بەينەدەن الىنعان كادر / 24.kz
اقتٶبەدە جەڭٸس كٷنٸ قارساڭىندا ەل جٷرەگٸن تولقىتقان تىڭ دەرەك كٶپشٸلٸككە ۇسىنىلدى. ەلييا مولداعۇلوۆانىڭ سوعىسقا اتتانار الدىندا جازعان بۇرىن بەلگٸسٸز بولىپ كەلگەن حاتى العاش رەت جۇرت نازارىنا ۇسىنىلدى, دەپ حابارلايدى Ult.kz 24.kz-كە سٸلتەمە جاساپ.
قۇندى جەدٸگەردٸ ەلييا مولداعۇلوۆا اتىنداعى وبلىستىق مەموريالدىق مۋزەي قورىنان كٶرۋگە بولادى. باتىر قىز بۇل حاتتى بالا كٷنگٸ دوسى ولەگكە ارناپ جازعان. وندا ول مەرگەندەر مەكتەبٸندە بٸلٸم الىپ جٷرگەنٸن جەنە وتان قورعاۋعا اتتانۋعا دەگەن زور ىقىلاسىن ەرەكشە قۋانىشپەن جەتكٸزەدٸ.
مۋزەي قورىندا بۇعان دەيٸن قاھارماننىڭ جەتٸ حاتىنىڭ كٶشٸرمەسٸ ساقتالعان بولسا, سەگٸزٸنشٸ حات مەملەكەتتٸك ارحيۆتەن تابىلىپ, عىلىمي اينالىمعا ەنگٸزٸلدٸ. بۇل جەدٸگەر بەلگٸلٸ جۋرناليست, دەرەكتٸ فيلمدەر ستسەناريسٸ سەيٸلحان اسقاروۆتىڭ جەكە مۇراعاتىنان الىنعان.
حات مازمۇنىندا ەلييانىڭ قايسار مٸنەزٸ ايقىن سەزٸلەدٸ. ەسكەري كوميسسارياتقا بٸرنەشە رەت جاسى جەتپەگەنٸنە قاراماستان قايتا-قايتا بارىپ, اقىرى ارمانىنا جەتكەنٸن جازادى. سونىمەن قاتار ول اركاديي گايدارنىڭ سٶزدەرٸنەن شابىت العانىن دا اتاپ ٶتەدٸ. بۇل ونىڭ رۋحاني ەلەمٸ مەن ماقساتكەرلٸگٸن ايقىنداي تٷسەدٸ.
تاريحشىلاردىڭ ايتۋىنشا, بۇل حات شامامەن 1943 جىلى, ەلييا مەرگەندەر مەكتەبٸن ٷزدٸك اياقتاعان كەزەڭدە جازىلعان. كٶپ ۇزاماي ول مايدانعا اتتانىپ, 54-شٸ ارنايى اتقىشتار بريگاداسى قۇرامىندا ەرلٸكپەن شايقاسادى.
حات جولدارىندا تۋعان جەرگە دەگەن ساعىنىش, دوستىققا ادالدىق جەنە وتان الدىنداعى بورىشقا دەگەن بەرٸكتٸك ايقىن اڭعارىلادى. باتىر قىز ٶز ويىن نەبەرٸ بٸرنەشە سٶيلەممەن جەتكٸزسە دە, ونىڭ ەربٸر جولى – تۇتاس بٸر دەۋٸردٸڭ ٷنٸ ٸسپەتتٸ.
كٶرمەدە سونداي-اق اقىن اباي قۇنانبايۇلىنىڭ ٶلەڭ جولدارى دا ۇسىنىلعان. بۇل ٶلەڭ ارقىلى باتىردىڭ ٶمٸرلٸك ۇستانىمى مەن رۋحاني بيٸگٸ كٶرٸنٸس تابادى.
ايتا كەتەيٸك, مۋزەيدە اشىلعان ارنايى كٶرمەدە ەكٸنشٸ دٷنيەجٷزٸلٸك سوعىسقا قاتىسقان 40-تان استام اقتٶبەلٸك جاۋىنگەردٸڭ فوتوسۋرەتتەرٸ, ماراپاتتارى مەن جەكە زاتتارى قويىلعان. كٶرمە كەلۋشٸلەرگە تەك تاريحي دەرەك ەمەس, ەل ٷشٸن جانىن قيعان ەرلەردٸڭ ٶر رۋحىن سەزٸنۋگە مٷمكٸندٸك بەرەدٸ.
