الماتىدا 32 جاستاعى جٷكتٸ ەيەل مەن ونىڭ دٷنيەگە كەلمەگەن سەبيٸنٸڭ ٶلٸمٸنە قاتىستى تەرگەۋ باستالدى. مارقۇمنىڭ تۋىستارى دەرٸگەرلەردٸ دەر كەزٸندە كٶمەك كٶرسەتپەدٸ دەپ ايىپتاپ وتىر, دەپ حابارلايدى ult.kz.
كتك ارناسىنىڭ جازۋىنشا, مارقۇمنىڭ جۇبايى الەكسەي ەفيمەنكونىڭ ايتۋىنشا, 5 مامىرعا قاراعان تٷنٸ ەيەلٸ ٶزٸن جايسىز سەزٸنٸپ, بٸرنەشە رەت ەسٸنەن تانىپ قالعان. وسىدان كەيٸن جەدەل جەردەم شاقىرىلىپ, ەيەل الدىمەن پەرزەنتحاناعا, كەيٸن قالالىق پەريناتالدىق ورتالىققا جەتكٸزٸلگەن.
جٷكتٸلٸكتٸڭ سەگٸزٸنشٸ ايىنداعى ەيەلگە شۇعىل كەسار تٸلٸگٸ جاسالعان. الايدا نەرەستە ٶلٸ كٷيٸندە دٷنيەگە كەلگەن. ەر ادامنىڭ سٶزٸنشە, دەرٸگەرلەر وتباسىعا بالانىڭ شەتٸنەۋٸ تۋرالى بٸردەن حابارلاماعان.
وپەراتسييادان كەيٸن ەيەل جانساقتاۋ بٶلٸمٸنە جاتقىزىلعان. دەرٸگەرلەر ونىڭ جٷرەگٸ بٸرنەشە رەت توقتاپ قالعانىن, قان كەتۋدٸ توقتاتۋعا جەنە ٶمٸرٸن ساقتاپ قالۋعا تىرىسقانىن ايتقان. الايدا 7 مامىر كٷنٸ ەيەلدٸڭ قايتىس بولعانى بەلگٸلٸ بولدى.
الدىن الا مەلٸمەت بويىنشا, ەيەلدٸڭ ميىنا قان قۇيىلعان. سوت-مەديتسينالىق ساراپتاما قورىتىندىسىندا دا ميعا قان قۇيىلۋ جەنە باس-مي جاراقاتى كٶرسەتٸلگەن. دەگەنمەن جاراقاتتىڭ قالاي پايدا بولعانى ەزٸرگە بەلگٸسٸز.
مارقۇمنىڭ تۋىستارى وقيعانىڭ ناقتى قالاي بولعانىن, دياگنوزدىڭ قاشان قويىلعانىن جەنە دەرٸگەرلەردٸڭ قانداي ەرەكەت جاساعانىن بٸلگٸسٸ كەلەدٸ. ولاردىڭ پٸكٸرٸنشە, ەيەل بٸرنەشە مەديتسينالىق مەكەمە اراسىندا ۋاقىت جوعالتىپ, قاجەتتٸ كٶمەكتٸ دەر كەزٸندە الا الماعان.
الماتى قالاسىنىڭ قوعامدىق دەنساۋلىق ساقتاۋ باسقارماسى جٷكتٸ ەيەلگە قاتىستى الدىن الا دياگنوز انىقتالعانىن, بٸراق تەرگەۋ اياقتالمايىنشا جارييالانبايتىنىن مەلٸمدەدٸ. ۆەدومستۆو دەرٸگەرلەر بارلىق قاجەتتٸ رەانيماتسييالىق جەنە حيرۋرگييالىق كٶمەكتٸ كٶرسەتكەنٸمەن, انا مەن بالانى امان الىپ قالۋ مٷمكٸن بولماعانىن حابارلادى.
قازٸر وقيعانىڭ بارلىق مەن-جايىن انىقتاۋ ٷشٸن تەكسەرۋ جەنە ساراپتاما جۇمىستارى جٷرگٸزٸلٸپ جاتىر. ەيەل مەن سەبي ٶلٸمٸنٸڭ ناقتى سەبەبٸ ساراپتاما قورىتىندىسىنان كەيٸن بەلگٸلٸ بولادى.
