Foto: Ult.kz
Almatydaǵy «ÓzgeEpic» kreativ habynda «Aýyl mektebi» fotokórmesi ashyldy. Bul – elimizdegi aýyl mektepterine arnalǵan alǵashqy kórme, – dep habarlaidy Ult.kz.
Fotokórme óńirlerdegi bilim oshaqtarynyń jańa tehnologiialardy igerýin, básekege umtylysyn, eldimekenniń damýyna tigizgen áseri men jergilikti turǵyndardyń bolmysy men kúndelikti tirshiligin aishyqtaidy.
Shalǵaidaǵy órkeniet
Fotokórme «ÓzgeEpic» kreativ habynyń bastamasymen jáne uiymdastyrýymen jáne Bilim berý salasyn turaqty damytý qory qoldaýymen júzege asqan. Joba kýratory Toǵjan Qurmanjanqyzynyń aitýynsha, bir qaraǵanda fotosýrette eshqandai aiyrmashylyǵy joq bolýy múmkin. Biraq bul bilim oshaqtarynyń jańa tehnologiiardy igerýin, básekege umtylysyn, eldimekenniń damýyna tigizgen áseri men jergilikti turǵyndardyń bolmysy men kúndelikti tirshiligin aiqyndaityn kórme.
Foto: Ult.kz
«ÓzgeEpic» kreativ haby 2019 jyldan beri jumys isteidi. Osy jyldan bastap mádeniettiń barlyq salasy boiynsha, teatr, ádebiet, mýzyka, kórkemóner, kórkemsýret, barlyq sala boiynsha jumys isteimiz. Mýzykadaǵy jańa baǵyttar boiynsha osynda kontsertter ótkizemiz. Kórmeden ózderińiz kórip turǵan mektep Jambyl oblysyndaǵy Jýaly aýdanyndaǵy Álihan Bókeihanov atyndaǵy mektebi. Bir qaraǵanda qalanyń mektepterinen eshqandai aiyrmashylyǵy joq. Biraq bul shalǵai aýyldaǵy, órkenietten kishkene alys jatyr. Biraq barlyq adam sol mektepke bara bergisi keledi. Óitkeni ol jerde jańa tehnologiia bar. Ol jerde internet bar, ol jerde álemmen bailanys bar. Osyndai mektepterdi elge tanystyrý úshin shyǵarmashylyq top qurdyq, ol topqa belgili fotograftar Aigerim Begimbet men Sábina Ábdihalyqty aldyq. Biz bir ai shamasynda osy Á.Bókeihanov atyndaǵy mektepke baryp, mektepti ábden zerttedik. Tańerteń balalarmen birge kiremiz, keshke balalarmen birge shyǵamyz. Muǵalimdermen, oqýshylarmen áńgimelesemiz. Óte qyzyq oqiǵalar bar. Myna mektepte oqyp jatqan balalar qalanyń mektepterinen aiyrmashylyǵy joq. Olar teń dárejede aǵylshyn tilinde sóileidi, tehnologiialyq múmkindikterdiń bári jasaqtalǵan. Barlyq bala ǵalym bolǵysy keledi. Armandary aýylmen bailanysty. Bizdiń kórmeden uqqanymyz, bizdiń eń úlken qundylyǵymyz sol dep oilaimyn. Balalardyń bári elge qyzmet etkisi keledi, aýyldy kórkeitkisi keledi. Kórmedegi árbir keiipkerdiń artynda úlken oqiǵalar bar», – dedi Toǵjan Qurmanjanqyzy.
Meditsinadan sportqa aýysqan jan
Osylaisha, kórmede ár keiipkerdiń artynda úlken oqiǵa baryn fotograf Aigerim Begimbet áńgimelep berdi. Ol óz sózinde osy mektepterde ózine unaǵan eki keiipkerdi erekshe tanystyrýdy jón kórdi.
