24-25 قازان ارالىعىندا اقش-تىڭ ساۋدا مينيسترٸ ۋيلبەر روسس قازاقستاندا بولىپ, مەملەكەت باسشىسى جەنە ٷكٸمەت مٷشەلەرٸمەن كەزدەسەدٸ. بۇل تۋرالى قر سٸم-دە ٶتكەن باسپاسٶز مەسليحاتىندا ۆەدومستۆونىڭ رەسمي ٶكٸلٸ ايبەك سماديياروۆ مەلٸم ەتتٸ, دەپ حابارلايدى "ۇلت اقپارات".
«قازاقستان پرەزيدەنتٸ نۇرسۇلتان نازارباەۆتىڭ 2018 جىلدىڭ قاڭتار ايىندا اقش-قا رەسمي ساپارىنىڭ نەتيجەسٸندە قول جەتكٸزٸلگەن ۋاعدالاستىقتارعا سەيكەس ٷستٸمٸزدەگٸ جىلدىڭ 24-25 قازان ارالىعىندا اقش-تىڭ ساۋدا مينيسترٸ ۋيلبەر روسستىڭ قازاقستانعا ساپارى بولادى. ساپار شەڭبەرٸندە قازاقستان-اقش اراسىنداعى ساۋدا-ەكونوميكالىق جەنە ينۆەستيتسييالىق ىنتىماقتاستىق پەرسپەكتيۆالارىن تالقىلاۋ جوسپارلانۋدا. ساپار بارىسىندا ۋيلبەر روسستىڭ مەملەكەت باسشىسى جەنە ٷكٸمەت مٷشەلەرٸمەن كەزدەسۋٸ, سونداي-اق استانا جەنە الماتى قالالارىندا ەكٸ ەلدٸڭ ٸسكەر توپتارى ٶكٸلدەرٸنٸڭ قاتىسۋىمەن قازاقستاندىق-امەريكالىق بيزنەس-فورۋمدار ۇيىمداستىرىلادى», - دەيدٸ ايبەك سماديياروۆ.
قر سٸم رەسمي ٶكٸلٸنٸڭ ايتۋىنشا, اقش-تىڭ ساۋدا مينيسترٸنٸڭ قازاقستانعا ساپارى ەكٸجاقتى قاتىناستار تاريحىنداعى العاشقى ساپار بولىپ وتىر. بۇل ساپار ەكٸ ەلدٸڭ اراسىنداعى ستراتەگييالىق ەرٸپتەستٸكتٸ, سونىڭ ٸشٸندە ساۋدا جەنە ەكونوميكا, ينۆەستيتسييا سالالارىن ودان ارى دامىتۋعا ىقپال ەتەدٸ.
«ايتا كەتەتٸن جايت, ستاتيستيكاعا سەيكەس, 2017 جىلى قازاقستاننىڭ اقش-پەن ساۋدا كٶلەمٸ 1 ملرد 518 ملن اقش دوللارىن قۇرادى. سونىڭ ٸشٸندە قازاقستاننىڭ اقش-قا ەكسپورت كٶلەمٸ 354,6 ملن اقش دوللارىن قۇراسا, اقش-تىڭ قازاقستانعا يمپورت كٶلەمٸ 1 ملرد 164 ملن اقش دوللارىن قۇرادى. 2018 جىلدىڭ قاڭتار-تامىز ايلارىنىڭ ارالىعىندا ەكٸ ەلدٸڭ اراسىنداعى ساۋدانىڭ كٶلەمٸ 1 ملرد 462 ملن اقش دوللارىنا جەتتٸ. بۇل كٶرسەتكٸش 2017 جىلدىڭ ۇقساس كەزەڭٸمەن سالىستىرعاندا 29 پايىزعا جوعارى», - دەيدٸ ول.
ەسكە سالا كەتەيٸك, قازاقستان پرەزيدەنتٸ وسى جىلدىڭ 16-18 قاڭتارىندا امەريكا قۇراما شتاتتارىنا رەسمي ساپارمەن بارعان بولاتىن. وندا نۇرسۇلتان نازارباەۆ اقش پرەزيدەنتٸ دونالد ترامپپەن كەزدەسكەن ەدٸ. سونداي-اق اقش-تىڭ رەسمي جەنە ٸسكەر توپتار ٶكٸلدەرٸمەن كەزدەسۋ ٶتكٸزدٸ. نەتيجەسٸندە قۇنى 7 ميلليارد تەڭگەنٸ قۇرايتىن 20-دان استام كەلٸسٸمگە قول قويىلدى.
