فوتو: الماتى ەكٸمدٸگٸ
الماتىداعى بەلسەندٸ ۇزاق ٶمٸر سٷرۋ ورتالىعىندا قۇرىلعان «الماتى ەجەلەرٸ» جاسى ٷلكەن سەنگەرلەر مودەلدەر بٸرٸككەن اراب ەمٸرلٸكتەرٸنە ساپار شەكتٸ, دەپ حابارلايدى Ult.kz الماتى ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
دۋبايداعى تودا يننوۆاتسييالىق تەاترىندا رەجيسسەر ەرٸ پروديۋسەر ولگا ساپوجنيكوۆا تٷسٸرگەن «ۇزاق عۇمىر» اتتى دەرەكتٸ فيلمنٸڭ تۇساۋى كەسٸلدٸ. بۇل فيلمنٸڭ باستى كەيٸپكەرلەرٸنٸڭ بٸرٸ – «الماتى ەجەلەرٸ» توبىنىڭ مٷشەلەرٸ.
فيلمنٸڭ تۇساۋكەسەرٸ اياسىندا الماتىلىق زەينەتكەر ەجەلەر «اق كەربەز» سەن توپتاماسىن ۇسىنىپ, ۇزاق ٶمٸر سٷرۋ, دەنساۋلىقتى ساقتاۋ جەنە كەز كەلگەن جاستا وپتيميستٸك كٶزقاراستى ۇستانۋ قۇپيياسىن بٶلٸستٸ. سەن كٶرسەتٸلٸمٸ كەشتٸڭ جارقىن سەتٸنە اينالىپ, سۇلۋلىق, دەستٷر مەن زاماناۋيلىقتىڭ ٷيلەسٸمٸن كٶرسەتتٸ.
ٸس-شاراعا قازاقستاننىڭ باە-دەگٸ ەلشٸلٸگٸنٸڭ ٶكٸلدەرٸ, قالالىق ەكٸمدٸك, مەدەنيەت جەنە دەنساۋلىق ساقتاۋ سالاسىنىڭ قايراتكەرلەرٸ, سونداي-اق بەلسەندٸ ۇزاق ٶمٸر سٷرۋ تاقىرىبىنا قىزىعۋشىلىق تانىتقان كٶپتەگەن كٶرەرمەن قاتىستى. سونىمەن قاتار, «الماتى ەجەلەرٸ» ابۋ-دابيدەگٸ لۋۆر مۋزەيٸندە دە ٶنەر كٶرسەتتٸ.
الماتىنىڭ بەلسەندٸ ۇزاق ٶمٸر سٷرۋ ورتالىعىنىڭ قاتىسۋشىلارى كٶرەرمەندەردٸ ٶزٸنٸڭ نەزٸكتٸگٸمەن, ستيلٸمەن جەنە ٶمٸرلٸك قۋاتىمەن تەنتٸ ەتتٸ.
فوتو: الماتى ەكٸمدٸگٸ
فيلمنٸڭ تۇساۋكەسەرٸ مەن مەرەكەلٸك ٸس-شارا قازاقستان مەن باە اراسىنداعى مەدەني بايلانىستاردى نىعايتىپ قانا قويماي, حالىقارالىق اۋديتوريياعا بەلسەندٸ جەنە دەنساۋلىققا پايدالى ٶمٸر سالتىن ۇستانۋدىڭ قانشالىقتى ماڭىزدى ەكەنٸن كٶرسەتتٸ.
ايتا كەتەيٸك, بەلسەندٸ ۇزاق ٶمٸر سٷرۋ ورتالىقتارى الماتىنىڭ بارلىق اۋدانىندا جۇمىس ٸستەيدٸ. قالادا 15 ورتالىق بار: اتاپ ايتقاندا, ٷش بٶلٸمشەسٸ بار قالالىق بەلسەندٸ ۇزاق ٶمٸر سٷرۋ ورتالىق جەنە ٷكٸمەتتٸك ەمەس ۇيىمداردىڭ 11 فيليالى.
سوڭعى ەكٸ جىلدا بۇل ورتالىقتارعا كەلۋشٸلەر سانى 7 ەسە ارتتى: 2022 جىلى 833 ادام بولسا, 2024 جىلى 6 073 ادامعا جەتتٸ. كٶرسەتٸلەتٸن قىزمەتتەر سانى دا 26 ەسەگە ٶسٸپ, 12 مىڭنان 313 مىڭنان استامعا ۇلعايدى.
بەلسەندٸ ۇزاق ٶمٸر سٷرۋ ورتالىقتارى 40-تان استام تەگٸن قىزمەت تٷرٸن ۇسىنادى, ونىڭ ٸشٸندە بٸلٸم بەرۋ باعدارلامالارى, ترەنينگتەر, دەنە شىنىقتىرۋ, يوگا, بي, سونداي-اق شىعارماشىلىق شەبەرحانالار بار.
