سۋرەت: اقوردا
مەملەكەت باسشىسى سۋ تاسقىنىمەن كٷرەس شارالارىنا بەلسەنە اتسالىسقان ەل ازاماتتارىن ماراپاتتاۋ رەسٸمٸندە سٶز سٶيلەدٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنت, ەڭ الدىمەن, بۇل بۇرىن ەشقاشان بولماعان ەڭ جويقىن تابيعي اپات ەكەنٸن اتاپ ٶتتٸ. قازاقستاننىڭ 10 ايماعىندا تٶتەنشە جاعداي جارييالاندى. جالپى, ەل كٶلەمٸندە 19 مىڭنان استام تۇرعىن ٷيدٸ سۋ باستى.
"سىن ساعاتتا ەلٸمٸز ىرىستى ىنتىماعىن تانىتتى. بٸز تابيعي اپات كەزٸندە جۇرت بولىپ جۇمىلدىق. بٸرتۇتاس ەل ەكەنٸمٸزدٸ كٶرسەتتٸك. قۇتقارۋشىلار, ەسكەريلەر, ٸشكٸ ٸستەر ورگاندارى مەن ەكٸمدٸك قىزمەتكەرلەرٸ تەۋلٸك بويى جۇمىس ٸستەدٸ. ولار وتان الدىنداعى پارىزىن مٸنسٸز اتقاردى. بٸر سٶزبەن, انتقا ادال بولدى", - دەدٸ مەملەكەت باسشىسى.
سۋرەت: اقوردا
قاسىم-جومارت توقاەۆ توپان سۋمەن كٷرەسكە كٷشتٸك قۇرىلىمداردىڭ 63 مىڭنان استام قىزمەتكەرٸ اتسالىسقانىنا نازار اۋداردى. قۇتقارۋ وپەراتسيياسى بارىسىندا 120 مىڭنان استام ادام, ونىڭ ٸشٸندە 40 مىڭ بالا قاۋٸپسٸز جەرگە كٶشٸرٸلدٸ.
"بۇل – قۇتقارۋشىلار مەن ۇشقىشتاردىڭ قاجىرلى ەڭبەگٸنٸڭ نەتيجەسٸ. ەبٸش كەكٸلباەۆ «ەلٸن سٷيگەن ازاماتقا ەڭ ٷلكەن قايعى – ٶز حالقىنىڭ تاعدىرىنان تىس قالۋ» دەپ ايتقان. ۇلتتىق ەرٸكتٸلەر جەلٸسٸ تابيعي اپات بولعان سەتتەن باستاپ ەرەكشە بەلسەندٸ بولدى. 50 مىڭنان استام ۆولونتەر كٶمەك كەرۋەندەرٸن ۇيىمداستىردى. ولار اپات ايماقتارىنا ازىق-تٷلٸك جەنە باسقا دا قاجەتتٸ زاتتاردى جەتكٸزۋگە اتسالىستى. قازاقستان حالقى اسسامبلەياسىنىڭ «جٷرەكتەن جٷرەككە» اكتسيياسى ورتاق ٸسكە مول سەپتٸگٸن تيگٸزدٸ", – دەدٸ پرەزيدەنت.
مەملەكەت باسشىسى كەنتاۋ قالاسىندا تۇراتىن گاۋھار شايمەردەن ەسٸمدٸ وقۋشى قىزدىڭ اتا-اناسىنا وتانشىل ۇرپاق ٶسٸرٸپ جاتقانى ٷشٸن العىس ايتتى. ول ٶزٸ جيناپ جٷرگەن قارجىسىن قۇلسارى قالاسىنىڭ تۇرعىندارىنا اۋدارعان. سونىمەن قاتار اتىراۋ وبلىسىنىڭ تۇرعىندارى – توقساننان اسقان ورىنشا توقتىباققىزى مەن ەلييا دوسمۇحانوۆانىڭ ەرەن ەڭبەگٸن ەرەكشە اتاپ ٶتتٸ. بۇدان بٶلەك, پرەزيدەنت كٶمەك بەرگەنٸ ٷشٸن باۋىرلاس مەملەكەتتەرگە, حالىقارالىق كومپانييالار مەن ۇيىمدارعا ريزاشىلىعىن بٸلدٸردٸ.
"ناعىز دوستىق قيىندىقتا سىنالادى دەپ تەكتەن-تەك ايتپايدى. كەيبٸر شەتەلدٸك ازاماتتار زارداپ شەككەن ادامدارعا جەردەمدەسۋ ٷشٸن ارنايى كەلدٸ. وسى سەتتٸ پايدالانىپ, قيىن-قىستاۋ شاقتا قولداۋ بٸلدٸرگەنٸ ٷشٸن شەتەلدٸك سەرٸكتەستەرٸمٸزگە جەنە دوستارىمىزعا شىن جٷرەكتەن ريزاشىلىعىمدى بٸلدٸرەمٸن", – دەدٸ مەملەكەت باسشىسى.
