Foto: Almaty ákimdigi
Almatydaǵy Belsendi uzaq ómir súrý ortalyǵynda qurylǵan «Almaty ájeleri» jasy úlken sángerler modelder Birikken Arab Ámirlikterine sapar shekti, dep habarlaidy Ult.kz Almaty ákimdiginiń baspasóz qyzmetine silteme jasap.
Dýbaidaǵy Toda innovatsiialyq teatrynda rejisser ári prodiýser Olga Sapojnikova túsirgen «Uzaq ǵumyr» atty derekti filmniń tusaýy kesildi. Bul filmniń basty keiipkerleriniń biri – «Almaty ájeleri» tobynyń músheleri.
Filmniń tusaýkeseri aiasynda almatylyq zeinetker ájeler «Aq kerbez» sán toptamasyn usynyp, uzaq ómir súrý, densaýlyqty saqtaý jáne kez kelgen jasta optimistik kózqarasty ustaný qupiiasyn bólisti. Sán kórsetilimi keshtiń jarqyn sátine ainalyp, sulýlyq, dástúr men zamanaýilyqtyń úilesimin kórsetti.
Is-sharaǵa Qazaqstannyń BAÁ-degi elshiliginiń ókilderi, qalalyq ákimdik, mádeniet jáne densaýlyq saqtaý salasynyń qairatkerleri, sondai-aq belsendi uzaq ómir súrý taqyrybyna qyzyǵýshylyq tanytqan kóptegen kórermen qatysty. Sonymen qatar, «Almaty ájeleri» Abý-Dabidegi Lývr mýzeiinde de óner kórsetti.
Almatynyń Belsendi uzaq ómir súrý ortalyǵynyń qatysýshylary kórermenderdi óziniń náziktigimen, stilimen jáne ómirlik qýatymen tánti etti.
Foto: Almaty ákimdigi
Filmniń tusaýkeseri men merekelik is-shara Qazaqstan men BAÁ arasyndaǵy mádeni bailanystardy nyǵaityp qana qoimai, halyqaralyq aýditoriiaǵa belsendi jáne densaýlyqqa paidaly ómir saltyn ustanýdyń qanshalyqty mańyzdy ekenin kórsetti.
Aita keteiik, Belsendi uzaq ómir súrý ortalyqtary Almatynyń barlyq aýdanynda jumys isteidi. Qalada 15 ortalyq bar: atap aitqanda, úsh bólimshesi bar qalalyq belsendi uzaq ómir súrý ortalyq jáne úkimettik emes uiymdardyń 11 filialy.
Sońǵy eki jylda bul ortalyqtarǵa kelýshiler sany 7 ese artty: 2022 jyly 833 adam bolsa, 2024 jyly 6 073 adamǵa jetti. Kórsetiletin qyzmetter sany da 26 esege ósip, 12 myńnan 313 myńnan astamǵa ulǵaidy.
Belsendi uzaq ómir súrý ortalyqtary 40-tan astam tegin qyzmet túrin usynady, onyń ishinde bilim berý baǵdarlamalary, treningter, dene shynyqtyrý, ioga, bi, sondai-aq shyǵarmashylyq sheberhanalar bar.
