرافييانىڭ ٷزدٸك ٶكٸلدەرٸ, رەجيسسەرلەر, اكتەرلەر مەن ستسەناريستەر بٸر الاڭدا باس قوسىپ, كينويندۋسترييانىڭ جاڭا ٷردٸستەرٸن تالقىلاپ, تەجٸريبە الماسادى.
فەستيۆالدٸڭ باستى بايقاۋىنا تٷرٸك رەجيسسەرٸ, كانن كينوفەستيۆالٸنٸڭ «التىن پالما بۇتاعى» يەگەرٸ نۋري بيلگە دجەيلان تٶراعالىق ەتەدٸ. قازىلار قۇرامىندا رانو شوديەۆا (ٶزبەكستان), نادا اجاري گيللون (فرانتسييا), ەرلان نۇرمۇحامبەتوۆ (قازاقستان) جەنە ارتىقپاي سٷيٸندٸكوۆ (قىرعىزستان) بار.
ورتالىق ازييا جەنە تٷركٸ ەلەمٸ ەلدەرٸ بايقاۋىن قىتايلىق رەجيسسەر لي باوحۋا باسقارادى. قازىلار القاسىندا ماروككولىق ابدەليلا ەل دجاۋحاري, رەسەيلٸك الەكسەي تەلنوۆ جەنە قازاقستاندىق پروديۋسەر جاننا قۋانىشەۆا بار. سونداي-اق, ازييا كينوسىنا ەرەكشە كٶزقاراسپەن قارايتىن NETPAC قازىلار توبى فەستيۆالگە قاتىسىپ, ارنايى ماراپاتتار ۇسىنادى.
فەستيۆالدٸڭ جالپى جٷلدە قورى 20 ميلليون تەڭگەدەن اسادى. باس جٷلدە يەسٸ 4 ميلليون تەڭگە الادى. بۇل كينو سالاسىنىڭ وتاندىق جەنە شەتەلدٸك ٶكٸلدەرٸن جاڭا جوبالارعا شابىتتاندىراتىنى سٶزسٸز.
كٶرسەتٸلٸمدەر Kinopark 11 IMAX Esentai كينوتەاترىندا 25-30 قاراشا ارالىعىندا ٶتەدٸ. ەڭ باستىسى – فەستيۆالدٸڭ بارلىق شارالارى مەن فيلم كٶرسەتٸلٸمدەرٸ كٶرەرمەندەرگە تەگٸن ۇسىنىلادى.
فەستيۆالدٸ ۇيىمداستىرۋشى – قر مەدەنيەت جەنە اقپارات مينيسترلٸگٸ, ال شارانىڭ نەگٸزگٸ ٷيلەستٸرۋشٸسٸ شەكەن ايمانوۆ اتىنداعى «قازاقفيلم» ۇلتتىق كينوستۋديياسى. مەدەني شاراعا KAZ Minerals, Sarens Kazakhstan, Salem Entertainment, Kinopark Theatres, Eurasian Resources Group (ERG) جەنە Astana Motors كومپانييالارى دەمەۋشٸلٸك ەتەدٸ.
«ەۋرازييا» كينوفەستيۆالٸ – كينو ەلەمٸن بٸرٸكتٸرٸپ, زاماناۋي كينەماتوگرافييانىڭ دامۋ باعىتىن انىقتايتىن ەرەكشە الاڭ. الماتى تۇرعىندارى مەن قوناقتارى فەستيۆال ارقىلى ەلەمدٸك دەڭگەيدەگٸ كينو تۋىندىلارمەن تانىسۋعا مٷمكٸندٸك الادى.
وقي وتىرىڭىز: 60 فيلم, 3 تالاپ: ايبارشا بٶجەەۆا فەستيۆالدٸك كينو قالاي ٸرٸكتەلەتٸنٸن ايتتى