پرەزيدەنتتٸڭ ايتۋىنشا, سۋ تاسقىنى كەزٸندە حالقىمىز بٸرلٸگٸ بەكەم, ىنتىماعى بەرٸك ەل ەكەنٸن كٶرسەتتٸ.
"الاپات سۋ تاسقىنداپ كەلٸپ قالعاندا, وتانداستارىمىز تابيعات اپاتىمەن كٷرەسٸپ جاتقان قۇتقارۋشىلارعا كٶمەك قولىن سوزدى. ولار سۋ باسقان ايماقتاردا جاۋاپتى قىزمەت مەكەمەلەرٸنە جەردەمدەسٸپ, جانقييارلىقپەن ەرەكەت ەتتٸ ەرٸ باتىلدىق تانىتتى. كٶبٸ ادامدار مەن جانۋارلاردى ٶز كٶلٸكتەرٸمەن قاۋٸپسٸز جەرگە الىپ شىقتى. مىڭداعان جاناشىر ازامات تاسقىن سۋدان قورعايتىن بٶگەن سالۋعا قاتىستى. ورتاق كٷش-جٸگەردٸڭ ارقاسىندا بٸز جاعدايدىڭ ۋشىعىپ كەتۋٸنە جول بەرمەدٸك", – دەدٸ قاسىم-جومارت توقاەۆ.
سونىمەن قاتار مەملەكەت باسشىسى ٶزدەرٸن ناعىز وتانشىل ەرٸ جاۋاپتى ازامات رەتٸندە كٶرسەتكەن ەرٸكتٸلەردٸڭ ەڭبەگٸن جوعارى باعالاپ, ولاردى قازٸرگٸ زاماننىڭ باتىرلارى دەپ اتادى.
"مەن ەرٸكتٸلەر قوزعالىسىنىڭ دامۋىنا ايرىقشا مەن بەرەمٸن. ٶزدەرٸڭٸزگە مەلٸم, 2020 جىلدى ۆولونتەر جىلى دەپ جارييالادىم. وسى ۋاقىت ٸشٸندە ەلٸمٸزدەگٸ ۆولونتەرلٸك قىزمەت مٷلدە جاڭا دەڭگەيگە كٶتەرٸلدٸ. ەرٸكتٸلەردٸڭ كٷش-جٸگەرٸنٸڭ ارقاسىندا ماڭىزدى باستامالار مەن جوبالار جٷزەگە استى. ەڭ باستىسى, بٸز ادامداردىڭ مەملەكەت پەن قوعام ٶمٸرٸنە ارالاسۋعا, ادامي قۇندىلىقتار مەن قاسيەتتەرگە ساي بولۋعا دەگەن نيەتٸن وياتتىق. ەلٸمٸزدەگٸ جان-جاقتى جاڭعىرۋلاردىڭ قوزعاۋشى كٷشٸ – ادام. قولعا الىنعان اۋقىمدى رەفورمالار تابىستى جٷزەگە اسۋ ٷشٸن ەلٸمٸزدٸڭ بارشا ازاماتى كٷش بٸرٸكتٸرۋٸ قاجەت ەكەنٸنە سەنٸمدٸمٸن", – دەدٸ قاسىم-جومارت توقاەۆ.
پرەزيدەنت باسپاناسىز قالعان ادامدارعا «قازاقستان حالقىنا» قورىنان تۇرعىن ٷي سالۋعا قاراجات بٶلٸنگەنٸن ايتتى. جالپى, 2200-دەن استام ٷي سالىنادى. سونداي-اق 10 مىڭعا جۋىق باسپانا كٷردەلٸ جٶندەۋدەن ٶتەدٸ.
"تاسقىننىڭ زاردابىن جويۋعا بٸرقاتار كەسٸپكەرٸمٸز قوماقتى قاراجات بٶلدٸ. ولار ەردايىم تۋعان ەلٸمەن بٸرگە ەكەنٸن ناقتى ٸسپەن دەلەلدەدٸ. ۇلت مٷددەسٸنە ساي جاۋاپكەرشٸلٸگٸ مول كەسٸپكەرلٸك دەگەنٸمٸز – وسى. ەرينە, قالىس قالعان كەسٸپكەرلەر دە از ەمەس, ولاردىڭ كٸم ەكەنٸن دە جاقسى بٸلەمٸز. بٸز ەشكٸمدٸ مەجبٷرلەگەن جوقپىز. ەركٸم ٶز تاڭداۋىن جاسادى", – دەدٸ مەملەكەت باسشىسى.
