Almaty klinikalaryn meditsinalyq qurylǵylarmen jabdyqtaýdyń úsh jyldyq baǵdarlamasy aiasynda megapolistegi meditsinalyq mekemelerdiń materialdyq-tehnikalyq bazasy nyǵaiýda, dep habarlaidy "Ult aqparat".
Almatynyń meditsina uiymdarynyń materialdyq-tehnikalyq jabdyqtalýyn jaqsartý úshin 2020 jyly jergilikti biýdjetten 43,1 mlrd teńge bólindi.
Bul qarjyǵa ókpeni jasandy jeldetýge arnalǵan 285 apparat, joǵary aǵyndy O2FLO ottegi terapiiasynyń 250 apparaty, 1050 ottegi kontsentraty satyp alyndy.
Almaty Qoǵamdyq densaýlyq basqaramasyna qarasty meditsinalyq uiymdarǵa 47 rentgen jáne 52 ÝZI apparaty berildi.
Sondai-aq, «Ortalyq qalalyq klinikalyq aýrýhana» ShJQ MKK, I. Jekenova atyndaǵy qalalyq klinikalyq juqpaly aýrýlar aýrýhanasy» ShJQ MKK, Modýldi ortalyq, «Balalardyń qalalyq klinikalyq juqpaly aýrýlar aýrýhanasy» ShJQ MKK, «Jedel meditsinalyq kómek kórsetýdiń qalalyq aýrýhanasy» ShJQ MKK, «Ftiziopýlmonologiia ortalyǵy» ShJQ MKK-ǵa 6 ottegi stantsiiasy ornatyldy.
Modernizatsiialaý aiasynda №4 Qalalyq klinikalyq aýrýhanaǵa ornatylǵan jańa mýltispiraldi MSKT – Hitachi Supria, 128 kompiýterlik tomografiia iske qosyldy. Onyń artyqshylyǵy, júrek pen koronarlyq arteriialardyń aterosklerotikalyq ótkizgishtigin anyqtaidy ári tez skaner jasaidy. Óitkeni tiisti hattamalar jasaý úshin jedel skanerleý qajet.
