فوتو: الما مۇقانوۆا, kazinform.kz
بيىل قازاقستاننىڭ حالىق ەرتٸسٸ, ەيگٸلٸ كومپوزيتور, تالانتتى ەنشٸ ەسكەندٸر حاسانعاليەۆتٸڭ تۋعانىنا 85 جىل تولدى. وسىعان وراي الماتى مۋزەيٸندە «اتامەكەن – ەل رۋحى» اتتى كٶرمە اشىلدى, دەپ حابارلايدى Ult.kz 24kz-كە سٸلتەمە جاساپ.
وعان قازاق ەنٸنٸڭ التىن قورىنا مول مۇرا قالدىرىپ كەتكەن كومپوزيتوردىڭ ٶمٸرٸ مەن شىعارماشىلىعى-نان سىر شەرتەتٸن زاتتار قويىلعان. اتاپ ايتقاندا, كٶرمەدەن فوتوسۋرەتتەرٸنەن باستاپ ساحنالىق كوستيۋمدەرٸ, مۋزىكالىق اسپاپتارى مەن بۇرىنعى افيشاسىن كٶرۋگە بولادى.
ەسكەندٸر حاسانعاليەۆتٸڭ تىڭدارمەن جٷرەگٸنەن ورىن العان «اتامەكەن» ەنٸنە بيىل 55 جىل. سونداي-اق «بوزتورعاي», «ستۋدەنتتەردٸڭ قوشتاسۋ ەنٸ», «ەدەمٸ-اۋ» سىندى تۋىندىلارى دا حالىق جادىندا. تالانتتى تۇلعا 200-گە جۋىق ەن, رومانس جەنە حورعا ارنالعان شىعارمالاردىڭ اۆتورى. ودان بٶلەك ورىس, تاتار, نەمٸس اقىندارىنىڭ ٶلەڭدەرٸنە دە ەن جازعان.
كەمشات جيەنەليەۆا, الماتى مۋزەيٸنٸڭ جەتەكشٸسٸ:
- بۇل كٶرمەدە 80-گە جۋىق ەسكەندٸر ٶتەگەنۇلى حاسانعاليەۆتٸڭ جەكە مۇراعاتىنان الىنعان قۇندى جەدٸگەرلەر كٶرسەتٸلگەن. بۇل جەردە سونىمەن قاتار ديماش احمەتۇلى قوناەۆ ٶزٸ سىيلاعان ۆازاسى, سونىمەن قاتار ەسكەندٸر ٶتەگەنۇلىنىڭ العاشقى ينسترۋمەنتٸ بايانى كٶرسەتٸلگەن كٶرمەدە. بۇل كٶرمە بٸر اي كٶلەمٸندە ٶتەدٸ.