قاسىم-جومارت توقاەۆ كيەۆتە قازاقستان جۋرناليسٸنە جاسالعان قاستاندىق ەرەكەتكە قاتىستى پٸكٸر بٸلدٸردٸ.
"ەلٸمٸزدە زاڭ ٷستەمدٸگٸن نىعايتىپ جاتىرمىز, ياعني بارلىق سالادا, ەڭ الدىمەن, زاڭ ٷستەمدٸگٸن قامتاماسىز ەتۋ – باستى مٸندەت. بۇل مەسەلە بويىنشا مەنٸڭ كٶزقاراسىم – ايقىن. مۇنى ٶزدەرٸڭٸز دە جاقسى بٸلەسٸزدەر. قازاقستاندا زاڭ مەن تەرتٸپ بەرٸنەن بيٸك تۇرۋعا تيٸس. سوندىقتان قوعامداعى بارلىق قاراما-قايشىلىقتار مەن كەلٸسپەۋشٸلٸكتەردٸ تەك قانا قۇقىقتىق تۇرعىدان, ياعني تيٸستٸ زاڭناماعا جەنە نەگٸزگٸ حالىقارالىق نورمالارعا سەيكەس شەشۋ قاجەت. كەشە قازاقستان ازاماتى ايدوس سادىقوۆقا قاتىستى كيەۆتە بولعان قىلمىسقا دا دەل وسى ۇستانىم تۇرعىسىنان قاراعان جٶن. مەن ديپلوماتييالىق ارنالار مەن قۇقىق قورعاۋ ورگاندارى ارقىلى وسى وقىس وقيعا بويىنشا رەسمي سۇراتۋلار جٸبەرۋ تۋرالى ناقتى تاپسىرما بەردٸم. سونداي-اق قاجەت بولعان جاعدايدا قازاقستاننىڭ رەسمي ورگاندارى ٸستٸڭ اقيقاتىنا جەتۋگە جەردەم بەرۋ ٷشٸن تەرگەۋ جۇمىسىنا قاتىسۋعا دايىن ەكەنٸن ايتقىم كەلەدٸ", – دەدٸ پرەزيدەنت.
قاسىم-جومارت توقاەۆ سٶزٸن قورىتىندىلاي كەلە, اپات سالدارىن جويۋعا اتسالىسقان ەر ازاماتقا شىنايى ريزاشىلىعىن بٸلدٸردٸ.
"بارشاڭىزعا مەلٸم, قازٸر «تازا قازاقستان» اكتسيياسى باستالدى. بۇل – ٶتە ماڭىزدى ەلەۋمەتتٸك, تٸپتٸ ساياسي جوبا. ونىڭ تٷپكٸ مەنٸ – ۇلتتى ورتاق ٸسكە ۇيىستىرىپ, ەلٸمٸزدٸ كٶركەيتە تٷسۋ, حالقىمىزدىڭ جاڭا ەكولوگييالىق سانا-سەزٸمٸن دامىتۋ. بۇعان, ەڭ الدىمەن, ٶزدەرٸڭٸز سيياقتى ادال ازاماتتار ۇيىتقى بولادى. ەل مٷددەسٸ ٷشٸن جاسالعان ەڭبەك پەن ەرلٸك ەشقاشان ۇمىتىلمايدى. سوندىقتان بٷگٸنگٸ ماراپاتتى حالىقتىڭ سٸزدەرگە دەگەن زور العىسى دەپ قابىلداعان جٶن", – دەدٸ پرەزيدەنت.
ماراپاتتاۋ رەسٸمٸندە «زاعيپتار ارمانى» مٷگەدەكتەر قوعامدىق بٸرلەستٸگٸنٸڭ ٸس جٷرگٸزۋشٸسٸ ەلييا دوسمۇحانوۆا, «وسنوۆانيە» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ ەكسكاۆاتورشىسى ۆلاديمير تساريك جەنە «قازسۋشار» رەسپۋبليكالىق مەملەكەتتٸك كەسٸپورنى اقتٶبە فيليالىنىڭ سۋ بەرۋدٸ رەتتەۋشٸسٸ شىڭعىستاۋ ەبديەۆ سٶز سٶيلەدٸ.
بۇدان كەيٸن مەملەكەت باسشىسى سۋ تاسقىنىنا قارسى شارالارعا بەلسەنە اتسالىسقان بٸر توپ قۇتقارۋشىنى, ۆولونتەرلەر مەن قوعام بەلسەندٸلەرٸن, ەسكەري قىزمەتشٸلەر مەن دەرٸگەرلەردٸ, قاراپايىم جۇمىسشىلاردى, سونداي-اق كەسٸپكەرلەر مەن ٸرٸ بيزنەس ٶكٸلدەرٸن ماراپاتتادى.
