فوتو: Ult.kz
الماتىداعى «ÓzgeEpic» كرەاتيۆ حابىندا «اۋىل مەكتەبٸ» فوتوكٶرمەسٸ اشىلدى. بۇل – ەلٸمٸزدەگٸ اۋىل مەكتەپتەرٸنە ارنالعان العاشقى كٶرمە, – دەپ حابارلايدى Ult.kz.
فوتوكٶرمە ٶڭٸرلەردەگٸ بٸلٸم وشاقتارىنىڭ جاڭا تەحنولوگييالاردى يگەرۋٸن, بەسەكەگە ۇمتىلىسىن, ەلدٸمەكەننٸڭ دامۋىنا تيگٸزگەن ەسەرٸ مەن جەرگٸلٸكتٸ تۇرعىنداردىڭ بولمىسى مەن كٷندەلٸكتٸ تٸرشٸلٸگٸن ايشىقتايدى.
شالعايداعى ٶركەنيەت
فوتوكٶرمە «ÓzgeEpic» كرەاتيۆ حابىنىڭ باستاماسىمەن جەنە ۇيىمداستىرۋىمەن جەنە بٸلٸم بەرۋ سالاسىن تۇراقتى دامىتۋ قورى قولداۋىمەن جٷزەگە اسقان. جوبا كۋراتورى توعجان قۇرمانجانقىزىنىڭ ايتۋىنشا, بٸر قاراعاندا فوتوسۋرەتتە ەشقانداي ايىرماشىلىعى جوق بولۋى مٷمكٸن. بٸراق بۇل بٸلٸم وشاقتارىنىڭ جاڭا تەحنولوگيياردى يگەرۋٸن, بەسەكەگە ۇمتىلىسىن, ەلدٸمەكەننٸڭ دامۋىنا تيگٸزگەن ەسەرٸ مەن جەرگٸلٸكتٸ تۇرعىنداردىڭ بولمىسى مەن كٷندەلٸكتٸ تٸرشٸلٸگٸن ايقىندايتىن كٶرمە.
فوتو: Ult.kz
«ÓzgeEpic» كرەاتيۆ حابى 2019 جىلدان بەرٸ جۇمىس ٸستەيدٸ. وسى جىلدان باستاپ مەدەنيەتتٸڭ بارلىق سالاسى بويىنشا, تەاتر, ەدەبيەت, مۋزىكا, كٶركەمٶنەر, كٶركەمسۋرەت, بارلىق سالا بويىنشا جۇمىس ٸستەيمٸز. مۋزىكاداعى جاڭا باعىتتار بويىنشا وسىندا كونتسەرتتەر ٶتكٸزەمٸز. كٶرمەدەن ٶزدەرٸڭٸز كٶرٸپ تۇرعان مەكتەپ جامبىل وبلىسىنداعى جۋالى اۋدانىنداعى ەليحان بٶكەيحانوۆ اتىنداعى مەكتەبٸ. بٸر قاراعاندا قالانىڭ مەكتەپتەرٸنەن ەشقانداي ايىرماشىلىعى جوق. بٸراق بۇل شالعاي اۋىلداعى, ٶركەنيەتتەن كٸشكەنە الىس جاتىر. بٸراق بارلىق ادام سول مەكتەپكە بارا بەرگٸسٸ كەلەدٸ. ٶيتكەنٸ ول جەردە جاڭا تەحنولوگييا بار. ول جەردە ينتەرنەت بار, ول جەردە ەلەممەن بايلانىس بار. وسىنداي مەكتەپتەردٸ ەلگە تانىستىرۋ ٷشٸن شىعارماشىلىق توپ قۇردىق, ول توپقا بەلگٸلٸ فوتوگرافتار ايگەرٸم بەگٸمبەت مەن سەبينا ەبدٸحالىقتى الدىق. بٸز بٸر اي شاماسىندا وسى ە.بٶكەيحانوۆ اتىنداعى مەكتەپكە بارىپ, مەكتەپتٸ ەبدەن زەرتتەدٸك. تاڭەرتەڭ بالالارمەن بٸرگە كٸرەمٸز, كەشكە بالالارمەن بٸرگە شىعامىز. مۇعالٸمدەرمەن, وقۋشىلارمەن ەڭگٸمەلەسەمٸز. ٶتە قىزىق وقيعالار بار. مىنا مەكتەپتە وقىپ جاتقان بالالار قالانىڭ مەكتەپتەرٸنەن ايىرماشىلىعى جوق. ولار تەڭ دەرەجەدە اعىلشىن تٸلٸندە سٶيلەيدٸ, تەحنولوگييالىق مٷمكٸندٸكتەردٸڭ بەرٸ جاساقتالعان. بارلىق بالا عالىم بولعىسى كەلەدٸ. ارماندارى اۋىلمەن بايلانىستى. بٸزدٸڭ كٶرمەدەن ۇققانىمىز, بٸزدٸڭ ەڭ ٷلكەن قۇندىلىعىمىز سول دەپ ويلايمىن. بالالاردىڭ بەرٸ ەلگە قىزمەت ەتكٸسٸ كەلەدٸ, اۋىلدى كٶركەيتكٸسٸ كەلەدٸ. كٶرمەدەگٸ ەربٸر كەيٸپكەردٸڭ ارتىندا ٷلكەن وقيعالار بار», – دەدٸ توعجان قۇرمانجانقىزى.