Foto: Ult.kz
«Birinshi keiipkerim Orazymbetova Shynar apai, bul kisi bastaýysh synyp balalaryna dene shynyqtyrýdan sabaq beredi. Shynar apai bala kezinen sportqa jaqyn bolyp ósken, ártúrli sportpen ainalysqan. Mektep bitirgennen keiin de sol sport salasyna barǵysy kelgen. Biraq aýyldaǵy ata-anasy erteń sen turmysqa shyǵasyń, sen barǵan jerińe jumys tabylmaidy, qyz balasyna laiyq jumys tańda dep, bul kisini dárigerlik oqýǵa túsiredi. Sodan keiin bul kisi uzaq jyldar boiy medbike, farmatsevt, laboratoriialyq jumystar atqarady da, jasy 40-tan asqannan keiin oilana bastaidy. Meniń búkil ómirim óz armandarymnan alys ótti me, meniń bala kezdegi armandarym men maqsattarym qaida, men óz qalaýymdy jasap júrmin be dep oilanady. Sodan keiin bárin tastap, 42 jasynda Tarazdaǵy ýniversitetke dene shynyqtyrý fakýltetine oqýǵa túsedi. 46 qolyna diplom alyp, osy mektepke jumysqa barǵan. Búginde 10 jyldan beri balalarǵa dene shynyqtyrýdan sabaq beredi. Bir qyzyǵy, Túrkistandaǵy osy «Aýyl mektebi» kórmesiniń ashylýyna osy mektepten bir top muǵalim keldi. Ishinde Shynar apai da bar. Men osylai apaidyń ómirbaianyn aityp jatsam, qasynda birde-bir áriptesi ol kisiniń armanyna sondai jolmen kelgenin bilmeidi eken. «Shynar apai bizge osynsha ýaqyt boiy bul oqiǵańyzdy aitpaǵansyz, biz nege bilmegenbiz» degende, apai kúlip áriptesteri de osyndai kópshiliktiń aldynda osyndai úlken deńgeide bilgenin qalaǵanyn aitty», – dedi Aigerim Begimbet.
Aýyl balalaryna kitap tasyǵan kitaphanashy
Fotograftyń ekinshi keiipkeri Erkegúl degen kapai, jalpy eńbek ótili 30 jylǵa jýyq kitaphanashy bolyp istegen. Jambyl oblysy, Jýaly aýdany, B.Momyshuly aýyly Álihan Bókeihan atyndaǵy №15 tirek mektep-litseii ashylǵanyna 10 jyl, bul apai on jyldan beri kitaphanashy.
Foto: Ult.kz
«Erkegúl apai on jyl buryn mektepke kitaphanashy bolyp kelgende kitap qory óte az bolǵan. Sosyn Erkegúl apai mekteptegi balalar oqysyn dep, aýdandyq kitaphanadan jáne janyndaǵy Qairat degen aýyldyń kitaphanasynan óz atyna kitaptar jazdyryp alyp, aýyldyń balalaryna kitap tasyǵan. Sóitip balalardy oqytqan. Árine, búginde mekteptiń kitap qory úlkeidi. Qazir mektepte 41 myńnan astam kitap qory bar. Onyń úsh myńy ádebi oqýlyqtar. Biz barǵan kezde otandyq baspalardyń sońǵy shyqqan kitaptary turdy, men kórip qýandym. Apaidyń maǵan qýana bólisken jańalyǵy, sol kezindegi kitap tasyp berip oqytqan balalary qazir mektepke amandasýǵa, sálem berýge barǵanda syilyqqa mindetti túrde ádebi kitaptar alyp barady eken», – dedi Aigerim Begimbet.
Foto: Ult.kz
Shyǵarmashylyq toptyń taǵy bir múshesi, fotograf Sábina Ábdihalyq qazirgi balalarǵa barlyq jaǵdai jasalǵanyn qýana aita kele, joba uiymdastyrýshylarǵa da alǵysyn bildirdi.
