Almatyda 32 jastaǵy júkti áiel men onyń dúniege kelmegen sábiiniń ólimine qatysty tergeý bastaldy. Marqumnyń týystary dárigerlerdi der kezinde kómek kórsetpedi dep aiyptap otyr, dep habarlaidy ult.kz.
KTK arnasynyń jazýynsha, marqumnyń jubaiy Aleksei Efimenkonyń aitýynsha, 5 mamyrǵa qaraǵan túni áieli ózin jaisyz sezinip, birneshe ret esinen tanyp qalǵan. Osydan keiin jedel járdem shaqyrylyp, áiel aldymen perzenthanaǵa, keiin qalalyq perinataldyq ortalyqqa jetkizilgen.
Júktiliktiń segizinshi aiyndaǵy áielge shuǵyl kesar tiligi jasalǵan. Alaida náreste óli kúiinde dúniege kelgen. Er adamnyń sózinshe, dárigerler otbasyǵa balanyń shetineýi týraly birden habarlamaǵan.
Operatsiiadan keiin áiel jansaqtaý bólimine jatqyzylǵan. Dárigerler onyń júregi birneshe ret toqtap qalǵanyn, qan ketýdi toqtatýǵa jáne ómirin saqtap qalýǵa tyrysqanyn aitqan. Alaida 7 mamyr kúni áieldiń qaitys bolǵany belgili boldy.
Aldyn ala málimet boiynsha, áieldiń miyna qan quiylǵan. Sot-meditsinalyq saraptama qorytyndysynda da miǵa qan quiylý jáne bas-mi jaraqaty kórsetilgen. Degenmen jaraqattyń qalai paida bolǵany ázirge belgisiz.
Marqumnyń týystary oqiǵanyń naqty qalai bolǵanyn, diagnozdyń qashan qoiylǵanyn jáne dárigerlerdiń qandai áreket jasaǵanyn bilgisi keledi. Olardyń pikirinshe, áiel birneshe meditsinalyq mekeme arasynda ýaqyt joǵaltyp, qajetti kómekti der kezinde ala almaǵan.
Almaty qalasynyń Qoǵamdyq densaýlyq saqtaý basqarmasy júkti áielge qatysty aldyn ala diagnoz anyqtalǵanyn, biraq tergeý aiaqtalmaiynsha jariialanbaitynyn málimdedi. Vedomstvo dárigerler barlyq qajetti reanimatsiialyq jáne hirýrgiialyq kómekti kórsetkenimen, ana men balany aman alyp qalý múmkin bolmaǵanyn habarlady.
Qazir oqiǵanyń barlyq mán-jaiyn anyqtaý úshin tekserý jáne saraptama jumystary júrgizilip jatyr. Áiel men sábi óliminiń naqty sebebi saraptama qorytyndysynan keiin belgili bolady.
