بٷگٸن استانادا باستالعان ەلەمدٸك جەنە دەستٷرلٸ دٸندەر كٶشباسشىلارىنىڭ VI سەزٸندە ەل-ازحاردىڭ (مىسىر) باس يمامى شەيح مۇحامماد احماد ات-تايەب تەرروريزمنٸڭ تۋىنداۋى مەن تاراۋى تۋراسىندا ٶزٸنٸڭ وي-پايىمىمەن بٶلٸستٸ, دەپ حابارلايدى قازاقپارات تٸلشٸسٸ.
«ويلاپ وتىرساڭىز, تەرروريزمنٸڭ رەسۋرستارى, قارۋلانۋى, الاپات كٷشپەن بٸر شەكارادان ەكٸنشٸسٸنە ەمٸن-ەركٸن ٶتٸپ كەتٸپ, تۇتقيىلدان شابۋىلداۋى - وعان يسلام ەلەمٸنٸڭ مۇرىندىق بولىپ وتىرعانىنا كٷمەن تۋدىرادى», - دەدٸ شەيح مۇحامماد احماد ات-تايەبتٸڭ.
ونىڭ اتاپ ٶتۋٸنشە, تەرروريزمنٸڭ مۇسىلماندارعا تەلٸنۋٸ - تەك بەتپەردە عانا.
«ەلبەتتە, ەرەكەت الاڭى يسلامدىق, ارابتىق الاڭدا ٶتٸپ جاتقانىن بٸلٸپ وتىرمىز. سونداي-اق, بۇل ويىندا ارابتار مەن مۇسىلماندار زارداپ شەگٸپ جاتىر. ال تٷپتەپ كەلگەندە رەجيسسۋرادا ارابتىق نەمەسە يسلامدىق قاتىسۋ بارىنا انىق كٷمەنٸمٸز بار. يسلامنىڭ اتىن جامىلا وتىرىپ, تەرروريزم اراب ەلەمٸنە ٷلكەن سوققى بەردٸ. وسىنىڭ سالدارىنان مۇسىلماندارعا ٷرەيمەن قارايتىن كٶزقاراس قالىپتاستى», - دەيدٸ ول.
شەيح مۇحامماد احماد ات-تايەب تەرروريزم ەشقانداي ۇلتقا دا, دٸنگە دە بٶلٸنبەيتٸنٸن اتاپ ٶتتٸ.
«تەرروريزمدٸ يسلام دا, حريستياندىق تا, يۋدايزم دە ويلاپ تاپقان جوق. ول - حالىقارالىق ساياساتتىڭ اداسىپ كەتكەن ەدٸلەتسٸز بالاسى ٸسپەتتٸ. ول ەشكٸمدٸ بالا دەپ, ٷلكەن دەپ بٶلمەي قاتىگەزدٸگٸن جاساي بەرەدٸ», - دەيدٸ مىسىردىڭ باس يمامى.
ٶز سٶزٸنە دەلەل رەتٸندە ول بٸرنەشە ستاتيستيكالىق مەلٸمەت كەلتٸردٸ.
«ەۋروپاداعى «ەكسترەميستٸك يسلاميزم» دەپ اتاپ كەتكەن قۇبىلىستىڭ ستاتيستيكالىق مەلٸمەتتەرٸنە كٶز جٷگٸرتتٸم. سيرييا مەن يراكقا تارتىلعان ەۋروپالىق جاستاردىڭ كٶبٸ دٸن جولىندا بولماعانىن وقىدىم. ويلاپ قاراڭىز, ستاتيستيكالىق مەلٸمەت بويىنشا ەۋروپالىق 400 وتباسىدان سيرييا مەن يراكقا جاستار كەتكەن. ولاردىڭ 40 پايىزى دٸني سەنٸمدە بولماعان. ياعني, ولار - اتەيستەر. قالعان 40 پايىزى كاتوليتسيزمدٸ ۇستانسا, 19 پايىزى عانا مۇسىلمان, 1 پايىزى يۋدەي بولعان. وسىلايشا, بۇل جەردە مەسەلە يسلام دٸنٸندەگٸ جاستاردا نەمەسە يسلام جيحادىندا ەمەس ەكەنٸن اڭعارا بەرٸڭٸز. بۇل ەدٸلەتسٸزدٸكتٸڭ بەلگٸسٸ. قازٸرگٸ ٶركەنيەتتە دٸني قۇندىلىقتار مەن نورمالاردىڭ جوقتىعى بايقالادى», - دەيدٸ ول.
ەسكە سالايىق, ەلوردادا قر پرەزيدەنتٸ نۇرسۇلتان نازارباەۆتىڭ تٶراعالىعىمەن ەلەمدٸك جەنە دەستٷرلٸ دٸندەر كٶشباسشىلارىنىڭ VI سەزٸ ٶتٸپ جاتىر.