مەديتسينادان سپورتقا اۋىسقان جان
وسىلايشا, كٶرمەدە ەر كەيٸپكەردٸڭ ارتىندا ٷلكەن وقيعا بارىن فوتوگراف ايگەرٸم بەگٸمبەت ەڭگٸمەلەپ بەردٸ. ول ٶز سٶزٸندە وسى مەكتەپتەردە ٶزٸنە ۇناعان ەكٸ كەيٸپكەردٸ ەرەكشە تانىستىرۋدى جٶن كٶردٸ.
فوتو: Ult.kz
«بٸرٸنشٸ كەيٸپكەرٸم ورازىمبەتوۆا شىنار اپاي, بۇل كٸسٸ باستاۋىش سىنىپ بالالارىنا دەنە شىنىقتىرۋدان ساباق بەرەدٸ. شىنار اپاي بالا كەزٸنەن سپورتقا جاقىن بولىپ ٶسكەن, ەرتٷرلٸ سپورتپەن اينالىسقان. مەكتەپ بٸتٸرگەننەن كەيٸن دە سول سپورت سالاسىنا بارعىسى كەلگەن. بٸراق اۋىلداعى اتا-اناسى ەرتەڭ سەن تۇرمىسقا شىعاسىڭ, سەن بارعان جەرٸڭە جۇمىس تابىلمايدى, قىز بالاسىنا لايىق جۇمىس تاڭدا دەپ, بۇل كٸسٸنٸ دەرٸگەرلٸك وقۋعا تٷسٸرەدٸ. سودان كەيٸن بۇل كٸسٸ ۇزاق جىلدار بويى مەدبيكە, فارماتسەۆت, لابوراتورييالىق جۇمىستار اتقارادى دا, جاسى 40-تان اسقاننان كەيٸن ويلانا باستايدى. مەنٸڭ بٷكٸل ٶمٸرٸم ٶز ارماندارىمنان الىس ٶتتٸ مە, مەنٸڭ بالا كەزدەگٸ ارماندارىم مەن ماقساتتارىم قايدا, مەن ٶز قالاۋىمدى جاساپ جٷرمٸن بە دەپ ويلانادى. سودان كەيٸن بەرٸن تاستاپ, 42 جاسىندا تارازداعى ۋنيۆەرسيتەتكە دەنە شىنىقتىرۋ فاكۋلتەتٸنە وقۋعا تٷسەدٸ. 46 قولىنا ديپلوم الىپ, وسى مەكتەپكە جۇمىسقا بارعان. بٷگٸندە 10 جىلدان بەرٸ بالالارعا دەنە شىنىقتىرۋدان ساباق بەرەدٸ. بٸر قىزىعى, تٷركٸستانداعى وسى «اۋىل مەكتەبٸ» كٶرمەسٸنٸڭ اشىلۋىنا وسى مەكتەپتەن بٸر توپ مۇعالٸم كەلدٸ. ٸشٸندە شىنار اپاي دا بار. مەن وسىلاي اپايدىڭ ٶمٸربايانىن ايتىپ جاتسام, قاسىندا بٸردە-بٸر ەرٸپتەسٸ ول كٸسٸنٸڭ ارمانىنا سونداي جولمەن كەلگەنٸن بٸلمەيدٸ ەكەن. «شىنار اپاي بٸزگە وسىنشا ۋاقىت بويى بۇل وقيعاڭىزدى ايتپاعانسىز, بٸز نەگە بٸلمەگەنبٸز» دەگەندە, اپاي كٷلٸپ ەرٸپتەستەرٸ دە وسىنداي كٶپشٸلٸكتٸڭ الدىندا وسىنداي ٷلكەن دەڭگەيدە بٸلگەنٸن قالاعانىن ايتتى», – دەدٸ ايگەرٸم بەگٸمبەت.
