الماتىدا بٸرٸككەن ۇلتتار ۇيىمى كٷنٸن مەرەكەلەۋ قارساڭىندا اتالمىش ۇيىمنىڭ جاڭا عيماراتىنىڭ رەسمي تۇساۋكەسەرٸ ٶتەدٸ, دەپ حابارلايدى قازاقپارات تٸلشٸسٸ.
«23 قازاندا الماتىدا بٸرٸككەن ۇلتتار ۇيىمى كٷنٸن مەرەكەلەۋ قارساڭىندا (24 قازانداعى) اتالمىش ۇيىمنىڭ جاڭا عيماراتىنىڭ رەسمي تۇساۋكەسەرٸن جوسپارلانعان. ٸس-شاراعا الماتى قالاسىنىڭ ەكٸمٸ باۋىرجان بايبەك, سىرتقى ٸستەر مينيسترٸنٸڭ ورىنباسارى ەرجان اشىقباەۆ, سونداي-اق بٸرٸككەن ۇلتتار ۇيىمى ايماقتىق وفيستەرٸنٸڭ جوعارى ٶكٸلدەرٸ قاتىسادى. يۋنيسەف-تٸڭ ەۋروپا مەن ورتالىق ازييا ەلدەرٸ جٶنٸندەگٸ ايماقتىق ديرەكتورى افشان حان, دٷنيەجٷزٸلٸك دەنساۋلىق ساقتاۋ ۇيىمىنىڭ ەۋروپالىق بيۋروسىنىڭ ايماقتىق ديرەكتورى جۋجاننا ياكاب جەنە دٷنيەجٷزٸلٸك دەنساۋلىق ساقتاۋ ۇيىمىنىڭ ەۋروپالىق جەلٸسٸنٸڭ «ساۋ قالالارى» مەرلەرٸنٸڭ قاتىسۋى كٷتٸلۋدە», - دەدٸ ايبەك سماديياروۆ.
ونىڭ ايتۋىنشا, بٸرٸككەن ۇلتتار ۇيىمىنىڭ جاڭا عيماراتى بۇۇ اگەنتتٸكتەرٸنٸڭ ەڭ جوعارى قاۋٸپسٸزدٸك تالاپتارىن قاناعاتتاندىرۋ ٷشٸن سالىنعان الماتى قالاسىنىڭ ەڭ زاماناۋي ارحيتەكتۋرالىق نىساندارىنىڭ بٸرٸ بولىپ تابىلادى.
«ول قازاقستانداعى بۇۇ اگەنتتٸكتەرٸنٸڭ ٷزدٸكسٸز جۇمىس ٸستەۋٸ ٷشٸن قاجەتتٸ ەڭ وزىق جابدىقتارمەن جەنە جيھازدارمەن جابدىقتالادى. 2018 جىلدىڭ سوڭىندا - 2019 جىلدىڭ باسىندا بۇۇ اگەنتتٸكتەرٸ جاڭا عيماراتقا كٶشۋٸ مٷمكٸن», - دەدٸ قر سٸم رەسمي ٶكٸلٸ.
