Foto: Alma Muqanova, kazinform.kz
Biyl Qazaqstannyń Halyq ártisi, áigili kompozitor, talantty ánshi Eskendir Hasanǵalievtiń týǵanyna 85 jyl toldy. Osyǵan orai Almaty mýzeiinde «Atameken – el rýhy» atty kórme ashyldy, dep habarlaidy Ult.kz 24kz-ke silteme jasap.
Oǵan qazaq ániniń altyn qoryna mol mura qaldyryp ketken kompozitordyń ómiri men shyǵarmashylyǵy-nan syr shertetin zattar qoiylǵan. Atap aitqanda, kórmeden fotosýretterinen bastap sahnalyq kostiýmderi, mýzykalyq aspaptary men burynǵy afishasyn kórýge bolady.
Eskendir Hasanǵalievtiń tyńdarmen júreginen oryn alǵan «Atameken» ánine biyl 55 jyl. Sondai-aq «Boztorǵai», «Stýdentterdiń qoshtasý áni», «Ádemi-aý» syndy týyndylary da halyq jadynda. Talantty tulǵa 200-ge jýyq án, romans jáne horǵa arnalǵan shyǵarmalardyń avtory. Odan bólek orys, tatar, nemis aqyndarynyń óleńderine de án jazǵan.
Kámshat Jienálieva, Almaty mýzeiiniń jetekshisi:
- Bul kórmede 80-ge jýyq Eskendir Ótegenuly Hasanǵalievtiń jeke muraǵatynan alynǵan qundy jádigerler kórsetilgen. Bul jerde sonymen qatar Dimash Ahmetuly Qonaev ózi syilaǵan vazasy, sonymen qatar Eskendir Ótegenulynyń alǵashqy instrýmenti baiany kórsetilgen kórmede. Bul kórme bir ai kóleminde ótedi.