اۋىل بالالارىنا كٸتاپ تاسىعان كٸتاپحاناشى
فوتوگرافتىڭ ەكٸنشٸ كەيٸپكەرٸ ەركەگٷل دەگەن كاپاي, جالپى ەڭبەك ٶتٸلٸ 30 جىلعا جۋىق كٸتاپحاناشى بولىپ ٸستەگەن. جامبىل وبلىسى, جۋالى اۋدانى, ب.مومىشۇلى اۋىلى ەليحان بٶكەيحان اتىنداعى №15 تٸرەك مەكتەپ-ليتسەيٸ اشىلعانىنا 10 جىل, بۇل اپاي ون جىلدان بەرٸ كٸتاپحاناشى.
فوتو: Ult.kz
«ەركەگٷل اپاي ون جىل بۇرىن مەكتەپكە كٸتاپحاناشى بولىپ كەلگەندە كٸتاپ قورى ٶتە از بولعان. سوسىن ەركەگٷل اپاي مەكتەپتەگٸ بالالار وقىسىن دەپ, اۋداندىق كٸتاپحانادان جەنە جانىنداعى قايرات دەگەن اۋىلدىڭ كٸتاپحاناسىنان ٶز اتىنا كٸتاپتار جازدىرىپ الىپ, اۋىلدىڭ بالالارىنا كٸتاپ تاسىعان. سٶيتٸپ بالالاردى وقىتقان. ەرينە, بٷگٸندە مەكتەپتٸڭ كٸتاپ قورى ٷلكەيدٸ. قازٸر مەكتەپتە 41 مىڭنان استام كٸتاپ قورى بار. ونىڭ ٷش مىڭى ەدەبي وقۋلىقتار. بٸز بارعان كەزدە وتاندىق باسپالاردىڭ سوڭعى شىققان كٸتاپتارى تۇردى, مەن كٶرٸپ قۋاندىم. اپايدىڭ ماعان قۋانا بٶلٸسكەن جاڭالىعى, سول كەزٸندەگٸ كٸتاپ تاسىپ بەرٸپ وقىتقان بالالارى قازٸر مەكتەپكە امانداسۋعا, سەلەم بەرۋگە بارعاندا سىيلىققا مٸندەتتٸ تٷردە ەدەبي كٸتاپتار الىپ بارادى ەكەن», – دەدٸ ايگەرٸم بەگٸمبەت.
فوتو: Ult.kz
شىعارماشىلىق توپتىڭ تاعى بٸر مٷشەسٸ, فوتوگراف سەبينا ەبدٸحالىق قازٸرگٸ بالالارعا بارلىق جاعداي جاسالعانىن قۋانا ايتا كەلە, جوبا ۇيىمداستىرۋشىلارعا دا العىسىن بٸلدٸردٸ.
«مەن فوتو سالاسىنا حوببي رەتٸندە كەلگەنمٸن. قازٸر دەرەكتٸ فورماتقا كٶشٸپ جاتىرمىن. وسى جوبادا, اۋىلداردا پروتسەسستٸڭ ٶزٸ قىزىق بولدى. ەر اۋىلدىڭ ادامدارىمەن ارالاسىپ, سۋرەتكە تٷسٸرٸپ, ەتەنە جاقىن بولىپ كەتتٸك. ٶزٸم دە شاعىن اۋىلدا ٶستٸم, شاعىن 9 جىلدىق مەكتەپتە وقىدىم. بٸراق مەكتەپ بٸتٸرەتٸن كەزدە بٸزگە جاڭا مەكتەپ سالىپ بەردٸ. وسىنداي جاڭا تەحنيكا بار, بٸراق بٸزگە ەشقايسىسىن قولداندىرمايتىن. «باس, قوس, ٶشٸر» دەپ, باسقا ەشتەڭەسٸن پايدالاندىرمايتىن. قازٸر مەن قۋانىپ تۇرمىن, بارلىق بالالار جاڭا, زاماناۋي تەحنولوگييالاردى ەمٸن-ەركٸن قولدانىپ جٷر. عىلىمعا ەرتە باستان بەت بۇرادى. مٷمكٸندٸگٸ زور. وسىنداي جاعدايدى جاساپ بەرٸپ, وسىنداي جوبالاردى اتقارىپ جٷرگەن, بٸزگە دە سونىڭ بٸر مٷشەسٸ بولىپ اتسالىسۋىمىزعا مٷمكٸندٸك بەرگەن ەل اعالارىنا, جوبا جەتەشكٸلەرٸنە العىسىم شەكسٸز», – دەدٸ سەبينا ەبدٸحالىق.
