الماتى كلينيكالارىن مەديتسينالىق قۇرىلعىلارمەن جابدىقتاۋدىڭ ٷش جىلدىق باعدارلاماسى اياسىندا مەگاپوليستەگٸ مەديتسينالىق مەكەمەلەردٸڭ ماتەريالدىق-تەحنيكالىق بازاسى نىعايۋدا, دەپ حابارلايدى "ۇلت اقپارات".
الماتىنىڭ مەديتسينا ۇيىمدارىنىڭ ماتەريالدىق-تەحنيكالىق جابدىقتالۋىن جاقسارتۋ ٷشٸن 2020 جىلى جەرگٸلٸكتٸ بيۋدجەتتەن 43,1 ملرد تەڭگە بٶلٸندٸ.
بۇل قارجىعا ٶكپەنٸ جاساندى جەلدەتۋگە ارنالعان 285 اپپارات, جوعارى اعىندى O2FLO وتتەگٸ تەراپيياسىنىڭ 250 اپپاراتى, 1050 وتتەگٸ كونتسەنتراتى ساتىپ الىندى.
الماتى قوعامدىق دەنساۋلىق باسقاراماسىنا قاراستى مەديتسينالىق ۇيىمدارعا 47 رەنتگەن جەنە 52 ۋزي اپپاراتى بەرٸلدٸ.
سونداي-اق, «ورتالىق قالالىق كلينيكالىق اۋرۋحانا» شجق مكك, ي. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسى» شجق مكك, مودۋلدٸ ورتالىق, «بالالاردىڭ قالالىق كلينيكالىق جۇقپالى اۋرۋلار اۋرۋحاناسى» شجق مكك, «جەدەل مەديتسينالىق كٶمەك كٶرسەتۋدٸڭ قالالىق اۋرۋحاناسى» شجق مكك, «فتيزيوپۋلمونولوگييا ورتالىعى» شجق مكك-عا 6 وتتەگٸ ستانتسيياسى ورناتىلدى.
مودەرنيزاتسييالاۋ اياسىندا №4 قالالىق كلينيكالىق اۋرۋحاناعا ورناتىلعان جاڭا مۋلتيسپيرالدٸ مسكت – Hitachi Supria, 128 كومپيۋتەرلٸك توموگرافييا ٸسكە قوسىلدى. ونىڭ ارتىقشىلىعى, جٷرەك پەن كورونارلىق ارتەرييالاردىڭ اتەروسكلەروتيكالىق ٶتكٸزگٸشتٸگٸن انىقتايدى ەرٸ تەز سكانەر جاسايدى. ٶيتكەنٸ تيٸستٸ حاتتامالار جاساۋ ٷشٸن جەدەل سكانەرلەۋ قاجەت.