«Men foto salasyna hobbi retinde kelgenmin. Qazir derekti formatqa kóship jatyrmyn. Osy jobada, aýyldarda protsesstiń ózi qyzyq boldy. Ár aýyldyń adamdarymen aralasyp, sýretke túsirip, etene jaqyn bolyp kettik. Ózim de shaǵyn aýylda óstim, shaǵyn 9 jyldyq mektepte oqydym. Biraq mektep bitiretin kezde bizge jańa mektep salyp berdi. Osyndai jańa tehnika bar, biraq bizge eshqaisysyn qoldandyrmaityn. «Bas, qos, óshir» dep, basqa eshteńesin paidalandyrmaityn. Qazir men qýanyp turmyn, barlyq balalar jańa, zamanaýi tehnologiialardy emin-erkin qoldanyp júr. Ǵylymǵa erte bastan bet burady. Múmkindigi zor. Osyndai jaǵdaidy jasap berip, osyndai jobalardy atqaryp júrgen, bizge de sonyń bir múshesi bolyp atsalysýymyzǵa múmkindik bergen el aǵalaryna, joba jeteshkilerine alǵysym sheksiz», – dedi Sábina Ábdihalyq.
Foto: Ult.kz
Bilim berý salasyn turaqty damytý qory týraly
Aita keteiik, atalmysh jobany qoldaýshy – Bilim berý salasyn turaqty damytý qory. Qordyń tarihy 2019 jyly kásipker Serik Tolyqpaevtyń bastamasymen aýyldyq aýmaqtardy turaqty damytý qory qurylǵan kezde bastalady. Ol aýyldaǵy ómirdi jaqsartý maqsatynda eldiń bei-jai qaramaityn azamattaryn jinaǵan. Al birinshi óńir kásipkerdiń týǵan jeri Katonqaraǵai aýdany boldy. Qordyń tarihy 2019 jyly kásipker Serik Tolyqpaevtyń bastamasymen Aýyldyq aimaqtardy turaqty damytý qory qurylǵan kezde bastalady. Aýyl ómirin jaqsartýdy maqsat tutqan, el qamyn oilaǵan azamattardy jinady. Al birinshi aimaq kásipkerdiń týǵan jeri Katonqaraǵai aýdany boldy.
2019 jyly Aýyldyq aimaqtardy turaqty damytý qory men Nazarbaev Ziiatkerlik mektepteri «Powered by NIS aýyldyq mektepteri» jobasyn iske qosty. Joba aýyldyq jáne qalalyq mektepter arasyndaǵy bilim berý sapasyndaǵy alshaqtyqty azaitýǵa baǵyttalǵan. Qordyń tarihy 2019 jyly kásipker Serik Tolyqpaevtyń bastamasymen Aýyldyq aimaqtardy turaqty damytý qory qurylǵan kezde bastalady. Aýyl ómirin jaqsartýdy maqsat tutqan, el qamyn oilaǵan azamattardy jinady. Al birinshi aimaq kásipkerdiń týǵan jeri Katonqaraǵai aýdany boldy. 2019 jyly Aýyldyq aimaqtardy turaqty damytý qory men Nazarbaev Ziiatkerlik mektepteri «Powered by NIS aýyldyq mektepteri» jobasyn iske qosqan. Joba aýyldyq jáne qalalyq mektepter arasyndaǵy bilim berý sapasyndaǵy alshaqtyqty azaitýǵa baǵyttalǵan.
Al 2022 jylǵy 14 shildede «Qazaqstan halqyna» qory, Bilim berý salasyn turaqty damytý qory jáne «Nazarbaev Ziiatkerlik mektepteri» AQ arasynda yntymaqtastyq týraly Memorandýmǵa qol qoiyldy, onyń sheńberinde «Aýyldyq jerlerde tirek mektepterdiń áleýetin damytý» qaiyrymdylyq jobasyna 4.25 mlrd teńge kóleminde grant bólingen.
Aqbota Musabekqyzy