فوتو: Ult.kz
بٸلٸم بەرۋ سالاسىن تۇراقتى دامىتۋ قورى تۋرالى
ايتا كەتەيٸك, اتالمىش جوبانى قولداۋشى – بٸلٸم بەرۋ سالاسىن تۇراقتى دامىتۋ قورى. قوردىڭ تاريحى 2019 جىلى كەسٸپكەر سەرٸك تولىقپاەۆتىڭ باستاماسىمەن اۋىلدىق اۋماقتاردى تۇراقتى دامىتۋ قورى قۇرىلعان كەزدە باستالادى. ول اۋىلداعى ٶمٸردٸ جاقسارتۋ ماقساتىندا ەلدٸڭ بەي-جاي قارامايتىن ازاماتتارىن جيناعان. ال بٸرٸنشٸ ٶڭٸر كەسٸپكەردٸڭ تۋعان جەرٸ كاتونقاراعاي اۋدانى بولدى. قوردىڭ تاريحى 2019 جىلى كەسٸپكەر سەرٸك تولىقپاەۆتىڭ باستاماسىمەن اۋىلدىق ايماقتاردى تۇراقتى دامىتۋ قورى قۇرىلعان كەزدە باستالادى. اۋىل ٶمٸرٸن جاقسارتۋدى ماقسات تۇتقان, ەل قامىن ويلاعان ازاماتتاردى جينادى. ال بٸرٸنشٸ ايماق كەسٸپكەردٸڭ تۋعان جەرٸ كاتونقاراعاي اۋدانى بولدى.
2019 جىلى اۋىلدىق ايماقتاردى تۇراقتى دامىتۋ قورى مەن نازارباەۆ زيياتكەرلٸك مەكتەپتەرٸ «Powered by NIS اۋىلدىق مەكتەپتەرٸ» جوباسىن ٸسكە قوستى. جوبا اۋىلدىق جەنە قالالىق مەكتەپتەر اراسىنداعى بٸلٸم بەرۋ ساپاسىنداعى الشاقتىقتى ازايتۋعا باعىتتالعان. قوردىڭ تاريحى 2019 جىلى كەسٸپكەر سەرٸك تولىقپاەۆتىڭ باستاماسىمەن اۋىلدىق ايماقتاردى تۇراقتى دامىتۋ قورى قۇرىلعان كەزدە باستالادى. اۋىل ٶمٸرٸن جاقسارتۋدى ماقسات تۇتقان, ەل قامىن ويلاعان ازاماتتاردى جينادى. ال بٸرٸنشٸ ايماق كەسٸپكەردٸڭ تۋعان جەرٸ كاتونقاراعاي اۋدانى بولدى. 2019 جىلى اۋىلدىق ايماقتاردى تۇراقتى دامىتۋ قورى مەن نازارباەۆ زيياتكەرلٸك مەكتەپتەرٸ «Powered by NIS اۋىلدىق مەكتەپتەرٸ» جوباسىن ٸسكە قوسقان. جوبا اۋىلدىق جەنە قالالىق مەكتەپتەر اراسىنداعى بٸلٸم بەرۋ ساپاسىنداعى الشاقتىقتى ازايتۋعا باعىتتالعان.
ال 2022 جىلعى 14 شٸلدەدە «قازاقستان حالقىنا» قورى, بٸلٸم بەرۋ سالاسىن تۇراقتى دامىتۋ قورى جەنە «نازارباەۆ زيياتكەرلٸك مەكتەپتەرٸ» اق اراسىندا ىنتىماقتاستىق تۋرالى مەموراندۋمعا قول قويىلدى, ونىڭ شەڭبەرٸندە «اۋىلدىق جەرلەردە تٸرەك مەكتەپتەردٸڭ ەلەۋەتٸن دامىتۋ» قايىرىمدىلىق جوباسىنا 4.25 ملرد تەڭگە كٶلەمٸندە گرانت بٶلٸنگەن.
اقبوتا مۇسابەكقىزى
